مشكلة و اقتراحات اوكتافيا a5

**esamakl** · 16-08-2013 12:22 AM

عندى عربية اوكتافيا A5 موديل 2008 خليجى مانوال بس بتحرك مرة واحدة فى الاسبوع لمسافة 40 كيلو و اسبوع العيد اتحركت حاجة صغيرة حوالى 5 كيلو
من يومين كنت شايل حاجة تقيلة فى الشنطة و خبطت فيها من جوة اثناء المشى و ركنت العربية من ساعتها وبعدين النهاردة جيت اشغل العربية عادى وسبتها شوية فى الجراج فى البيت شغالة علشان اجيب حاجة و رجعت لاقيت العربية مبطلة لوحدها وحاوات اشغلها عدة مرات ما اشتغلتش و مفيش اصوات check-in الستة والمؤشرات متحركتش خالص ثم قفلت العربية وخرجت منها و حاولت اشغلها ثانى فاشتغلت ثم بطلت تانى عدة مرات فاشلت كابل البطارية لمدة 5 دقائق اشتغلت العربية وبعدين بطلتفاشلت كابل البطارية نصف ساعة وفتحت الشنطة و قفلتها وركبتها تانى و العدادات صفرت و اشتغلت العربية و لم تبطل
التشخيصات المبدائية
ضعف بطارية: بس النور شغال و الريموت شغال والعربية بتبطل بعد شوية من التشغيل
وجود مس: علشان العربية بتبطل بعد فترة من التشغيل و بعدين متشتغلش الا بعد فترة ولما فتحت الشنطة و قفلتها لم تبطل
مشكلة كنترول: علشان لم شلت الكابل لفترة حتى صفرت العدادات اشتغلت و لم تبطل
شى مشترك بين الكنترول و المس
هل يوجد اى اقتراحات اخرى و اكشف عند بتاع بطاريات ولا كهربائى
و شكرا

**kazamodia** · 16-08-2013 02:24 AM

هات بطرية جديدة

**esamakl** · 16-08-2013 08:50 AM

المشاركة الأصلية كتبت بواسطة kazamodia

هات بطرية جديدة

يعنى المشكلة في البطارية فقط ؟ على العلم بان البطارية جافة و بقالها حوالى 13 شهر

**Moratoz** · 16-08-2013 10:32 AM

مبدئيا اكشف علي البطاريه اولا دون الشراء
ثانيا لما ألحاجه خبطت في الشنطه من جوه خبطت في ايه بالظبط

**esamakl** · 16-08-2013 12:57 PM

اضافة جديدة: شغلت العربية النهاردة الصبح اشتغلت عادى

**Moratoz** · 16-08-2013 01:01 PM

ممكن تبقي بدايه البطاريه اكشف عليها الاول قبل ما نخش في افتراضات اخري

**esamakl** · 16-08-2013 03:16 PM

المشاركة الأصلية كتبت بواسطة eng\ahmed

طالما العربية دارت طلع البطارية من الموضوع

الف شكر
انا شاكك انه كان في مشكلة في الكنترول و اتصلح بعد ما شلت كابل البطارية لفترة لحد ما عمل ريست
على العموم بكرة هاروح للكهربائى و يكشف على البطارية

**ENG\AHMED** · 16-08-2013 07:50 PM

المشاركة الأصلية كتبت بواسطة esamakl

الف شكر
انا شاكك انه كان في مشكلة في الكنترول و اتصلح بعد ما شلت كابل البطارية لفترة لحد ما عمل ريست
على العموم بكرة هاروح للكهربائى و يكشف على البطارية

طالما دارت يبقى البطارية ملهاش دعوة , حتى لو فصلت البطارية وهى دايرة مش هتطفى
حط العربية على سكانر وشوف مسجلة ايه