فيها ولا مفيهاش وازاى اتأكد ؟ ناس بتقول فيها وناس بتقول مفيهاش ، بالاضافة ان في المواصفات مفيش ذكر لكلمة ايموبلايزر تماما ؟
ياريت اللى يأكد وجوده يبقى بدليل قاطع مش مجرد كلام
عرض للطباعة
فيها ولا مفيهاش وازاى اتأكد ؟ ناس بتقول فيها وناس بتقول مفيهاش ، بالاضافة ان في المواصفات مفيش ذكر لكلمة ايموبلايزر تماما ؟
ياريت اللى يأكد وجوده يبقى بدليل قاطع مش مجرد كلام
مفيش بيجو مفهاش أيموبلايزر.
ولو عايز دليل قاطع بنفسك شوف حد عنده العربية, وتعملو نسخة علي المفتاح وتدور بيه.
وأخر ممكن تكلم التوكيل لو حابب تتأكد منهم أكتر,
أكيد مش هيكدبو عليك.
والأكيد إن مفيش بيجو مفهاش أيموبلايزر, ودا مبقاش أوبشن عشان يكتب في المواصفات.
حتة مفيش بيجو مفيهاش دى ما اقدرش اخد بيها اوى
يعنى قبل كدة كنت بقول مفيش بيجو خاماتها بلاستيك في التابلوه والباب
ودلوقتى دى نزلت خامات بلاستيك وخصوصا الباب اللى مفيهوش فرش خالص ، كله بلاستيك ! ( الحاجة الوحيدة اللى خنقانى شوية منها الخامات البلاستيك )
انا مقدر انها نازلة بسعر منافس اوى وكان لازم يقللوا التكلفة بس لما تلاقى خامات الاوبترا احسن ، هتتخنق برضه :(
اخيرا لقيت في مواصفات اختها السي اليزيه على كونتاكت كارز ان فيها ايموبلايزر
- نظام فرامل abs
يوجد- توزيع اليكتروني للفرامل ebd
يوجد- برنامج التوازن الإلكتروني esp
لايوجد- نظام تنبية ضد السرقة
يوجد- نظام إيموبليزر ضد السرقة
يوجد
بص لو الاوبترا عاجابنى كنت نزلت جبتها
الاوبترا مفيهاش اي عوامل امان وصاج ضعيف وفرامل ضعيفة وعيوب كتير ... وما بحبهاش
انا قارنت في حتة الخامات
وارجوك بلاش الرد المحفوظ كوري واوربى
دى مش ثبات مثلا او فرامل ، دى حاجة تبان لاي عيل صغير ، تقدر تنزل تشوف باب الاوبترا عامل ازاى وباب البيجو عامل ازاى
البيجو دى ما اقدرش اقول عليها اوروبى بالمعنى الكامل اللى احنا كلنا عارفينه الا في عوامل الامان فقط لانها تنافس الكوري وفي الفئة الاقتصادية ، فالمقارنة بينها وبين الكوري مش غلط في حاجة
عموما انا بنسبة 95% هشتري العربية ان شاء الله ..
كونتاكت كار مش مقياس لاكن العربية فيها ايموبلايزر فعلا
مش عارف ، بس انا حسيت بمصداقية شوية في مواصفات كونتاكت
يعنى موضح ان في ebd ومفيش esp
وفي الاليزيه اول فئة ايرباج واحدة بس .. وهكذا
كل المواصفات اللى انا متأكد منها كاتبها صح ، فده يخلينى اصدق الحاجة الوحيدة اللى انا مش عارفها .. .
خلاص براحتك يا باشا متاخدش بيها أووي,
أنا مش بفتي لك وبقولك كلام مفهوش جدال بيجو مش بتنزل من غيرة من أول الالفينات قبل ما الكوري كمثال كان بينزل عربيات من غيرة.
وأنا قلت لك في الأخر,
دلوقتي بتاخد بكلام كونتاكت كارز اللي بيكون فيه غلطات عن التوكيل.؟ :oh:اقتباس:
وأخر ممكن تكلم التوكيل لو حابب تتأكد منهم أكتر,
أكيد مش هيكدبو عليك.
أنت بتتكلم عني ولا عن حد تاني ؟!
