لانوس 2007.....بوجيهات+كابلات...جلب مقصات..بليه كمبروسر..بليه دينمو..صليبه الدركسيون

1- يا جماعه انا عايز اغير البوجيهات بالكابلات بتاعتهم اجيب نوع ايه وبكام..
2- جلب المقصات لانهم الفبريكا مع العلم انهم كويسين مفيش فيهم مشاكل اجيب نوع ايه وبكام..
3- رولمان بلى الكمبروسر لان صوته عالى طول ما السير بتاع التكييف راكب لما بشيل السير الصوت بيروح وهل لازم الفريون يتفضى ولا لأ وبردو التكلفه هتبقى كام ...
4- بليه الدينامو دى بقى تقريبا العربيه نزلت ف شويه مايه غرقو غرفه المحرك والمايه دخلت جوه الدينامو ومن ساعتها وهو صوته اخشن مروه واحده كده من غير مقدمات فلو ينفع مثلا ان الدينامو يتفك والبليه تتنضف وتركب تاني يبقى تمام لانها بتاعه العربيه...
5- بردو وكنت عايز اعرف موضوع صليبه الدركسيون دى راكبه فين وبكام لان الدركسيون عندى تقيل واحترت معاه..
6- ودى اخر حاجه بقى ومجننانى لما ببقى واخد ملف على سرعه مثلا وادوس على حته عاليه كده ف الاسفلت "نقره واتردمت" مثلا الاقى العربيه من ورا اترحلت من مكانها كده "تزحف سنه صغيره" يا رب يكون حد فاهمنى ف النقطه دى هل دى جلب ورا مثلا ممكن تتغير ولا ايه ...
معلش بقى طلباتى كترت اوى ودا من ثقتى ف اعضاء المنتدى واكون شاكر ليكو اوى :)

انا فاهم قصدك فى النقطه رقم 6 دى .. ومتهيألى دى زوايا

انا ظبط زوايا وبردو نفس المشكله ..هى تقريبا جلب والله اعلم
وشكرا لردك

انا هجاوبك على الحاجات اللى اعرفها بس
واللى مرت عليا

اقتباس:

---

المشاركة الأصلية كتبت بواسطة tiger_mrmr2000

1- يا جماعه انا عايز اغير البوجيهات بالكابلات بتاعتهم اجيب نوع ايه وبكام..

البوجيهات ngk سعرهم تقريبا 45ج وشغالين معايا تمام
والكابلات انا جايب نوع ب 55ج وبردو شغال تمام (انا عارف انة مش اصلى)

2- جلب المقصات لانهم الفبريكا مع العلم انهم كويسين مفيش فيهم مشاكل اجيب نوع ايه وبكام..
3- رولمان بلى الكمبروسر لان صوته عالى طول ما السير بتاع التكييف راكب لما بشيل السير الصوت بيروح وهل لازم الفريون يتفضى ولا لأ وبردو التكلفه هتبقى كام ...

الاول اتاكد انة مش من بلية الشداد
جر ببلية استيراد عند اى واحد بتاع استيراد وركبها وانت واقف عندة
لو الصوت راح حاسبة
لو الصوت مراحش اديلة 5ج او 10ج فك وتركيب وخلاص

بالنسبة لبلية الكباس الاصلية ب 85ج
ولو صنايعى التكييف شاطر بيغيرها بدون ما تحتاج تشحن
لكن لو صنايعى نص كوم لازم يطلع الكباس برة العربية

مصنعية التغيير من 100 الى 150ج
4- بليه الدينامو دى بقى تقريبا العربيه نزلت ف شويه مايه غرقو غرفه المحرك والمايه دخلت جوه الدينامو ومن ساعتها وهو صوته اخشن مروه واحده كده من غير مقدمات فلو ينفع مثلا ان الدينامو يتفك والبليه تتنضف وتركب تاني يبقى تمام لانها بتاعه العربيه...
5- بردو وكنت عايز اعرف موضوع صليبه الدركسيون دى راكبه فين وبكام لان الدركسيون عندى تقيل واحترت معاه..

تقل الدركسيون:
بطاحات
او طرمبة باور
6- ودى اخر حاجه بقى ومجننانى لما ببقى واخد ملف على سرعه مثلا وادوس على حته عاليه كده ف الاسفلت "نقره واتردمت" مثلا الاقى العربيه من ورا اترحلت من مكانها كده "تزحف سنه صغيره" يا رب يكون حد فاهمنى ف النقطه دى هل دى جلب ورا مثلا ممكن تتغير ولا ايه ...
معلش بقى طلباتى كترت اوى ودا من ثقتى ف اعضاء المنتدى واكون شاكر ليكو اوى

العفشجى لازم يفك عشان يشوف
وابقى اوصفلة نفس الوصف دة
:)

---

شكرا للرد وان شاء الله هروح لعفشجى يشوف الموضوع ده