شوفوا بقه ...انا بمشي علي الاول و بعدين انقل للتاني عند السرعه اللي تعجبني و بعدين انقل d مع زرار الهولد ووصل للسرعه اللي انا عايزها وبعدين افك الهولد
هاه ،،، ستيبترونك ولا مش ستيبترونك
عرض للطباعة
شوفوا بقه ...انا بمشي علي الاول و بعدين انقل للتاني عند السرعه اللي تعجبني و بعدين انقل d مع زرار الهولد ووصل للسرعه اللي انا عايزها وبعدين افك الهولد
هاه ،،، ستيبترونك ولا مش ستيبترونك
الحقيقه اريد مزيد من التوضيح
بص يا باشا
جيب الفتيسرعلي 1 ...امشي لحد السرعه اللي انت عايزها
نقل الفتيس ل 2 ..امشي برضه
انقل علي d ودوس هولد ..يبقي ماشي علي ال 3
وقف زرار الهولد ..تطلع للرابع
كده تمام
عادي ياباشا اي عربيه اتوماتيك ممكن تعمل فيها كده وفعلا استيب ترونيك ولا له اي لازمه
بس دا غلط جدا على الفتيس
الله يستر على فتيس عربيتك.....
Sent from my Xperia Arc S using Forum Runner
مين اللي قال انه غلط جدا على الفتيس :))
انا بعمل كده من ايام ماكان معايا لانسر كريستاله قعدت معانا 9 سنين وبعتها في 2008 وجبت السيريون ونفس الحوار ومعايا الصني 2008 وبرده نفس الحوار بس طبعا مش على طول بسوقها كده والا كنت جبت مانوال بقه احسن هههههه بس وقت مابحب اشد بالعربيه بمشي بها كده او لما اكون مشغل التكييف وعاوز اشد شويه بسقط نقله من الفتيس مش كيك داون عادي طالما مبتعديش الريد لاين وطالما مش عمال على بطال يبقى مفيش اي ضرر على الفتيس
جميل جدا
هوه الاول معمول عشان لو انت محتاج عزم العربيه ميهربش منك لتدارك موقف معين
مطلع شديد , غرزت في حبه رمل , شادد عربيه وراك ..... كده يعني
اما الثاني فده معمول عشان لوز مشيت في الزحمه مده طويله فهوه مخصوص عشان يكون اقتصادي في الاستهلاك
والثالث معمول برضه عشان التسارع بتاع العربيه وانها متنقلش للرابع والبديل عنه زرار الهولد
اللي حضرتك بتعمله اكيد افتكاسه
مش موجوده في اي مانيول معتمد او اي طريقه معتبره في القياده الامنه
مش معني ان حد عملها ومحصلتش ليه مشكله انها صح
ربنا يباركلك في العربيه
تحياتي
معلش يا استاذ ابو يحيى هو حضرتك بتكلم عموما ولا على عربيه معينه عشن كلامك في جانبمن الصح بس ناقص كتييييييييييير
مبدئا ياباشا احنا قلنا ان الحركه دي مش عمال على بطال يعني وقت الحاجه فقط
تاني حاجه انا هصور لحضرتك الصفحه بتاعت الفتيس في عربيتي وهرفعها لحضرتك
الاول فعلا معمول كعزم وكمان كفرامل للمحرك كعزم لو طالع مطلع جامد وكفرامل للموتور engine break لوالعكس يعني لو نازل منزل جامد مثلا وعاوز تفرمل العربيه على سرعه معينه في حدود النقله الولى يعني قول لحد 50-60 كم حد اقصى
التاني بصراحه اول مره اسمع انه معمول عشان يكون اقتصادي في الاستهلاك لانه بالعكس لو فضلت ماشي على التاني الاستهلاك هيكون اعلى نظرا لان rpm هيفضل عالي وده هيستهلك معاك بنزين اكتر والتاني استخدامه زي الاولاني بس الفرق في حدودالسرعه يعني برده لو طالع مطلع جامد وحدود سرعتك من 50-100 بحد اقصى تقدر تستخدمه برده عزم في المطالع او لو منحدر جامد تقدر تستخدمه كفرامل في نفس حدود السرعه المناسبه للترس التاني وكمان ممكن تستخمه كتسقيط غيار لو عاوز تسارع قوي
التالت او زرار الهولد في ااوبترا او الاوفر درايف في عربيتي ده بيستخدم للسرعات العاليه يعني من اخر حدود التاني يعني قول من اول 100 وده بيستخدم غالبا للتسارع العالي لان اكيد مش هتحتاجه في مطلع لان سرعت اصلا عاليه وده انا بوصل معه لسرعه 170 وكمان بستخدمه كفرمل في الظروف المفاجئه اوي
اما الرابع بقه او ال d طبعا ده للقياده العاديه خالص وممكن تتحكم في النقلات والتسارع عن طريق دواسه البنزين في النقله دي لكن انا بصراحه بحب تسقيط النقلات منا الفتيس لانه بيديك تحكم افضل في التسارع والفرامل على عكس الكيك داون اللي هينقل عند حد معين غصب عني
اللي مطمني ان الحركه دي مش غلط اولا انه مش كاتب تحذير في الكتالوج تاني حاجه انه كمان عاملي جدول للسرعات لكل نقله لوحدها عين L 50
2 -100
od/off 155 وبعد كده ال d معاك للاخر بقه
وطبعا برده دي حاجه بتتعمل وقت الحاجه يعني مش عمال على بطال