لأني مقلتش إن "مفيش بيجو خاماتها بلاستيك في التابلوة والباب" دي.!
دا المرسيدي والبي أم بينزل فيهم بلاستيك, مش هينزل في البيجو.؟!
بصراحة كلامك غريب.
والكلام مالوش علاقة بأنها نازلة بسعر منافس ولا مش منافس,
الفورد موستنج جي تي مع صاحبي في السعودية, كل تابلوها بلاستيك.
اصل اللى بيخلينى مقلق ان الناس بتبقى فرحانة وبتصدق كلام التوكيلات والمعارض
امبارح دخلت اتفرج على نيسان صنى من باب حب الاستطلاع ليس الا يعنى ..
انا وانا بتكلم مع مسؤول البيع عامل فيها عبيط شوية ، ومش مبين انى فاهم في العربيات
لحد ما شفت المواصفات المكتوبة
كتابين التعليق الخلفى مالتى لينك ههههههههههه
هنا عملت عبيط برضه ، وقلتله ياه التعليق الخلفى مالتى لينك ، هايل :d
قاللى لا هو مش مالتى لينك بالمعنى الكامل هو المقصود ان المساعد والسوستة مش عارف مالهم كدة كل واحد لوحده هههههههههههه ( كلام في الحمادة طبعا)
قلتله اه اصل انا استغربت برضه ، يعنى المالتى لينك ده بتاع العربيات في الفئة الاعلى و كدة
قاللى لا مش شرط مانا ممكن اعمللك مالتى لينك ضعيف وبيتقطم وانزله في عربية اقتصادية :d
طبعا انا سبته يتسلى ومشيت :d
لا انا اللى كنت مفكر كدة ، مش كلامك ولاحاجةاقتباس:
أنت بتتكلم عني ولا عن حد تاني ؟!
لأني مقلتش إن "مفيش بيجو خاماتها بلاستيك في التابلوة والباب" دي.!
وكلامى مش غريب ولا حاجة ، مفيش حاجة انا معاك على فكرة في كل كلامك اجمالا ، بس انا بطمن ليس الا وخصوصا ان العربية جديدة واقبال الناس الشديد عليها ممكن يعمينا عن بعض عيوبها او يبقى فيها حاجة ناقصة واحنا مش واخدين بالنا ..
بوص يا باشا رد محفوظ دة لية كل عربية ليها مزايا وعيوب في ناس تقول كوري احسن وفي ناس تقول الاروبي احسن او اليباني انا بنسبة لي لحد دلوقت الكوري دة عامل زي الصيني بس حلو شوية
مزايا الكوري رخيصة بنسبة ل الاروبي والياباني وشوية هتفقد الميزة دية قطع غيارها رخيصة الاوبشن اكثر من الياباني والاروبي "الفئات الاقتصادية" 120الف ل 150
العيوب بئا قطع غيار غير معمرة العربية بعد 7 سنين بتكون طلع عنها وخلاص مش قادرة وتلقي اي حاجة تلعطلك فيها "عيوب
هنيجي بئا ل مزايا الاروبي قطع غيار معمرة وتقفيل محترم
هنيجي بئا ل العيوب قطع غيار غالية
هتقولي انت جبت كلام دة منين هقولك خالي ركبت معاة كيا سيراتوا 2006 مشتريها زيرو وبقالها سنة وشوية بطلع عينوا ومعاة نيسان تيدا مستلمها من سنة
في الاخر انا شايف الاروبي والياباني اسم وقوة ومتانة وروح شوف في الخليج مفيش عربيات كوري كتير
كل كلامك ده انا مقتنع بيه وفعلا مابحبش الكورى
واليابانى نفسه بركبه على مضض ..
