السلام عليكم ، انا حاجز شالية فى الساحل الشمالى من يوم الاحد القادم و دافع مقدم الحجز بس مش عارف اسافر ولا بلاش و هل الطرق حتكون امان ولا لا
مع العلم ان احتمال كبير معرفش اخذ المقدم لو مرحتش
اية رايكم؟
عرض للطباعة
السلام عليكم ، انا حاجز شالية فى الساحل الشمالى من يوم الاحد القادم و دافع مقدم الحجز بس مش عارف اسافر ولا بلاش و هل الطرق حتكون امان ولا لا
مع العلم ان احتمال كبير معرفش اخذ المقدم لو مرحتش
اية رايكم؟
اتكل علي الله وسافر بس بدري عشان وقت الحظر..ناس كتير هناك جوا القري أمان
اعتقد انك من الافضل ما تسافرش
بس رجعوهم ع البوابات وهم مسافرين
اظن الوقت صعب الاسبوع ده كله الاحداث مش قليله والناس مش ساكته
من هنا ليوم الاحد هتكون الرؤيه وضحت لو الامور استقرت وان شاء الله تستقر اتوكل علي الله
لو لسه في قلق كبر دماغك
(ليك رساله ع الخاص)
بص من خبرتي المحدودة. ... مصر بتولع مصر. فيها الاللي هتسافر وتروح هناك تحس انك مش في مصر خاااااالص .... عالم تاني ودنيا تانية . واذا كان على الطريق الجيش والشرطة مشغولين اكتر بالمدن واول يوم مبيحاسبوش عليه لان ممكن الواحد يكون بعيد عن التلفزيون ومش داري بالدنيا ثم انتا رايح. تتفسح هو انتا رايح تتظاهر
سافر يا عزيزي سافر. هو العمر فيه كام يوم ... سافر وعيش حياتك. من بكره الصبح اول مالنهار يشئشئ كده .
بعد ماتخلص بقه. ابقى ابعتلي رقم صاحب الشالية علشان يمكن ائجرر بعدك حاكم نفسيت الواحد بقت عدم ... خلي الواحد يفك عن نفسوا شوية ... ياريت بقه لمن ترجع بالسلامة تقرير كامل. بقه عن القرية البحر الجو هناك الاسعار عامله ايه كده يعني وبالتوفيق انشاء الله وتحياتي
ممكن تسافر بس اوعى تاخد فلوس كاش في ايدك
لسه 3 ايام هنشوف الوضع هيكمل ازاي لو حسيا الدنيا مش مستقره بلاش تسافر احسن
بلاش تسافر دلوقتى خالص
توكل على الله مصر بلد ملهاش اى قاعده ، يعنى تبقى الدنيا والعه فى الشوارع والناس فى البحر عادى المهم تمشى فى النور وفى وسط عربيات.
انا شخصيا فى عز الازمه رحت الساحل وبعدين مطروح وبعدين طنطا وبعدين الغردقه ومنها على المنيا ثم القاهره وربنا اللى بيسترها
ربنا يسعدك ويهدى الحال والنفوس فى مصر
بس ان الواحد يتفسح ويغير جو دلوقتي والناس بتموت وبتتحرق يبقى دا اسمه ايه!!!!!!!!!!!!!!!!!!!!
يا اخي محدش قالك تعبر عن خضبك بس على الاقل فيه 3 الاف اسرة عايشة في حالة حزن رهيبة وفيه ناس حياتها وقفت بسبب اصابة يبقى على الاقل نراعي مشاعرهم مش يبقى تفكيرنا محوري حولين نفسنا ومش مهم ان شاء الله الناس كلها تموت اهم حاجة سعادتك الشخصية
الصورة دى من مطروح الدنيا والعة وناس عايشة حايتها
ناس في البحر وناس في النار الواحد مابقاش فاهم حاجة انا لله وانا الية راجعون
https://www.facebook.com/photo.php?f...type=1&theater
اعتقد بلاش افضل الواحد مش عارف الدنيا حيبقى فيها ايه.
مفيش داعى ولو ضرورى حاول تسافر بعربية قديمة تكون 127 او 128 لان فيه تثبيت كتير اليومين دول على طريق الدراع البحرى وطريق مطروح والسلاح فى كل حته وتجنب السفر فى الصباح الباكر لان صديقى اتثبت هناك الساعة 5 الصبح وخدوا العربية وضربوا عليه نار الاسبوع الماضى .
بلاش مدام مش ضرورة قصوى
راي بلاش او تنتظر ليوم السبت وتشوف الاحداث
والله اعلم
بص واحد صحبي مسافر بكره الصبح بردوا الساحل
قالي أن برنامج Bay2olk عامل خدمه و هي الناس اللي رايحه و جايه من الساحل بيتفقوا علي معاد و مكان يتقابلوا فيه و يمشوا الصحراوي ورا بعض لحد البوابات و هكذا ... بيني و بينك التعاون حلو في الظروف دي
متشكر جدا لردودكم المحترمة و نصيحتكم الغالية ، المنتدى دة فعلا كويس بالناس المحترمة اللى فية
انما الاخ بتاع الرد العجيب ميستهلش ان الواحد يرد علية
https://fbcdn-sphotos-a-a.akamaihd.n...32512083_n.jpg
هيا دي مصرررر يافندم روح وتوكل على الله
وتحيااااااااتي
انا كمان نفسي اسافر يوم الاتنين بس مش عارف اروح ولا لاء
توكل علي الله وربنا يجيبك بالسلامة