عرض للطباعة
السلام عليكم جميعا
محتار بجد بين 301 و سي إليزيه !! رأيكو إيه من حيث العربية نفسها و التوكيل و قطع الغيار, و من حيث الإنتشار ... و كده يعنى :-)
انا بصراحة مطمئن اكتر للبيجو, يعنى حاسس إنى بشوف عربيات كتير بيجو فى الشارع من مختلف الفئات, لكن مش بشوف سيتروين تقريبا خالص :-)
يا ريت حد يفيدنى , و شكرا :-))
هما العربيتين تقريبا واحد نفس الشاسية و الموتور بتعديلات تسيطة لا تذكر يعني حتى نفس التابلوة من جوة و تشاركهم الرينو بردوا منزلة عربية زيهم بس مش عارف هتنزل مصر ولا لا بس عمتا الي هيفرق معاك هنا التوكيل اكتر لان كدة كدة قطع الغيار تعتبر واحدة لو البيجو غالية قطع غيارها مثلا يبقى هات بتاعة الستروين هتركب و هكذا المهم انا من تعاملي و السمعة اسمع ان وجية اباظة مش كويس في حاجات كتير و فاشل نوعا ما انما توكيل سيتروين مسمعتش عنة اي مشاكل او شكوى بنسبة للشكل من وجهة نظري الستروين لانها مش منتشرة يعني هتبقى راكب عربية مش ماشية في الشارع كتير و دة حاجة حلوة لان ال301 انتشرت جدا و كدة كدة حضرتك هما الاتنين واحد تقريبا باختلاف شكل الكشافات انما التابلوة هو هو و قاعدة العجلات و كل حاجة فالفرق بقى من ناحيتك في الشكل الي عجبك اكتر و التوكيل و بخصوص بيجو في اعضاء هنا كانت عملة موضوع محترم عن تجربتهم لتوكيل بيجو 301 صيانتها و كلهم اجمعوا ان توكيل سيئ جدا :)
باشا العربيتين حاجة واحدة هما عربية واحدة بشكلين مختلفين مش عربيتين مختلفين عشان نقارن بينهم
قطع الغيار بالنسبة للاتنين سعرهم واحد و هى هى نفس قطع الغيار مشتركة ما بين العربيتين و بنفس البارت نمبر
المقارنة هتكون من حيث التوكيل و فى رايى الاتنين توكيلهم متواضع او عادى لا هو جيد ولا سيئ
فرق الستروين عن البيجو تطعيمات نيكل و كروم زيادة و فرق البيجو عن الستروين جنط 16 بدل 15 ( الكلام ده فى الهاى لاين )
انا كنت فى حيرتك دى و استقريت على الاليزيه
ربنا يوفقك فى الاختيار و مبروك مقدما ان شاء الله
الاليزية من وجهة نظري اشيك بكتير و لو على الجنط ممكن تغيرة زي ما قالك الباشا
مع احترامي بس عمتن توكيل بيجو اتباع اصلن ممن سنتيين انل كنت برروح من ايام الاباظوية كان توكيل اشتم فيه برحتك فيه كل العيووب قطع غيار مش موجود و كل حاجة خرة لاكن الوكيل الجديد ده برنسس رجع اسم بيجو تاني من الاخر اما عز العرب فاعيز تغرف يعني ايه احتكار عز العرب اسئل علي فانوس فولفو 18000 ايوه تمنتاشر الف غير الضريبة والمصنعية حتقولي دي فولفو حقولك طاب اسئل علي فانوس جين 2 ومتدخضش اسئل علي كولنين الجين لما تلقيهم داخلين في 6000 تعرف انك وقعت فيتوكيل شمال و ده مش كلام واحد ده كلام ناس كتير كانوا بيصينو في التوكيل وبعدين لو عز العرب جامد كان زمان مصر كلها ركبا جين و ستروين
هو ناس كتير ركبة جين 2 بصراحة هههههه بس انا معرفش موضوع توكيل بيجو القديم انا قصدت ان الاليزية شكلها اشيك و كدة كدة هي هي نفس العربية :)