بس لما اقول حاجة انا لمستها وشوفتها حقيقة "خامات الاوبترا في فرش الابواب تحديدا افضل من البيجو "
ما ينفعش نقول ازاى دى كوري ودي اوروبى ، لان انا بتكلم في حقيقة ومقارنة في جانب محدد بين العربيتين
موضوع دي اوروبى ودى كوري ، يتقال في العموم ، انما انا بقارن بين عربيتين بعينهم في نقطة واحدة وشيء سهل تشوفه بالعين المجردة ، فليه استخدم قاعدة اوروبى افضل من كوري طالما بإمكانى اجراء المقارنة المجردة بنفسى بين الاتنين
بالنسبة لموضوع العربيات في الخليج ، هو مش مقياس ، كل سوق وله احتياجاته ولكن مع ذلك الواقع عكس الى حضرتك قلته ، الكوري موجود ، ,الاوروبى هو اللى قليل هناك ،واليابانى هو اللى مسيطر ، لان حاجة السوق هناك كدة
يابانى معمر ، رخيص عشان مفيش جمارك وبينزللهم فئات نضيفة 2400 سي سي فما فوق
وكوري بيجيبوه للعيال الصغيرة والتفحيط او لما يحب يغير العربية من العيد للعيد هههههه
الاوربى بقى هناك يعتبر غالى عن اليابانى وصيانته صعبة هناك والموروث القديم انها عربيات بتسخن وغير اعتمادية .. الخ
طبعا ثقافات سوق زي ثقافات السوق عندنا ، ولا تعتبر سند او دليل او حكم على نجاح الاوروبى وفشل الكوري او العكس
انا عندى يبقى الخامات كويسة بس من غير اوبشنز زي السنسورز والبلوتوث احسن بكتير
ما احنا كنا بنعيب على الكوري زمان عشان كان بيعمل كدة !
انا كدة كدة هشتري الفئة الاولى مانيوال ، يعنى كدة كدة العربية فاضية وهيبقى سعرها ممتاز جدا بالنسبة للى هتقدمه .. الحمد لله مفيش حد هياخد كل حاجة بالسعر ده
انت كدة جبت من الاخر في دول الخليج بيجيبوا الكوري من العيد للعيد وبعد كدة بيروح فين ؟ شوف بئا احنا بنظلمه معانا شغال 10 سنين في شوارعنا يعني 20 سنة في شورعهم
الورقة دى انا كنت طلبتعا من التوكيل فيها كل مواصفات الاليزيه بس مذكرش حاجة عن وجود ايميوبليزر . مش عارف بقى ممكن يكون كونتاكت صح ولا التوكيل هو اللى صح ولا ايه
http://img203.imageshack.us/img203/9560/dh6z.jpg
ياراجل ؟؟؟؟؟؟؟؟؟؟؟؟؟؟؟؟
وايه رأيك في هيوانداي اكسيل اللي شغاله لغاية دلوقتي ؟؟؟؟ مش معمره برضه ؟؟؟؟؟
طيب تعرف منين العربيات معمره ولا لأ ؟؟؟؟ نشوفها تاكسي صح ؟؟؟
هيوانداي فيرنااااااااااااااااااااا ااااااا - تقفيل مصري يعني زبالة لكن قطعها كوري اصلية
شوف شغاله تاكسي مع الناس يعني اللي انت تعمل في سنتين هو يعمله في اسبوعين يبقى مين قالك عدم الاعتمادية ؟؟؟؟؟؟؟؟؟؟؟؟؟
ثانياً البيجو 301 لا تقارن بالاوبترا مش لان الاوبترا سيئة لأ بس الاوبترا مش في فئة الـ301 دي في فئة اقل
عايز تقارن الـ301 قارنها بالريو abs - ebd - 2 airbags واتفرج :36_3_10[1]:
موتور 1400 بيطلع 109 حصان بتكنولوجيا متطوره جداً - موتوره بيستعمل تكنولوجيا قديمة (جداً) 1600 سي سي بيطلع 115 حصان
ده غير ان متقارنش خامات الريو (كفاية خامة السقف + خامة فتحة السقف) وكماليات الريو اللي فاضل لك مساج في الكراسي !!!!!!!!!!!!!!!!! وعملت مقارنة قبل كده مع عضو هنا عن العربيتين
كنت اتمنى اكيد انها تنزل بموتور متطور عن كده شويه - بس للاسف البيجو بتستهدف بيها سوق واحد بس وهي الاسواق النامية زي ماهي قالت (اللي هو احنا يا جماعة)
في النهاية العربيتين ممتازين لاي حد يفكر يشتريهم
انت لخبطتنى كدة ، انت شايف ان الريو تتفوق من ناحية الخامات الداخلية بفرق كبير ؟ انا عن نفسى ما قعدتش جوة ريو لحد دلوقتى ..
