ساعدونى محتاجة رأيكم اشترى فورد اسكورت 1999 ولا لا ؟؟؟؟

السلام عليكم ورحمه الله وبركاته
بصراحة انا استفدت من المنتدى جدا كنت سألت قبل كده على عربية والناس نصحتنى وانا بصراحه خدت بنصيحتهم وعلشان كده قررت اخد رأيهم فى عربية تانية
انا معروض عليا فورد اسكورت 1600 سى سى وكربراتير1999 وهى كعربية عاجبانى جدا وشكلها كويس وحالتها نضيفة والمفروض هوديها للميكانيكى بكره او بعده كل اللى محتاجاه كباس للتكييف وشويه حاجات بسيطه كده بس من غيرها تمشى عادى جداااااا
كل اللى محتاجه اعرفه خصوصا انها اول عربية ليا ومش عايزاها تتعبنى السؤال هنا بقى هل قطع غيارها متوفرة وهلاقيها فى كل مكان زى الكيا واللانوس وكده واى حد هيشتغل فيها وكده ولا بقى هتحتاج ناس معينة وهتبقى قطع غيارها غاليه جدا زى ما سمعت ومش هلاقيها ولا هلاقى حد يشتغل فيها هى محتاجه يتصرف عليها بالكتيييييير 1500 جنيه وهى معروضه عليا اخر سعر على 28
كنت محتاجه اخد رأيكم بالنسبه للسعر وبالنسه لقطع الغيار وكل حاجة يا ريت تفيدووونى بسرعه علشان لو مش كده يبقى بلاش اوديها لميكانيكى اصلا خصوصا انى مرضتش اخد العربية الاولانيه وكانت دايو ريسر بسبب موضوع قطع الغيار ده وقلتها وانها هتضايقنى
شكر جدا لمساعدتكم ونردهالكم فى الافراح ان شاء الله :C_laugh[1]:

عملتي ايه سيادتك في العربية خدتيها ولا لا ولو خديتها ممكن سيادتك تقوليلي إيه انطباعك عنها علشان انا بفكر أشتري إسكورت بس الناس مخوفاني من قطع الغيار

معلوماتي ان الاسكورت نزل منها 1300 تبع الجيش وبعدين 1600 تبع الوكيل
والاتنين قطع غيارهم مزعجه جدا بشهاده اللي كانت عندهم
اللي عاوز يشتري عربيه مستعمله لازم تكون قطع غيارها متوفره بسهوله وبسعر مناسب لان العربيه المستعمله هاتحتاج استبدال قطع غيار حتي وان كانت حالتها جيده
وبالتوفيق ان شاء الله

انا كان معاى اسكورت 99 من 3 شهور و الحمد لله ربنا رزقتنى بعربيه زيرو فبعتها
العربيه اصيله جدااا و محترمه جداا
ثبته على الارض استهلاك بنزين اكتر من مثالى بنزين 80 على فكره
قطع الغيار ممكن تكون غاليه شويه بس موجوده و بتركبها و تنساها

اهم اهم حاجه ان العربيه تكون سليمه و الي يكشف لك عليها بتاع فورد عشان مش كل الناس بتشتغل فيها
السعر ده من غير تكيف كتير الصراحه
الصيانه العاديه اى ميكانيكى بيفهم بيشتغل فيها