عز العرب أفشل توكيل فى مصر وأسأل فى قسم بروتون
هي الفكرة يا اساتذة محترمين انهم عربية واحدة فمش هتفرق انهي توكيل لانة ممكن يعمل الصيانة في اي مركز صيانة سواء بيجو او ستروين هي الفكرة في انهي شكل الي عجبة بس انا من وجهة نظري الستروين اشيك و جمل و مش منتشرة و فخمة اكتر من البيجو مع احترامي للارائكم
اباظة مبعش التوكيل في واحد دخل شريك مع اباظة لكن عز العرب معاة توكيلات عربيات كتير ستروين-فولفو-دايهاتسوا-بروتون فاكيد مش هيعرف يهتم بالعربية شوف كام واحد جاي مثل يعمل صيانة 1000 كيلو
توضيح بسيط : صحيح ان ستروين و بروتون وكيلهم عز العرب لكن سوء ادارة قسم بروتون هو اللى عامل المشاكل دى كلها و ده ملوش تبعيات على ادارة الاقسام الهاصة بالماركات التانية
كل اللى اشتكى من عز العرب استشهد ببروتون و المشاكل اللى واجهت اعضاء قسم بروتون لكن محدش ذكر او استشهد بالمساوئ اللى فى قسم ستروين . ببساطة عز العرب مع بروتون حاجة و مع ستروين حاجة تانية , ادارة مختلفة بتعامل مختلف .
بالنسبة لموضوع قطع الغيار الاليزيه , حضرتك تقدر تعمل سيرش عليها و هتفاجئ من تمنها لانعا ارخص بكتير من قطع غيار العربيات الكورى باستثناء حاجة او اتنين زى اكصدام او مراية او بربريز عدا ذلك الاسعار فعلا كويسة جدا على عربية اوروبى ..
ملحوظة اخيرة البيجو 301 و السيتروين الاليزيه عربيات مُصنفة عربيات اقتصادية موجهة لفءة معينة مستهدفة مستوى دخل و طبقة معينة عشان كدا بتتصدر لدول بعينها فى العالم مش لكل الدول , هو كوكيل ميقدرش يلعب براحته فى سعر العربية و لا فى سعر قطع الغيار لانها ليها سقف لو خرجت عنه هتخرج عن الهدف اللى متصنعة و متسوقة عشان هتخرج لفئة مش بتاعتها و لو ده حصل هتفشل و هتتركن عنده و محدش هيشتريها .
دى وجهة نظرى المتواضعة
تقبل مرورى و اسف للاطالة
انا بصراحة شا يف الاتنين وحشين من ورا البيجو حلوة قوي من قدام الاليزيه احلي من الجنب و الاختيار ليك لو انت من الافليم يبقتي خليك في ستروين عشان عز برغم وحشتو لاكن عنده كام مرمك الاقليز في
خليك فى ال 301 عشان ثقافة شعبك العظيم
عز العرب بيعامل ملاك سيتروين-فولفو معامله عاليه اوي, وبيعامل ملاك بروتون معاله تانيه خاااالص سيئه جدا
وثقافة بلدك العظيمه بتحب البيجو اكتر فحتلاقي اعادة بيعها اسرع واغلي
لكن فى الفيديوهات الاوروبيه باين ان البيجو اعلي فى القدرة الحصانية ..... لكن اللي بيجي مصر اعتقد واحد مع فارق اكثر بسيط للبيجو
وسعر البيجو اعلي بسيط من السيتروين
اميل ل 301
اقتباس:
المشاركة الأصلية كتبت بواسطة islam.3bada
استفسار لحضرتك بسيط
انا عندي الاليزيه و من بداية الشراء و فيها مشكلة انها مكتومة و انا مشغل التكييف و في زحمة
تطور الامر ان لو الزحمة طويلة العربية بتترج على السلانسيه
اتطور اكتر بعد لما غيرت السوفت وير بناءا على كلام جورج اسكندر ( ربنا يسامحه ) الى كركرة على السلانسيه و مع التحميل على العربية في الحر و الزحمة