بس معلش انا حاسس في ردك بشوية انحياز برضه
موتور البيجو مش قديم (جدا) ولا حاجة ! ده ان كان قديم اصلا
محسسنى انه كامة واحدة مثلا ، او بيطلع 100 حصان بالعافية
ياراجل ده موتور الاوكتافيا الـ 102 حصان ، محدش يقدر يقول عليه قديم جدا
موتور البيجو ناجح وعزمه قوي جدا و 2 كامة مالتى بوينت انجكشن و115 مش رقم قليل يعنى وموفر جدا في البنزين ، لانه تكنولوجيا توقيت متغير للصبابات ، ايه اللى قديم بقى ؟
عشان بيقبل اوكتان 87 ؟
على فكرة كيا لو عملت موتور يقبل اوكتان 87 1600 مش هتعرف تزود عن 90 حصان
مش ميزة الموتور الصغير اللى بيطلع احصنة كتير ، وعمر ما يكون اعتماديته زي الموتور الاكبر
وخلاصة تجربتى المتواضعة مع العربيات
الـ 1300 1300 لو عملت ايه
والـ 1400 1400
والـ 1600 1600
وبص على العزم مش على اقصى قدرة حصانية
طيب مانا معايا كورولا بتاعت والدى 1300 90 حصان ، هل معنى كدة انى اقدر اقارنها بأقل موتور 1600 95 حصان مثلا ؟ لا !
متعة السواقة وقوة الطلعة تفرق تماما سيبك من القدرة الحصانية اللى بتحدد اقصى سرعة ليس الا
بص انا كنت حاجز سي اليزيه وماكنش فيها ايمبوليزر و الكلام ده من التوكيل و البروشور بتاع العربية وكمان كان معايا ورقة مختومة من التوكيل كان فيها مواصفات العربية و مش مكتوب فيها اى سيرة عن الايمبوليزر واعتقد ان الاليزيه نازلة بنفس مواصفات ال301 فيما عدا الكروم اللى فى تابلوه الاليزيه والجنط فى 301 مقاسه 16 ام الاليزيه مقاسه 15 عموما هى عربية ماشاء الله جميلة توكل على الله واشتريها وربنا الحافظ وعندك برده الريو الهاى لاين جميلة ودلوقتى مفيش فرق سعر كبير بينهم بسبب الاوفر برايس اللى فى 301
ممكن تكلم التوكيل علي 19207 و تسأل مش هتخسر حاجه و ان كنت اعتقد ان مفيهاش لسبب بسيط و هو انه مفيش ذكر للموضوع ده في ال brochure بتاع الدعايه بتاعها و اكيد حاجه زي كده لازم تبقي مكتوبه مع انتشار السرقه و بحث كثير من المشترين عنها فتبقي عامل دعايه و تسويق كويس . بالمناسبه لقيت ال handbook بتاعها بس بتاع بره كان مكتوب فيه انه فيها immobilizer بس ده مش شرط يكون بتاع النسخه اللي بتنزل عندنا خاصه و ان التانيه فيها cruise control و ده اللي خلاني اشك في اختلاف المواصفات . الخلاصه اعتقد ان في الاغلب مفيهاش بس لو حد من ملاكها عنده ال handbook ممكن يبص فيه و يقول لحضرتك اذا كان فيها و لا لأ لان حاجه زي كده لازم تبقي مكتوبه فيه
الuser manual كاتب ان فيها immobiliser ، كان حد سأل قبل كدة برضة و قال اتأكد منين، معرفش الصراحة دية تتأكد منها أزاى، روج أضربلها مفتاح و شوف هتدور بية ولا لأ
حاجة كمان هى لو نازلة بية برا لازم تنزل بية هنا، لأن عشان يشيلوا لازم يلعبوا فى الضفيرة و يغيروا الlock mechanism بتاع العربية و دة مش هيوفر معاهم حاجة تjustify الكلام دة كلة
انا مش عارف أرد أزاى بصراحة من غير ما تزعل منى، يا جماعة أحنا ناس متعلمة و كلام سواقين التاكسى دة مش بيودى ولا بيجيب، مش معنى ان حاجة قطع غيارها رخيصة اروح أجرى عليها، هما بيحسبوها حسبة تانية غيرنا و الstability بتاعت العربية و قيمتها و راحتها لا تمثل ليهم أى شئ، لو على قد التاكسى يبقى الشعب كلة بقى يسيبوا من العربيات و يركبوا يا فيرنا يا BYD ما هما اكتر تاكسى منتشر و هم اكتر سيارات اعتمادية بالمقياس دة!!!
