ياريت كل واحد يكتب رأيه فى العربية
خصوصاً ملاك السيارات اللى عملوا مسافات طويلة وياريت يكون فيه أراء اللى قرب من 100 ألف كيلو
عرض للطباعة
ياريت كل واحد يكتب رأيه فى العربية
خصوصاً ملاك السيارات اللى عملوا مسافات طويلة وياريت يكون فيه أراء اللى قرب من 100 ألف كيلو
متاااااااابع
محدش معاه العربية ولا ايه؟
فين الآراء يا شباب ؟
القسم هنا شكلة نايم اوووووي
متااااااااااابع
العربيه مش موجوده فى مصر ولا ايه
موجوده وزى الفل
وانا ان شاء الله حكتب ليكم رد كويس
الحمد لله من ملاك العربيه
بس سمحونى الليله ان اشوفت الموضوع الساعه 1 صباحا
بكرة ان شاء الله احاول اديكم تقرير
على فكرة عربيتى ماشيه 175000 كم
وتصبحو على خير
shaklha mesh ma3 7ad
حد يرد علينا ياجدعاااااااااااااااااااا ااان
مستنيه انا كمان الآراء بصراحه
ﻻني محتارة ما بين ال frv و ال fsv و ال cross over
متاااابع
السلام عليكم
معلش يا اصدقاء سامحونى على التأخير
الشغل والولاد واكيد انتو عارفين
العربية : Frv 2009
تاريخ الإستلام : 29-1-2009 من الدفعة الثانية
الكيلومتر : 181000 كم
التقييم العام : ممتازة
طبعا واضح من الكيلومتر ان العربية عشرة معايا وتقريبا شوفت فيها كل حاجه
التقييم العام للعربية : ممتازة - موفرة للبنزين - قطع غيار متوفره (لانسر 2007 موتور ) (جولف 4 عافشة)
شبابية - سريعه .
السلبيات : شنطة العربية صغيرة يمكن علشان الولاد - التقفيل نوعا ما وان كان يعتبر جيد
الإيجابيات : فى راى كتير جدا اهمها عربية ثابتة وتقيلة فى الجرى تحمل زى متحب عالية من الأرض مهما حملت قطع الغيار متوفرة وسعرها جيد والأعطال قليلة تقريبا .
حاليا وبعد مرور اكثر من 4 سنوات و181000 كم العربية جيده جدا بس محتاجه الاتى :
1 جوز كبالن أمامى ب 500 جنيه
2 جوز مساعدين أمامى + بطاحتين ب 750+140 =890 جنيه
3 جوز مساعدين خلفى ب 500 جنيه
4 حساس ايدل ب 300 جنيه
وده اللى هيا محتاجاه
طبعا فى صيانات كل 50000 كم تغير سير كاتينة وبليه وسير دينمو وتكييف وطبعا الفلاتر هواء 20000كم
بوجيهات 20000 كم زيت كل تغير زيت 5000 او 10000 زى متحب فلتر تكيف يعنى كل دخلة صيف
غيرت طرمبة مياه ب180 جنيه عند 150000كم
غيرت بطاريتين خلال 180000كم
غيرت تيل خلفى مرتين خلال 180000كم
غيرت طنابير امامى 3 مرات خلال 180000كم
التيل الأمامى 7 مرات تقريبا خلال 180000كم
غيرت جوان غطاء التاكيهات مره لوجود تسريب زيت خفيف واتكلف 110 جنيه
الكاوتش غيرت 3 مرات خلال 180000كم
اعتقد العربية بالشكل ده جيده جدا
الحمد لله على نعمته
وتقبلو تحياتى
وتحت امركم فى اى استفسار
تقرير رائع لعربية رائعة
العربية مانيوال
العربية 1600 البنزين على واير وسحبها راااائع وتجميعها
قطع الغيار متوفرة جدا جدا بره التوكيل والصيانة سهله
واللى يحتاج قطعة غيار ممكن يراسلنى
انا معايا اف اس فى 80 الف كيلو الحمد لله العربيه تحفه جرى وتجميع رغم انها 1500 بس مانيوال بجد مشاء الله موفرره بنزين وثابته جدا وفرامل هايله وصاج تقيل
كل اللى غيرتو طنابير وتيل امامى وبطاريه والصيانات سيور و فلتر بنزين وهو والكلام ده
انا يا جماعة عرفت ان ال frv 2009 احسن موديل فيها عشان الموتور بس خايف من تقفيل العربية ومن عملية البيع بعد كده بسبب انها صيني بس شايف انها عربية جميلة في الشكل بس خايف من الامان فيها وموضوع البيع ده مخليني قلقان اوي وكمان ان الجديد منها مش نفس موتور 2009 اللي هو ميتسوبيشي اصلي الجديد مش كده ياريـــــــــــــــــــــ ـــــــــت حد يرسيني علي بر اجيب frv cross2013 ولا ايــــــــــــــه
اللى نازل 2014 موتور ميتسوبيشى مايفك 1500 سى سى (موتور لانسر شارك 2008)والعفشه تصميم شركة جوتشى الالمانيه التقففيل تحفه فنيه وعن رؤيه مباشره الكلام ده انا حاجز اف اس فى وهستلم الشهر ده ان شاء الله
ال FRV 1.5cc 2011 Manual كانت موتور تويوتا و نفسها بس موديل 2013 موتور ميتسوبيشى و من تجريبتى للإتنين موتور ال 2011 طبعآ كان احسن و كمالياتها كانت اكتر , اما المشاكل فا تقريبا تنحصر فى اسعار قطع الغيار داخل التوكيل فا كنت باجيبها من التوفيقية او شارع فيصل و اروح التوكيل يركبوهم و كل 5000كم لو بتمشى فش شوارع مكسرة لازم تربط العفشة, اما الوقود فا موفرة جدا مشوارى كل يوم 70 كم و بمون التنك فول كل اسبوع الحمدلله و التقفيل فيه عيوب بسيطة جدآ لما تقولها للتوكيل بيصلحوها و بتبقى برنس.
اما البيع..فا قيمتها لسة فيها مع العلم انى بعت ال 2011 و كانت رشة اكصدام ب 55000 و كانت عاملة 65000كم و الراجل لسة بيشكر فى العربية الحمد لله., و دمتم