هل حضرتك بتعاني حاجة زي كدا ؟
يا ريت حضرتك ترد عليا برساله
اقتباس:
المشاركة الأصلية كتبت بواسطة islam.afifi
تم الرد على الخاص
يا جماعة عايزين نعرف
الموضوع مش سر
استاذ
islam.3bada
حضرتك عربيتك فيها المشاكل دى ولا لا ؟
عمر,, مانت عارف ومشارك ومتابع معاهم في الموضوع اللي بيقولو فيه إن فيه مشاكل في التكييف في قسم ستروين,, :N_no[1]:اقتباس:
المشاركة الأصلية كتبت بواسطة amrelsaqqa
http://www.nilemotors.net/Nile/375147-a-5.html
http://www.nilemotors.net/Nile/375147-a-4.html
وهما مخبوش حاجة يعني ولا سر, :ops: بدليل الموضوع اللي في القسم هناك اللي أنت مشارك فيه,
وأستاذ أسلام عفيفي مشكوراً موضح مشكلته ومبخلش بالتفاصيل,,
والناس بتتواصل مع بعض عشان يشوفو حل لمشاكلهم المعروفة مع بعض.
ليه بتضايق وبتضغط عال راجل ؟
بلاش تضايق وتضغط علي الناس كدا وأنت عارف أنهم عندهم مشاكل.!! :T_thum1[1]:
مش قصدى والله
انا عارف ان في مشاكل
يارب تتحل في اسرع وقت يارب
بس قصدى في العربية بتاعت استاذ 3bada كمان
اصل لو هى كمان فيها مشكلة ، يبقى كدة المشكلة في كل الاليزيه مش مع مجموعة محددة
انا مش قصدى حاجة ولا بضغط على الناس ، كل الموضوع انى مقلق من القصة دى ، لانى هحجز اختها وكل شوية حاجة تطمنى و100 حاجة تقلقنى
بعتذر لو ردي او اسلوبى اتفهموا بالطريقة دى
مفيش حاجة تستخبى ولا حاجة يا فندم انا عارف ان اى حد بيبقى حاجز او لسه هيحجز بيبقى مستنى اى معلومةاقتباس:
المشاركة الأصلية كتبت بواسطة amrelsaqqa
انا بس رديت على استاذ اسلام عفيفى على الخاص بناء على طلبه فى المشاركة اللى كاتبها
اما بالنسبة ليا انا , انا اجلت الاستلام , انا حاجز من اول شهر 6 و لسه مش عايز استلم بس اللى مقلقنى ظروف البلد مش قلق من العربية رغم علمى بالمشكلة و اقتناعى انها حاجة بسيطة و حلها ابسط و ان التوكيل بيماطل لسبب ما , لو مشكلة تصنيع او عيب صناعة فعلا كانت ظهرت فى البيجو كمان
انا ملغتش الحجز و مش بفكر الغيه دلوقت لان لو حصل و اشتريت البيجو بدل الاليزيه و اكتشفت بعدها ان المشكلة اتحلت انا هندم جدا عليها .
فى عضو معانا هنا استلم الاليزيه النهاردةو بيقول انه هيجربها فى طريق سفر و ينقلنا التجربة و ان شاء الله تكون حاجة مطمئنة لكل اللى حاجز و اللى بيفكر يحجز
تحياتى
بص يا عمر, المشكلة واضحة ومفيش سبب يخليك تقلق نفسك بنفسك زي ما بتعمل دلوقتي,,اقتباس:
المشاركة الأصلية كتبت بواسطة amrelsaqqa
أنت قريت المواضيع كلها هنا وهناك,, وشوفت أن مفيش مشاكل مع التكيف في البيجو عشان تقول كدا,,
أنا عارف إن أي حد عنده بيشتري عربية جديدة بيبقي قلقان ولازم يتأكد من كل حاجة قبل الشراء ودا من حقك,
بس أنت عارف برضه وقريت أن أستاذ مهاجر معانا هنا قال أن مفيش مشاكل معاه في التكيف في البيجو 301,
وحتي مع قريبة اللي أشتري له 301 برضه,, وكمان مع أستاذ أبراهيم وأستاذ بطوط.