اسمحلى أوجة سؤال لحضرتك، الrio اتحطت على dyno meter و موتورها طلع ال109 حصان دول فعلا؟ السيراتو موتورها بيطلع ال128 حصان (على حسب ما أنا فاكر) اللى مكتوبين فى البروشور؟ بروشورز العربيات الكورى كلها مبالغ فيها جدا و مصداقيتها قليلة على عكس العربيات الأوروبى، كفاية تشوف السيراتو و هى بتطنطط قدامى على الدائرى فوق الفواصل بتاعت كوبرى السويس عشان تعرف أن ال1270 كيلو بتاعت البروشور دى فى اللالا لاند هناك مش هنا، بالمناسبة الميجان بعد سنتين تشغيل و كانت 70000 كم تقريبا اتحطت على dyno طلعت 95 حصان تقريبا (على حسب ما أنا فاكر برضة)، دة صافى طبعا، نفسى سيراتو او النترا يتحطوا على الdyno بعد سنتين و نشوف هيبقوا كام صافى، و خد بالك دة كلة static measuring، الdynamic measurement ليها شغل تانى خالص
الصاج بتاع الrio ضعيف فعلا و العربية خفيفة و مش ثابتة على الأرض نهائى، الكماليات مش كل حاجة فى العربية و إلا مكنش بقى اسمها كماليات، مش كدة ولا إية ؟!!
وضيف عليهم البيجو 301 في بولندا فيها أيموبلايزر.
دا اللي لاقيته عال نت لحد دلوقتي,
وزيادة التأكيد زي ما قلت لك أنك تكلم التوكيل دي حاجة,,
ولو لسه مش متأكد برضه ممكن تشوف لو عندك حد معرفة معاه العربية خدة مشوار لحد بتاع مفاتيح, وأعملو نسخة مفتاح بس ودور بيها لو مدارتش يبقيا فيه أيموبلايزر,
وغير إن مفيش بيجو بتنزل من غير إيموبلايزر يمكن من أخر التسعينات وأول الألفينات,
وأنا مشوفتش بروشور لعربية سواء 508 ولا 3008 أخر حاجتين شوفتهم كان مكتوب فيهم أيموبلايزر للناس اللي بتقول أنها مش مكتوبة, لأنها بقت حاجة أساسية ومش أوبشن.
دا موقع بيبيع العربيات في بولندا,
Peugeot 301 46300.00 PLN. - otoMoto.pl
هتلاقيه كاتب تحت صورة العربية
Bezpieczeństwo:
ABS, ASR, poduszki powietrzne, immobiliser
poduszki powietrzne دي يعني أير باج.
وال ASR كنا هرينا كلام فيه مع أستاذ بطوط هنا,
http://www.nilemotors.net/Nile/372502-301.html
ودا الفيديو بتاعه,
YouTube
مفيش عربية اوروبى بتنزل من مصنعها من غير ايموبيليزر :)
فعلا خامات الاوبترا احسن و شكله التابلو اشيك من ال 301
لكن الاوبترا مفيهاش ايموبيليزر
طب ممكن حضرتك تقولي الريو الي يكون فيها 2 ايرباج و abs وebd وسينسور بارك وبلوتوث بكام ؟ وبعدين اية التكسيات الي بنقارن بيهم يعني حضرتك ممكن تروح تشتري byd تقول ما حلوة اهية تاكسيات ماشية ومحدش بيشتكي في فرق بين مقارنة بين سواق التاكسي واي حد عادي انت متطلباتك من العربية اية ثبات و قوة صاج و كمليات لكن هو بئا عاوز قطع غيار رخيصة وعربية رخيصة
يا جماعة مين قال ان الكوري مش معمر دا كان ممكن زمان ,انا معايا سنتافي 2007 و عامل بيها 237000 و الموتور ما شاء الله زي الفل و لا حتي غيرت حاجة في العفشة و لكن الاوروبي طبعا احلي ركوبة مافيش كلام .
