انا لسه مبتدئ سواقة والنهاردة وانا ماشى بالعربية فى المنصورة خبطت تاكسى قدامى
انا كسرت الفانوس الامامى بتاعى وكسرت له الفانوس الخلفى بتاعه وحظى كان كويس ان العربية بتاعته كانت شاهين فطبعا خسارته مش كبيرة على قدر الخسارة بتاعتى

و الحادثة دى هى كانت الشرارة اللى اشعلت فى دماغى فكرة ان انا اركب حساس امامى وخلفى
عشان احدد المسافات اللى قدامى واللى ورايا وما اخبطش فى حد واهو برضه يفيدنى وانا باركن العربية

ولو فيه جهاز شبيه بالرادار يبقى كويس

انا اعرف ان فيه فى مصر حساس ركن خلفى ودا بيشتغل وانت بتركن العربية بس مش عارف فيه امامى عشان تقدير المسافات وانت ماشى وسط الطريق والعربيات ؟! انا عاوز جهاز يفضل شغال معايا طول ما انا سايق العربية واعرف ان فيه نوع بتلزق مش محتاج تخريم فى الاكصدام بس مش عارف اسمه

انا العربية بتاعتنى مرسيدس 200 المعدلة انتاج سنة 1983