http://www.nilemotors.net/Nile/37531...post3875151833اقتباس:
المشاركة الأصلية كتبت بواسطة mohjarr
اقتباس:
المشاركة الأصلية كتبت بواسطة ebrahim mayalo
وأنت ماتبع في القسمين وشايف إن مفيش حد ذكر أن عنده مشكلة مع التكيف في البيجو,
يبقي أزاي بتقول حاجة بتطمنك و 100 حاجة بتقلقك!!:wound13:
حتي أنت متابع ورديت في الموضوع اللي أنا جايب لك الأقتباسات منه.!!!
وشوفت برضه إن المشاكل أتكررت ورا بعضها بس من التكييف في الأليزية في قسم سيتروين, ومحصلتش لحد دلوقتي مع البيجو..
يعني المشكلة حتي الأن بعيدة عن البيجو..
وعموماً من رد أستاذ أسلام عفيفي, وضح جداً ليا ولأي حد يقرأ الكلام كويس أنها مشكلة سوفتوير مش مشكلة ميكانيكية,
لأنها بالعقل لو ميكانيكا كانت هتظهر في ال 301 برضه,, لأن الأتنين خارجين من نفس المصنع بنفس الأجزاء الميكانية بالظبططط مفيش فرق ما بينهم,,
وكانو هيحتاجو يتغيرو الأتنين لهم الكومبريسور لو كان العيب منه,
لكن تاني أنت شوفت حد أشتكي من التكييف من ال 301 عشان تقول قلقتوني ؟ :wound13:
وأدي الأثبات اللي يوضح أنها مشكلة سوفت وير,, مش ميكانيكا,
اقتباس:
المشاركة الأصلية كتبت بواسطة islam.afifi
http://www.nilemotors.net/Nile/375147-a-4.htmlاقتباس:
المشاركة الأصلية كتبت بواسطة islam.afifi
فااللي عنده مشكلة بيبقي محتار وعايز يعرف السبب من أيه,
الأجابة أهي واضحة بين السطور,,
وتاني العربيتين نفس الميكانيكا بالظبط, ونفس العفشة,, <<<<<<<<<<<<<
وكمان الأتنين بيدخل عليهم الكومبيوتر بنفس الكابل,
>>>>>>>>>>>>> ولكن سوفتوير بيجو الي عال ECU بتاع ال 301, <<<<<<<<<<<<<
>>>>>>>>>>>>> غير سوفتوير الستروين,,, <<<<<<<<<<<<<
ودا اللي أنا أعتقد إن المشكلة منه,, زي مانا شوفت من الحاجات اللي أستاذ أسلام حكاها,
وعشان كدا زي ما قلت لازم الناس تتجمع تراسل ستروين فرنسا بشكوي جماعية عن الموضوع دا عشان يحصل أهتمام بيه,
ونفس الشكوي دي تتبعت لمصانع PSA في أسبانيا عشان هما اللي هيعملو Update للمشكلة دي ويبعتوه لعز العرب وسيتروين مصر عشان الناس تنزل الأبديت الأخير اللي يحل المشكلة دي.
لأنها تاني لو مشكلة ميكانيكة مكنتش أتغيرت مع تغير السوفتوير للأسوء,
ولو مشكلة ميكانيكا تاني كانت ظهرت في البيجو301 لأنها ختها في كل الأجزاء الميكانيكية والعفشة, والأختلاف ما بينهم فقط في الشكل الخارجي والصالون, والسوفت وير الخاص بال ECU
بتمني لأصحاب الأليزيه ياخدو خطوة جدية في الموضوع دا وميعتمدوش علي الشكاوي في جهاز حماية المستهلك والتوكيل هنا بس, لأزم الشكوي تتبعت لهم برة لو عايزين حل قريب,,,
ويارب يتم حل مشكلتهم في أقرب وقت.