الموضوع: *عربيتي كانت هتسرق انهارده في رمضان في عز الضهر!!!!!!!!!! كله يخلي باله*

قدر الله و ما شاء فعل ...

أنا حضرتك شنطتي اتسرقت من العربية ليلة رمضان (من أربعة ايام) في شارع السودان و كمان كانت بنت خالتي في العربية بس ما عرفتش تعمل حاجة لأنهم خبطوا العربية و سرقوا الشنطة بعد كده...

حسبي الله و نعم الوكيل

الحمد لله انها جت على قد كدا
والحمد لله ان الحجات رجعت ليك والحمد لله ان الخسارة جت فى حاجه مقدور عليها
ربنا يحفظك انت وعربيتك واسرتك ويحفظ عربيتى انا كمان وعربيات المسلمين جميعاااا

( عجبا لأمر المؤمن كل امره خير ان اصابته سراء شكر فكان خيرا له
وان اصابته ضراء صبر وكان خير له )

ربنا يخرجنا من الخرابة دى على خير
كفاية اوى عليها كده و كلها اقل من 5 سنيين و ماحدش حايعرف ينزل الشارع و يرجع بيته سليم او حى حتى

هو واضح ان محدش فالمنتدى طايق البلد دى خلاص - وانا منهم - الحمد لله على كل حال
هو بالمناسبه الامن بتاع شركة رايه المتخصص فى الاكسس كارد مبيعملش حاجه خالص ولا بيشوف العربيات اللى فالشارع دى حتى على الاقل لما السايس مبيكونش واقف اودام الشركه ؟!

أنا بشكركم جدا يا جماعة على ردودكم ويارب محد يحصلوا الموقف ده والله أنا امبارح فطرت مية بس لأن الموقف ده نشف كل السوايل اللي في جسمي ربنا ينتقم من الحيوان ده واعذروني لان اي حد يستحل حاجة حد ميبقاش انسان

بالمناسبة امبارح وانا في القسم دخلت دكتورة حوالي 40 سنة كده كانت ماشية في الشارع في أكتوبر قريب من نفس المنطقة طلعوا عليها اتنين بموتسيكل ضربوها في ايديها بمطواه وسرقوا شنططها!!!!!!!!!!!

البلد خلاص مبقاش فيها قانون الحق هيتجاب بالدراع أنا بفكر أرخص مسدس في الفترة اللي جاية ويا جماعة الموضوع بقى منتشر بشكل مخيف البلد جاعت والناس اتسعرت وأصحاب العربيات النضيفة بالذات بقوا مستهدفين ربنا يستر على الكل!!

لما أروح التوكيل هحكيلكم على كل حاجة إن شاء الله بس المفروض يركبولي الازاز الأصلي يعني هيكون زي اللي اتكسر طبق الأصل إن شاء الله ولا ايه ؟