بسم الله الرحمن الرحيم

السلام عليكم

انا لاقيت اجهزة لتتبع العربية وشركة اتصلا منزلة جهاز كدة برده

بس معظم المشكلة اللي شوفتها مع الناس اللي بتستخدم الاجهزة دي هي الاشتراك الشهري للسيرفير واكيد شحن الرصيد

انا لاقيت طريقة سهلة موجودة في اي موبيل خاصة سمسونج لاني مجربه بنظام انردويد الطريقة بسيطة جدا
بتعمل اكونت من الموبيل ع موقع سامسونج
تدخل ع لينك تتبع الموبيل من اي لاب توب او موبيل او اي جهاز وتدخل بالاكونت بتاعك
وهتلاقي في اختيارات وكلها للتحكم ف الموبيل واهم حاجة انك تعرف تلاقي مكان موبيلك بكل سهولة شرط ان يكون الفون متوصل بالنت ومشحون

طبعا في ناس هتقولي مالموبيل سعره غالي والبطارية بتاعته مش هتقعد هقوله ده حل للمشكلة لما هتركن في مكان وخايف ع العربية وده حل ممكن ميكلفش اي حد معاه موبيل اندرويد مل اللي هيعمله يسيب الموبيل في العربية ويتتبع الموبيل اللي في العربية من اي مكان
وده حل سريع ومؤقت لو سايب العربية في مكان وخايف عليها

عشان تعمل الاكونت لازم الاول تدخل في الستينج في الموبيل وتلاقي جملة samsung account لو لقتها تعمل الاكونت عادي وهتلاقي لينك التتبع في الميل بتاعك
ودي اسهل طريقة وعن تجربتي الشخصية وشكرا