و بالنسبة للاخ 2code
انا معاك ان الريو الجديدة نقلة في الكيا و الكوري عموما و الموتور كويس بس ليه حضرتك ما قولتش علي استهلاكه للبنزين !!
ده حتي بعد لما ظبطوا السوفت وير الجديد الاستهلاك لسه عالي طيب قولي انت استفدت ايه ب موتور استهلاكه زي 1600 و مع عزم اقل .
انا رائي دي افتكاسه مالهاش لزمة علشان يسوق السيراتو بالموتور 1600 و يبقي في فرق بينهم .
تحياتي للجميع
يا جماعه هو ليه لما الناس تعمل مقارنة للعربيات لازم يشكر فى عربيته ويحط على عربيات الناس التانية خلى عندنا ثقافة التنوع انا شايف ان الريو عربية محترمة وكمان ال 301 عربية جميلة وانا المميزات اللى موجودة فى الريو عن ال 301 هى اللى خلتنى اشتريها بس ده مش معناه ان ال 301 وحشة كل عربية ليها مميزات و عيوب يعنى مثلا انا لو مش فارقة عندى الكماليات اوى وعندى عيلة كبيرة مثلا ومحتاج شنطة كبيرة يبقى مش حفكر فى الريو وحشترى ال 301 عموما من الاخر هما اصلا الاتنين كتير عليهم الفلوس اللى بيتدفع فيهم بصراحة زمان لو كان معاك 140 الف كنت تجيب بيهم مستوى تانى خالص بس نعمل ايه فى الجنيه الواقع بتاعنا الحمد لله برده
تحياتى
بالنسبة لموضوع الخامات اكيد خامات البيجو افضل من الكورى حتى لو بلاستيك او فايبر بعنى فبيكون درجات و النوع الموجود فى ال 301 نوع محترم مينفعش يتقارن مع الاوبترا
رجوعاً لسؤال الموضوع الأساسي,,
الرد النهائي هنا:
http://www.nilemotors.net/Nile/373816-ebd-301-a.html
طب الله ينور وعموما بردة احنا لا بنشكك و داخلين حرب الغرض من الموضوع كله الاستفادة وخصوصا للناس اللى ناوية تشترى
ياباشا مين اللي قال إن أحنا داخلين حرب بس ولا بنشكك,
أستاذ عمر السقا كان عنده سؤال, وأنا رديت عليه باللي أعرفة وواثق منه, وهوا طلب تأكيد أكتر,
ولما توفر التأكيد الأكتر من أستاذ مهاجر مكنتش أعرف هوا شافة ولا لأ, فجيبت له اللنك عشان يشوف أجابة سؤالة اللي كان أساس الموضوع ويطمن,
بس مش أكتر من كدا :tumb:
تمام يا رجالة الله ينور والله :)
وتم الرد
http://www.nilemotors.net/Nile/3875137932-post6.html
احنا عايزين نوصل لحقيقة مش اكتر - انا بقول لحضرتك العربية عاجباني بس عايز دليل على وجود ايموبلايز - EBA - EBD زي ما حضرتك بتقول
لغاية دلوقتي مفيش دليل قاطع وعايزين فعلاً كلام نهائي وياريت لو تتابع معايا في الموضوع هناك
وتم الرد برضه في الموضوع التاني عشان نقفل كلام في الموضوع دا,, وتم تأكيد الكلام كله.. :tumb:
وإن العربية فيها Immobilizer و EBD و EBA و ABS و Airbag,, وكل السلاطات والبابا غنوج من البييززز لاين لل هاي لاين,, :grinder:
علي عكس الريوو, :wound13::wound13: :Zb_sor1[1]:
وأخر رد أهو في اللنك دا,
http://www.nilemotors.net/Nile/37381...post3875141895
عشان اللنك اللي أنت حاطة محدد مشاركة واحدة خاصة بيك,,
ومش بيدخل عال الموضوع دايركت, وفي ناس هنا ممكن تتوه ومتشوفش باقي الردود.
:bye2: