رقم العضوية : 119147
تاريخ التسجيل : 15Jan2012
المشاركات : 14
النوع : ذكر
الاقامة : القاهر
السيارة: مازدا
السيارة[2]: مازدا
الحالة :
مساء الفل علي الناس الناس الكويسه
عايز اخد رأيكم في موضوع علبه الدريكسيون عشان احترت
العربيه فيات بونتو 2003
90000 كيلو متر
المشكله ان لما بلف الدريكسيون لليمين في اخر المشوار خالص بسمع صوت طقه و العربيه واقفه
لو العربيه ماشيه الصوت دا بيكون مش موجود خالص حتي بحاول اجيبه و انا ماشي مش موجود
بيظهر بس و انا واقف في اخر المشوار خالص صوت طقه
الموضوع بدأ بتغيير بارات الطرف و العربيه كانت تمام و زي الفل و الدنيا كويسه بعدها باسبوعين قررت اغير رولمان البلي الامامي عشان صوته بدأ يطلع مع المشي
و لحد قبل مشوار الميكانيكي لتغيير البلي مكانش في مشكله في الدريكسيون
ظهرت المشكله تاني يوم من تغيير البلي و هي طقه في الدريكسيون في اخر مشواره جهه اليمين بالاضافه لطقه جامده في نص مشوار الدريكسيون يمين و شمال روحت للميكانيكي قالي العفشه عايزت يتقرط عليها مكان الفك و التركيب قلتله ربط و بالفعل الطقه الجامده الي كانت في نص المشوار اختفت لكن طقه الي في اخر المشوار جهه اليمين مازالت موجوده بالمناسبه الباور عندي كهرباء مش زيت
و بعد زياره للعفشجي قالي ترس الحلزون قصده الترس الي بيجري علي الاسكاترا بايظ في اخره
و دا عايز يفك علبه الدريكسيون و يغيره بواحد استيراد الترس بالبلي بتاعه
طبع جريت علي توكيل هيونداي فيه احد الزملاء هناك مهندس و فحصنا و النتيجه ان علبه الدريكسيون و روس الكبالن عايزه تتغير بالبلوه كل يوم تكبر
بردو حسيت ان الكلام مش مقنعني يمكن عشان دمرولي الدنيا تحت
روحت لعفشجي تاني قالي العلبه عايزه تتغير
انا دلوقتي عايز اعرف
مش المفروض لو العلبه بايظه يبقي في طقه في مشوار الدريكسيون سواء يمين او شمال و مش شرط الاخر خالص ؟
مش المفروض لما ادخل في حته مكسره يبقي في رعشه في الدريكسيون في ايدي ؟
و لو هي علبه دريكسيون اجيبها جديده احسن ولا استيراد احسن,الجديد مضمون ولا مضروب يعني؟
و السعر و المصنعيه في حدود كام
و شكرا ليكم و ربنا يريحنا منها عربيه بقي
رقم العضوية : 130473
تاريخ التسجيل : 21Oct2012
المشاركات : 2,922
النوع : ذكر
الاقامة : الأسكندرية
السيارة: كانت 128 زستافا
السيارة[2]: فليشيا كومبى 1997
الحالة :
لو فية واحد معرفة ليك بيبيع استعمال خارج طبعا بتبقى افضل من الجديده !!
المفضلات