انا تعبت الميكانيكى قالى غير الريدير وبرضه بتسخن حد عنده حل
عرض للطباعة
انا تعبت الميكانيكى قالى غير الريدير وبرضه بتسخن حد عنده حل
فيه شوية اسئله كمان؟
نوع زيت الموتور ايه ؟
هل فيه نفخ فى قربة المية يعنى الخراطيم والقربة بتتنفخ وتبقى كأنها حتفرقع ؟
هل المية بتنقص ؟
نوع المروحه اللى عندك 4 ريشة ولا 6 ريشة
حاول توضح اكتر المشكلة علشان نعرف نرد عليك وكمان تقولنا حالة العربية ككل من بوجيهات وسحب وشكمان هل مسدود ولا لا لان فى حاجات كتير ممكن تسبب السخونة
المشكه بدات من شهرين لما العربيه بطلت حاولت ادور اكثر من مره ولم تدور الا لما اديها بنزين ولما مشيت بيها لقيت الموشر بيعلى بطلت لقيت القربه عماله تغلى والمياه بتخرج منها سبتها تبرد وزوت مياه وبرضه سخنت بنفس الطريقه الميكانيكى قالى المروحه والريداتير لو مكنش نفك الوش ما رائكم
ده جوان الوش الملعون مش الرادياتير اكيد العربية نقصت المية منها وانت ماشى وربنا يقويك !!
اهم حاجة انك ترجع تانى للبيه الميكانيكى يعيد رباط على وش السلندر وتحط مية خضرا وتبعد عن مية الحنفية
السلام عليكم
افضل الحلول لمنع زيادة الحرارة مع الفيفوريت والفورمان هو
1- تركيب ثرموستات (68-82) بدل (80-90) وذلك لجعل المروحة تدور عند 82 بدل 90 درجة مئوية - وكذلك تفصل المروحة عند 68 بدل 80 درجة مئوية
2- توصيل المروحة الأمامية الموجودة أمام كوندنسر التكييف في صدر السيارة بالتوازي مع المروحة خلف الردايتير وبذلك تحصل على تبريد ممتاز يكفي لمساحة وش الردايتير بالكامل
تم التجربة من 2012 وتعمل بحالة ممتازة مع الفورمان
لو المروحة الأمامية تالفة يمكن شراء مروحة سرعة واحدة من التوفيقية ب70جنية والثرموستات أيطالي 68-82 من التوفيقية برده ب 25جنية
والله الموفق
كلام جميل وحل ممتاز بس ليا استفتسار بخصوص الثرموستات 68-82 اعتقد كدة درجة حرارة الموتور مش هتوصل للدرجة المثالية لحدوث حريق مكتمل اللى هيا اعتقد 90 وبكدة العربية هتكون باردة طول الوقت وهتاكل بنزين والله اعلم ............ دة على حسب معلوماتي ياريت التوضيح لو معلومتي خطأ واية الصح
علشان كنت قرأت موضوع بعيد عن القسم اعتقد كان يخص عربية بيجو وكان منظومة التبريد مصممة على انها تثبت درجة حرارة الموتور عند الــ 90 بصفة مستمرة
منتظر التعقيب