اود معرفة سعر اكسنت 2006-1300 كربرتير 55 الف كيلو بوية شركة بالكامل تكييف كاسيت انذار
هل هى سيارة كويسة ام لا؟
عرض للطباعة
اود معرفة سعر اكسنت 2006-1300 كربرتير 55 الف كيلو بوية شركة بالكامل تكييف كاسيت انذار
هل هى سيارة كويسة ام لا؟
العربية كويسة لاكن عيبها انها واطية اوي زيادة عن الازم وبالنسبة للسعر متوسط سعرها من 30 لحد 40 الف تقريبا
فكرتنى بأخويا معاة اختها بس هى معاةة من الزيروة وبرة وجوة بس اخويا طالب فيها 55 الف اقولة اية اخويا بقى
هى فعلا يوم ما تقول انا عربية ومفياش الهوة اخرها 38
سعرها العادل 45 الف
العربية دية فعلا مش هتقل عن 45 لايعبها الى انها وطيه وطبعا 1300 مع التكيييف والسحب رخمة بس عربية من الاخر حلوة جدا كانت معايا بس 1500 سى سى ويوم ماتحب تبيع تحط رجل على رجل وتبيع
مش هتقل عن 48 الف جنيه عربيه جميلة وسحب حلو وقطع غيار رخيصه
انا بقولك السعر دا وانا عارف بقول ايه علشان كنت بنزل السوق ادور لحد ما اشتريت بس عربيتى 2001
وكمان عداد الكيلو متر عندك كويس اوى
اكسنت 2006 تعدى الاربعييييييييييييين ؟؟؟؟؟؟؟
ليييييييييييييييييييييييي ييييه ...........أبو تريكه :)
هدي نفسك يا باشا مش كده
العربية فعلا تعمل فوق الأربعين مستريح أوي
أنا بايع عربيتي أكسنت 1300 موديل 2005 في شهر 5 اللي فات ب واحد و أربعين و نص
العربية كانت فبريكة بالكامل ما عدا رفرفين ادام و الأكصدامين و كانت عاملة 204 ألف كيلومتر
بس العربية ما كانتش محتاجة جنيه مصاريف
و اللي اشتراها مني تاجر في سوق مدينة نصر يعني أكيد هيبيعها أعلى من كده
العربية دي بياعة و مطلوبة و ده رنج سعرها في السوق
العربية دي بالحالة اللي أنت واصفها تبقى حالة شاذة و تعملها في حدود من 45 الى 46
أنا هقولك على رأيي في العربية بناء على عشرة مع العربية دي دامت 8 سنين و 204 ألف كم
أنا كان معايا أكسنت 2005 من الزيرو و لسه بايعها شهر 5 اللي فات
*المميزات:
1- سيارة اعتمادية قليلة الأعطال
2- استهلاك بنزين ممتاز تعملها جوه البلد حوالي 230 كم في الصفيحة لو مضبوطة
3- سهلة الصيانة عند أي حد و قطع غيارها موجودة عند البقال و ببلاش
4- سحب السيارة جيد جدا لحد 80 كم/ساعة و تحس أنها طلقة في التسارع أول في تاني
5- عفشة طرية مريحة في المشي
6- تكييف أداؤه ممتاز (الهيونداي كله تكييفه حلو)
7- حجم السيارة معقول مناسب لأسرة صغيرة
8- زوايا الرؤية من الزجاج الأمامي و الخلفي و المرايات الجانبية ممتازة و تحس أنك شايف الطريق كله من كل ناحية كويس
9- مفيش حاجة اسمها العربية بتسخن - مؤشر الحرارة اخره التلت حتى لو درجة الحرارة 45 و ماشي في عز الزحمة عجلة عجلة على الغيار الأول
*العيوب:
1- الكنبة اللي ورا ضيقة شوية بالذات لو الكراسي الأمامية رجعت للأخر
2- شنطة السيارة حجمها صغير
3- التسارع من بعد ال 100 كم/ساعة بطيء و بعد ال 120 بطيييييييء
4- العربية ثابتة لحد 120 كم/ساعة بعد كده الثبات بيقل بعد ال 150 أنت و حظك
5- لو راكبين 4 أفراد بالغين في العربية هتوطى جامد معاك و لازم تاخد بالك مع كل المطبات
رأيي الأجمالي في العربية أنها ممتازة مقارنة لسعرها فعلا ممتازة
مناسبة لأسرة صغيرة مش للأسر الكبيرة
أتمنى أني أكون قدرت أفيدك