صنى الشكل القديم 2014 لون موف داكن .
اية رايكم فى اللون دة ؟
وكمان الفرش الاسود احسن ولا البيج ؟
وشكرا .
عرض للطباعة
صنى الشكل القديم 2014 لون موف داكن .
اية رايكم فى اللون دة ؟
وكمان الفرش الاسود احسن ولا البيج ؟
وشكرا .
جميلة يا باشا ، استخير ربنا وتوكل على الله
عربية محترمة ومعمرة ومفهاش مشاكل
والفرش لو انت بتركن في مكان فية شمس دايما او تحت بيتك يبقي بلاش الاسود وخلي كفي البيج، الاسود هيخلي العربية نار في الصيف مش هتطيق تدخلها
لو سمحت هو الشكل القديم بكام ومنين أجيبه بسعر كويس
انا عربيتى نفس اللون و عاجبنى اقوى الصراحه و الفرش اسود و انا كنت عايزو كده عشان البيج مقرف اوى فى التنظيف و مش هيبان عليه التنظيف بسهوله
وعيوب العربيه اعتقد كل الناس عرفتها بس الحقيقه مشاكلها قليله و عمليه جدا
و لو عندك اى استفسار انا فى الخدمه
باشا انا عندى سؤال صغير بس مين قال لحضرتك انها 2014 يعنى على ما اسمع ان صنى سواء كان الشكل القديم او الجديد الى موجودين دلوقتى موديل 2013 وعلى ما سمعت كمان ان الشكل القديم مش هينزل منة السنة الجية يعنى 2014 فاكدلى ياريت المعلومة بتاعة ان فى منها 2014 او لاء
انا من اسكندرية
وجبتها من احمد مرعي الوكيل بتاعها
الشكل القديم عامل 112 استلام فوري للألوان المتاحة عنده
والشكل الجديد عامل 109.5 استلام بعد شهر او 113 استلام فوري اي لون
خليك مع الوكيل احسن علشان الاجنسات برة بيحطو اوفر بريس كبير على تمن العربية علشان يسلمك فوري
واعتقد الشكل القديم مش هتلاقيه غير عند الوكيل او موزع معتمد
جبتها قبل رمضان من موزع معتمد نيسان IFG وجبتها بسعرها الرسمي ١٠١ الف
هو بيقولك استلام خلال شهرين بس بينجز قبل كده بكتير ... انا قعد معايا اسبوعين ومع واحد صحبي ١٠ ايام
بس هو ملهوش غير فرع في السويس وفرع في اسماعيليه
وده لينك في كل الموزعين المعتمدين لنسيان صالات عرض نيسان | التوكيل
بس من المعارض دي محدش رضي يحجزلي الا هو IFG