الموضوع: بخصوص تلميــــع العربيــــــــه

لسلاااام عليكم على احلى منتدى واحلى اعضاء

كل سنه وانتم طيبين ويارب دايما تكونوا بالف صحه وسلامه

عايز بس فى الاول اشيد بمنتديات نايل موتورز اللى بجد موهوم بيها وبشغلها وباعضائها اللى على درايه جامده جدا فى السيارات وبالمنتديات الجميله اللى موجوده فيها يارب دايما من تقدم الى تقدم ان شاء الله

انا عندى موضوع كدا فياريت تفيدونى فيها ان شاء الله

انا وقع على عربيتى بويا كنت راكن تحت عماره والله يجازيهم خير بقى كان فى ناس شغاله فى شقه فوقع تراتيش بويا على كل العربيه المهم قولت المعها بس خوفت علشان انا عربيتى كانت دخلت فرن قبل كدا بس توكلت على الله وروحت لواحد علشان يلمعها وقولتله انها كانت داخله فرن فقالى الموضوع كدا صعب لاننا مش هنعرف نشيل البويا دى بالتنر فحاول معاها بالسنفره وجابت نتيجه مع بعض مناطق لكن للاسف فى مناطق لسه كتيررر ما اتعملتش وخاف على البويا فلمعها طبعا بالكمباون وفعلا بقت تمام بس رطوش البويا دى مخليه منظرها مش اد كدا

فكنت عاوز اعرف اعمل ايه علشان اتخلص من البويا دى تماماااااا وعاوز كمان اعرف طريقه لتلميع ازاز العربيه كله لان عندى ازاى العربيه من ادام عليه حاجه زى الشبوره كدا او حاجه زى البصمه ومش عايز تطلع فياريت تفيدونى فى الحوار داا لانى بجد محتار ومارضتش اعمل حاجه الا لما ارجعلكوا

وفى حاجه كمان الراجل دا خد منى فى التلميع 150 ج هو كدا تمام ولا استكرتنى

فى انتظار الرد يا بشوات

المشاركة الأصلية كتبت بواسطة alkareem

بص حضرتك في مادة كدة اسمها buffing عند بتوع الكماليات و بتوع البويا المادة دي شبة التنر بس مش بتشيل البوية الاساسية و بتلمع العربية العلبة بي 25 جنية الامريكي و 15 المصري و الاتنين واحد انا مجربهم بحطها بعد كل غسلة بتلمع العربية كلها بالازاز و الكشافات كل حاجة اما بنسبة للازاز هات mr muscle بخاخة بي 10 جنية و اغسل الازاز من جوة و برة بصابون و بعد كدة حط مياة و نظفة كويس من اي رواسب صابون و بعدها رش من البخاخة و سيبها 10 دقائق بعدها هات ورق جرايد او قطن و نشف بية هتلاقي الازاز بيلمع و معلش على الاطالة و الحمد لله انها جت على قد كدة :) :)

انا اول مره اسمع والله يا كريم عن مادة الbuffing بس اكيد هاسأل عليها وهاشوفها وياريت الاقيها

تسلم يا كبيررررررر على النصيحه وان شاء الله هاسأل على اللى قولتلى عليهم

ومافيش اى اطاله ولا حاجه انا اللى متشكر على تعبك معايا

نورت يا جميل