الموضوع: اسعار قطع غيار c4 جديدة واستيراد

المشاركة الأصلية كتبت بواسطة zimoo

السلام عليكم
معلش ياجماعة سؤال بسيط ,,حد يعرف واحد بيصلح عفشة كويس لc4
وبس يكون امين وشاطر,,,ولو سمحتوا رقم تليفونه
شكرا

ياجماعة لو سمحتوا ردوا عليا مش عارف اعمل ايه

المشاركة الأصلية كتبت بواسطة ahmed amin

أنا روحت لواحد بتاع عفشة قبل كدا في صقر قريش,
وكنت بشتكي من صوت طقطقة في الدركسيون وكنت عرفت من المنتدي هنا إن السبب من دراعات الدركسيون الداخلية,
وأختلط عليا الأمر لما روحت للعفشجي دا وغير بيض وتيش ميزان وطرفين أسكاترة,
ودفعت مبلغ محترم,
وبعد ما طلعت من عنده ومشيت تاني يوم لاقيت نفس الصوت موجود وأحبطت جداً أني غيرت حاجات كتير ومغيرتش الحاجة سبب المشكلة اللي كنت بشتكي منها,,
المهم الحاجات اللي أنا غيرتها كان عمرها بدأ ينتهي برضه لكن مكنتش لسه خلصت خالص زي الدراعات الداخلية لانها يتخلي في تخبيط كدا في طارة الدركسيون مع النقر والمطبات المكسرة.

المهم اللي عايز أقوله من تعليقي دا أن ربنا يوفقك مع عفشجي بيهم وأمين,
لأني أتاكدت إن 90% منهم كفتجيه لأني مجرب أكتر من 7 لحد دلوقتي وكل ما بروح لحد بيجرب ومش كله بيظبط العربية, أو اللي بيجتهد ويصلح وتيجي معاه بالحظ, قليل اللي فاهم,
وفيه اللي بيقولك غير جنب يمين أو شمال كله.

فأنت ممكن توصف لنا أنتا بتشتكي من أيه وانا هحاول أساعدك باللي أعرفه.

شكرا يا استاذ احمد علي الاهتمام,,انا كنت بشتكي ان في صوت تخبيط في الجزء شمال قدام من العربية في المطبات بس المشكلة ان الصوت مبيسمعش في الدركسيون ,,فكده يبقي صعب يكون بارات الدريكسيون او بيض المقصات او الجلب
بالصدفة كنت ماشي في اكتوبر لاقيت ورشه مكتوب عليها الورشة السورية عفشة وميكانيكا وانا اسمع ان السوريين واللبنانيين شطرين اوي في تصليح العربيات ,
المهم سألته انت بتشتغل في الفرنساوي قالي ايوا وكشف علي العربية وطلع المساعد الشمال جاب زيت وان شاء الله ها غير الجوز الامامي,,\
بالنسبة لموضوع عفشجي كويس في واحد اسمه فاروق في باب الشعرية ,,الحاج فاروق كبر ومبقاش بيشتغل ,,بس مشغل عنده واحد اسمه محمد هو كويس وامين بس الحلو ميكملش ,,,,,,,,,,,وهو بيشتغل في عربيتك ممكن يشتغل في عربيتين ويبص علي عريبيتين كمان ,,مش راكز ,,المرة اللي رحتلوا فيها قعدت من الساعة 2 الي10 علشان يظبط العفشة وبصراحة المشوار بعيد ,,
انا بفكر اركب المساعدين عند السوري هو الوحيد اللي لقيته كان موافق يشتغل في موجة البرد اللي فاتت دي ,,ربنا يسهل

العسكري في الحرفيين لو لقيت صنايعي اسمه كفراوي لسه شغال عنده يبقى ربنا كرمك ممتاز جدا

تمام كدا, أنت غير المساعدين الأول لأنهم الأساس وهما اللي بيمتصو كل الصدمات,
ولو المساعد ناشف هيرزع لك في باقي أجزاء العفشة من بطاحات وبيض.

ونصيحة مني الحاجات دي بتتجاب مرة واحدة وبتشتغل بالسنين ممكن 5 أو 7
فا متجيبش غير الأصلي, وكمان من التوكيل عشان فيه محلات كتير برة ممكن تبيعهملك علي أنهم الأصلي وهما copy منه.
ومش مستاهلة الواحد يدفع مبلغ فيهم ويكشف بعد سنة أنهم كانو مش أصليين.

وبعد ما تشتريهم ركبهم في أي مكان, لأن الموضوع سهل جداً وحتي أي عفشجي هيفك ويركب من غير مشاكل,
لأن مصنعية التوكيل هتبقي غالية في الموضوع دا ممكن تدخلها ف 400 جنيه, في حين أنك لو عملتها عند أي عفشجي كويس هياخد متوسط 80 جنيه ممكن أقل أو أكتر حاجة بسيطة.

وأبقي عرفني بالنتيجة. [/QUOTE]
المساعدين في التوكيل الواحد ب 1200 جنيه والجوز الاصلي علي كلام المركز الهندسي واسحاق اللي في التوفيقية 750 و850 جنيه التوكيل حرامي اوي بصراحة

المشاركة الأصلية كتبت بواسطة Ahmed Amin

لا السعر دا غلط,,
جوز المساعدين الأصلي في التوكيل من 1000 ل 1200 بالضريبة
وبرة التوكيل ب 900 ل 1000 جنيه من غير الضريبة.

اللي قالك إن السعر دا لمساعد واحد بس مش للأتنين يا إما كان مش مركز,
يا أنت سمعته غلط.

لو كدا ممكن تجيبهم من أي تاجر يكون سمعته كويسة, التوفيقية أنا مش بحبها وأغلب الشغل اللي فيها مضروب.

ممكن تشوف مصطفي شوقي مستورد قطع غيار بيجو الأصلية في مدينة نصر وتجيبهم من عنده.

انا متأكد من سعر التوكيل 1200 بالضريبة للواحد وروحت جبتهم ب part no. وروحت جبتهم من المركز الهندسي اللي في التوفيقية ب 850 الاتنين وركبتهم والحمد لله كله تمام دلوقتي و ركبتهم عند ايهاب جلال وخد مني 200 جنيه ,,,