أخبارها ايه العربية دى بامانة ؟؟؟111

السلام عليكم
بخصوص موضوع الفورد سكورت انا كان معايا فورد سكورت علشان نحكم على أى عربية عموما أهم معيارين هما الأداء ثانياً شعبية السيارة لان دا على اساسه هايتحدد سعر قطع الغيار وسهولة بيعها واى ميكانيكى يشتغل فيها وما يقعدش يقطم فيك ويكرهك فى العربيه واليوم اللى اشتريتها فيه
اولا الأداء : العربية دى اقسم بالله كأداء فهى عربية محترمه جدا والكلام دا عن تجربه فيها ثبات زى الألمانى واليابانى ووزن على الطريق وراحه فى القياده م الآخر عربية تركبها وانتا مطمن ومحدش يقارن بينها وبين الكورى فى الآداء لانى ركبت كتير فى الكورى وبصراحه لما نحب نقارن فى الآداء نقارن بينها وبين الألمانى أو اليابانى وللعلم انا جبت بيها 160 ع الصحراوى ومكنتش مصدق الثبات بتاع العربيه دى
ثانياً الشعبيه : ودى بقى مربط الفرس العربيه كقطع غيار مش غاليه اوى زى الالمانى واليابانى وفى نفس الوقت اغلى من الكورى طبعا بس مش بكتير وفى ابو الفتوح فى الحرفيين عنده حاجات كتير للعربيه دى فعلا بس عموما اول ما تيجى سيرة الفورد بيجى سيرة غلاء قطع الغيار بس هيا للأمانه غاليه فعلا فى المكنه والكلام دا عن تجربه لانى عمرتها
إعادة سعر البيع بصراحه زى الزفت يعنى م الآخر عربيه مظلومه والله لما تحطها فى فئتها مع الاكسل والاكسنت واللانوس تسعينات والكلام دا كله وبصراحه الناس بتخاف منها
الخلاصه : لو هاتئنيها اشتريها لكن لو هاتشترى حاجه وتبيع تانى فى اقرب فرصه يبقى بلاش منها أحسن

أتمنى انى اكون وفيت

اقتباس:

---

المشاركة الأصلية كتبت بواسطة ِa7med saeed

السلام عليكم
بخصوص موضوع الفورد سكورت انا كان معايا فورد سكورت علشان نحكم على أى عربية عموما أهم معيارين هما الأداء ثانياً شعبية السيارة لان دا على اساسه هايتحدد سعر قطع الغيار وسهولة بيعها واى ميكانيكى يشتغل فيها وما يقعدش يقطم فيك ويكرهك فى العربيه واليوم اللى اشتريتها فيه
اولا الأداء : العربية دى اقسم بالله كأداء فهى عربية محترمه جدا والكلام دا عن تجربه فيها ثبات زى الألمانى واليابانى ووزن على الطريق وراحه فى القياده م الآخر عربية تركبها وانتا مطمن ومحدش يقارن بينها وبين الكورى فى الآداء لانى ركبت كتير فى الكورى وبصراحه لما نحب نقارن فى الآداء نقارن بينها وبين الألمانى أو اليابانى وللعلم انا جبت بيها 160 ع الصحراوى ومكنتش مصدق الثبات بتاع العربيه دى
ثانياً الشعبيه : ودى بقى مربط الفرس العربيه كقطع غيار مش غاليه اوى زى الالمانى واليابانى وفى نفس الوقت اغلى من الكورى طبعا بس مش بكتير وفى ابو الفتوح فى الحرفيين عنده حاجات كتير للعربيه دى فعلا بس عموما اول ما تيجى سيرة الفورد بيجى سيرة غلاء قطع الغيار بس هيا للأمانه غاليه فعلا فى المكنه والكلام دا عن تجربه لانى عمرتها
إعادة سعر البيع بصراحه زى الزفت يعنى م الآخر عربيه مظلومه والله لما تحطها فى فئتها مع الاكسل والاكسنت واللانوس تسعينات والكلام دا كله وبصراحه الناس بتخاف منها
الخلاصه : لو هاتئنيها اشتريها لكن لو هاتشترى حاجه وتبيع تانى فى اقرب فرصه يبقى بلاش منها أحسن

أتمنى انى اكون وفيت

---

ثبات زي الالماني!!!!!!!!!!!! طب ماهي العربية اصلا الماني انت كان معاك الزيتيك ولا الكاربرتير الروسي؟؟؟؟؟
بالنسبة انك بتحط 80

محتاج سياره فرنا او دايو لانوس او اكسنت تكون كامله وبأسم المالك وبدون وسيط تاجر او غيره من المالك مباشره والسعر معقول للجادين الأتصال على 01221498798 كل يوم حتى العاشره مساء جميع الأنواع تكون مانيوال سيدان