الموضوع: اية نظام الوظائف اللي بعقد؟

العقد نظام كويس
بس بعض الناس اللى همها انها تتعين فى وظيفة حكومى مش بتحب تعمل عقود لان لما بتعمل العقد بيطلع ليك رقم تأمينى وبيتأمن عليك عند الجهه اللى انت شغال فيها

وبكده لو ظهرت فرصه وظيفة حكومية " وده مستعبد الايام دى" يبقى فرصك فى التعيين هتكون مش حلوة

وفى ناس بتبص ليها من منظار تانى
يعنى مثلا لو كان الوالد متوفى و فيه معاش بيتاخد وانت لسه مش عديت ال26 فلو اتأمن عليك عن طريق العقد حقك فى المعاش هيروح منك وينقطع معاشك من الوالد

نظام العقد تمام حلو بس انت تخلى بالك من حقوقك زى عدد ساعات العمل و الاجر و ما فى حكمه و طبيعه الوظيفة " تعرف توصيف ليها بالضبط علشان تعرف تتحرك من خلاله وعليه بيتحدد المرتب اللى انت المفروض هتاخده" وكمان التأمين ونظام الاجازات و تعرف نظام الشغل
وبس ده اللى حاضر فى ذهنى دلوقت
وربنا يوفقك

وفكر فى العرض ولو انت مش معاك شغل دلوقتى فكر فيه وحتى ولو مش فيه فرصه كويسة للربحه اهه من باب انك بتسلى نفسك و تاخد خبرة وتحتك بناس اكتر

دوس يا معلم بس خد احتياطاتك زى ماقال الاخ michohat من حيث الاجر وعدد ساعات العمل واكيد هتاخد خبره وهتلاقى فرصه احسن ان شاء الله موضوع التثبيت ده بقى موضه قديمه لان كل مابتعرف اكتر وتتميز اكيد بيجيلك فرص احسن فى اماكن مختلفه اخويا فى 4 سنين اتنقل بين6شركات 4 فى مصر وبعدها دبى واخيرا الدوحه وطبعا بيسيب شغل عشان يروح للاحسن...اتكل على الله وربنا يوفقك



..mokhtar..

المشاركة الأصلية كتبت بواسطة michohat

العقد نظام كويس
بس بعض الناس اللى همها انها تتعين فى وظيفة حكومى مش بتحب تعمل عقود لان لما بتعمل العقد بيطلع ليك رقم تأمينى وبيتأمن عليك عند الجهه اللى انت شغال فيها

وبكده لو ظهرت فرصه وظيفة حكومية " وده مستعبد الايام دى" يبقى فرصك فى التعيين هتكون مش حلوة

وفى ناس بتبص ليها من منظار تانى
يعنى مثلا لو كان الوالد متوفى و فيه معاش بيتاخد وانت لسه مش عديت ال26 فلو اتأمن عليك عن طريق العقد حقك فى المعاش هيروح منك وينقطع معاشك من الوالد

نظام العقد تمام حلو بس انت تخلى بالك من حقوقك زى عدد ساعات العمل و الاجر و ما فى حكمه و طبيعه الوظيفة " تعرف توصيف ليها بالضبط علشان تعرف تتحرك من خلاله وعليه بيتحدد المرتب اللى انت المفروض هتاخده" وكمان التأمين ونظام الاجازات و تعرف نظام الشغل
وبس ده اللى حاضر فى ذهنى دلوقت
وربنا يوفقك

وفكر فى العرض ولو انت مش معاك شغل دلوقتى فكر فيه وحتى ولو مش فيه فرصه كويسة للربحه اهه من باب انك بتسلى نفسك و تاخد خبرة وتحتك بناس اكتر

شكرا لردك يا باشا وحضرتك وضحت لي نقط كتير كانت مش واضحة لي ,يعني انا افضلي اني اكتب معاهم عقد ,طيب نفرض ظهرت لي فرصة افضل وحبيت اسيبهم اية الوضع؟بالنسبة للمرتب بيتكتب قابل للزيادة ولا ثابت طول مدة العقد؟
سئلت موظفة قالت لي انها بقالها سنة ونص شغالة بدون عقد

المشاركة الأصلية كتبت بواسطة mokhtar

دوس يا معلم بس خد احتياطاتك زى ماقال الاخ michohat من حيث الاجر وعدد ساعات العمل واكيد هتاخد خبره وهتلاقى فرصه احسن ان شاء الله موضوع التثبيت ده بقى موضه قديمه لان كل مابتعرف اكتر وتتميز اكيد بيجيلك فرص احسن فى اماكن مختلفه اخويا فى 4 سنين اتنقل بين6شركات 4 فى مصر وبعدها دبى واخيرا الدوحه وطبعا بيسيب شغل عشان يروح للاحسن...اتكل على الله وربنا يوفقك



..mokhtar..

شكرا لردك استاذ مختار وربنا يعمل اللي فيه الخير

المفروض بكره باذن الله اروح واكون مقرر امضي واشتغل ولا ؟,يا ريت كل اللي مر بنفس التجربة دي ينصحني ؟

ياباشا هو مش مشكلة عقد او لا
المهم انت عندك فرصة تانية احسن وبتقارن او حتسيب شغل وتروح الوظيفة دة
ولا هى دى الوظيفة المتاحة؟
لو هى دى المتاحة يبقى مفيش داع للسوال هو حد لاقى شغل
وبعقد او مش بعقد ممكن تمشى فى اى وقت محدش حيجبرك تفعد لو جاتلك حاجة احسن
لكن لو انت بتشتغل يبقى لازم نقارن بين مميزات وعيوب كل حاجة

الناس دلوقتي كلها بتشتغل بعقود مفيش حاجة اسمها تثبيت غير في القطاع العام فقط .....
كتابة العقد في حد ذاته كويس ليك علشان يحدد ليك مرتبك اللي حتاخده طول فترة العقد و عدد ساعات العمل المطلوبة منك في الاسبوع .......
العقد بيبقي قابل للالغاء من ناحيتك او من ناحيتهم برضه الا لو كان فيه شرط جزائي لو انت سيبتهم او هم سابوك في خلال فترة العقد ..........
لو هي دي الفرصة الوحيدة اللي قدامك يبقي توكل علي الله و لو جاتلك اي فرصة تانية افضل في خلال فترة العقد يبقي ساعتها استخير ربنا و شوف انت تكمل فيها ولا تروح للفرصة التانية ....... و ربنا يوفقك ان شاء الله

المشاركة الأصلية كتبت بواسطة AhmedElsayed

ياباشا هو مش مشكلة عقد او لا
المهم انت عندك فرصة تانية احسن وبتقارن او حتسيب شغل وتروح الوظيفة دة
ولا هى دى الوظيفة المتاحة؟
لو هى دى المتاحة يبقى مفيش داع للسوال هو حد لاقى شغل
وبعقد او مش بعقد ممكن تمشى فى اى وقت محدش حيجبرك تفعد لو جاتلك حاجة احسن
لكن لو انت بتشتغل يبقى لازم نقارن بين مميزات وعيوب كل حاجة

لا مفيش فرصة تانية دلوقت ,وانا شايف انها فرصة كويسة بصراحة وخصوصا انها في صميم شغلي ,اللي كان مقلقني موضوع العقد دة ,وانتم طمنتوني ,طيب اية بنود العقد ؟هل لو جت لي فرصة تانية افضل ممكن اسيبهم؟ حيكون في شرط جزائي؟