الموضوع: صيانة ال 50 كم اخيرا مع سبيد سيرفيس

المشاركة الأصلية كتبت بواسطة midohector

السلام عليكم اعضاء شيفرولية

من فترة كده عربيتي الاوبترا كانت خرجت من الضمان و كانت عامله حوالي 48 الف كم و بصراحه كنت حاسس ان العربيه اتعرت يعني مبقتش اعرف لو فيه اي مشكلة اجري ع التوكيل - ده بغض النظر ان اي حاجه مكانوش بيعالجوها - و المشكلة التانيه اني مكنتش عملت صيانة العربيه الكبيرة من تغيير سير الكاتينه و باقي السيور و كمان كان عندي مشكلة موجوده هنا ع المنتدي بسبب مشكله كانت ف العربيه و انا كنت محتار ف علاجها .
و بعد فترة قعدت ادور ع المنتدي علي مركز صيانه معتمد او حتي غير معتمد بس يقدم خدمه محترمة لقيت ف الاخر مواضيع مختلفة بتتكلم علي مركز سبيد سيرفيس و مدير المهندس/ هاني ميخائيل (enghany) و هو شخصيه غنيه عن التعريف هنا ع المنتدي و قررت اني اكلمه لانه واضح انه محل ثقه لناس كتير هنا ف المنتدي و كمان بيتكلموا عن المعامله الكويسه جدا اللي بيلاقوها هناك و حسن الاستقبال و انه مستمع جيد لاي شكوي تتعلق بالعربيات و اخر حاجه انه قريب من بيتي ....
نيجي بئه للزيارة : طبعا بعد ما تعبت المهندس هاني و صحيته بدري و قلقته و شاف العربيه و سمع مني اللي بشتكي منه ف العربيه .... طلب مني الحاجات الضرورية اللي هتتغير ف العربيه و روحت جبتها من مكان محل ثقه بالنسبة له لانه بيبيع الحاجات كلها جي ام الاصلي مش كوري و تم تغيير كل حاجه بالاضافة الي تظبيط الفتيش الاوتو لانه كان بينتش مع المرشدير
هنا بئه نتكلم ع النتيجة النهائية للزيارة .. طبعا عن اخلاق و ذوق المهندس هاني دي مش هيكفيها كلام لكن شغل العربيه عجبني و لو اني كنت وعدته هقوله رأيي بصراحه لما اجربها و نظرا للظروق اللي حصلت امبارح معرفتش اجربها ع طريق السفر زي ما كنت ناوي الا اني فعلا حاسس بفرق ف العربيه محترم بس محتاجه مني مشوار طويل شويه و بعد المشوار ده لينا وصف مفصل للفرق الي حسيته ف العربيه ...... بس ربنا يعد الايام دي علي خير .
طبعا لو فيه استفسار عن اي حاجه تمت ف الصيانه انا موجود تحت امركوا

الزميل الفاضل الخلوق
اولا كان لي الشرف بمقابله سيادتكم و ايضا الوالد الفاضل
شكرا للزياره الحلوه و شكرا للتقرير الجميل وايضا انا بشكر زميلي الفاضل ابو يحيي منسق شيفورليه
لترشيحه للاعضاء لمركز سبيد و ايضا اتمني شرف مقابلته قريبا
و يارب يعدي الايام دي علينا بخير و نعبر المحنه الصعبه اللي البلد فيها و مستنيك بالصيانه القادمه ان كان لينا عمر باذن الله

متابع

معلش اسف علي التاخير بس ظروف الدنيا مش مظبطه ان الواحد يعرف يكتب
بالنسبة لموضوع اللي تم في الصيانه
تغيير سير الكاتينه و جوان وش سلندر - عشان كان بيعرق زيت و التوكيل قالي هنجيبلك القطعه دي من بره و نفضولي - و سير مجموعة و بلية ثابته و متحركة و تم غيير زيت الموتور بدلته بدل الموبيل 5000 كم خليته شيل 10000 كم و طقم بوجيهات و فلتر زيت
ده كله اتكلف مصنعيه لمركز الصيانه 200 جم فقط القطع اللي جبتها كلها كانت في علب و تكتتات " جي ام " و كلفتني 980 جم و الزيت كلفني 300 جم و تم تربيط و التاكيد علي العفشة من قدام .... غير حل مشكلة تقل العربيه و انها كانت بتاكل بنزين بسبب البوجيهات القديمه مع اني كنت مغيره من فترة قريبه علي 48 الف كم بس تقريبا طلعوا مرطبين مبيحرقوش

و بالنسبة لرقم الاستاذ هاني هو مشترك معانا ف الموضوع في الرد #2
و العربيه انهرده تقريبا لفيت بيها الدائري كله و كان فاضي شوية سالصبح ف عرفت اجربها الصراحه صوتها هدي شوية و كمان سحبها اتحسن بسبب الزيت و البوجيهات طبعا و انا في انتظار اي استفسار

المشاركة الأصلية كتبت بواسطة ahmed.zahra

متابع. و يا ريت نمرة المهندس هاني ضروري

01060900088

http://www.nilemotors.net/Nile/28764...r-enghany.html