برجاء المساعدة فى المقارنة بين لأنسر شارك هايلاين وسعرها الحالى ١٦٨ ألف جنية والشيفورلية شارك هايلاين الفيس ليفت وسعرها الحالى ١٦٠ ألف جنية
عرض للطباعة
برجاء المساعدة فى المقارنة بين لأنسر شارك هايلاين وسعرها الحالى ١٦٨ ألف جنية والشيفورلية شارك هايلاين الفيس ليفت وسعرها الحالى ١٦٠ ألف جنية
الموتور متقاربين وفى فرق بسيط لصالح الكروز أجزاء من الثانيه
الفتيس الكروز 6 سرعات تبترونيك الشارك 4 سرعات ومش ستبترونيك
التعليق فى صالح الشارك Multi-Link والعربيتين ثباتهم عالى
الأمان الاتنين فيهم ABS و 2 AirBags وفى ال EuroNCAP الاتنين 5 نجوم بس الكروز واخده 96% و 84% فى التصادم الأمامى والجانبى والشارك 81 % و 80 %
الكروز فرامل خلفيه Disc الشارك Drum
الأوبشنز فى صالح الشارك ( فتحة سقف - سمارت كى - سبويلر - جنط 16 ) , الكروز جنط 17 وكاوتش 215
السعر فى صالح الكروز 10 ألاف أقل
نفس فترة الضمان 3 سنين أو 100 الف كم
الشكل والتصميم الكروز لسه جديده وإحتمال تتغير فى 2015-2016 , الشارك من 2007 ومش معروف هاتتغير إمتى
شكرًا على الرد الوافى والتحليل بس سؤال لو انت هتشترى تشترى أنهى فيهم
فى رايى الشارك
اول مشاركة فعلا تحليل دقيق بس الكروز موجودة من 2008 و الي حصل بس في موديل 2013 فيس لفت تغيير الشبكة الامامية وسحب العيون شوية و ارتفاع العربية شوية و المحرك الجديد وبس وفي رايي الشخصي الشارك تتفوق علي الكروز
الكروز تكسب فى قطه الغيار والشكل والشياكه
س الانسر تكسب فى الاداء
وبالنسبه لاعاده البيع واحد العربيتين والاتنين معمرين
شوف احتياجاتك ايه من العربيه وصلى استخاره وربنا يوفقك ان شاء الله
الشارك افضل في نظام التعليق.... وان كانت الكروز من العربيات اللي ثباتها جيد جدا وانا بشوف انها افضل الكوري من الفئة دي في الثبات... بس الشارك فعلا حاجة تانية... واللي جرب بس هوه اللي يعرف... الشارك على السرعات العالية ملهاش حل ولا يعيبها الا مستوى العزل اللي لولاه كان ممكن الواحد يمشي على 200 او 210 مثلا ومش حاسس بحاجة خالص....
الشارك هتتفوق كمان في جودة الخامات الداخلية وتقفيلها... وقلة الاعطال اعتقد بقوة هتكون في صالحها برضه... بشكل عام اعتمادية الميتسوبيشي افضل من الشيفروليه...
الاوبشنز مش لعبتي خالص... اهم حاجة عندي ثبات العربية وقوة تحملها... بس برضه الساوند سيستم بتاع الشارك حاجة مرعبة... ده على سبيل المثال...
بالنسبة للشكل... الاتنين شيك جدا... بس الشارك الهايلاين بفتحة السقف والاسبويلر وتحديد الشبكة الامامية بالنيكل بيبقى شكلها جبااار...
مقاس الجنط بتاع الشارك مثالي جدا... 205/60 على 16 بوصة... وعموما هي بتنزل في نسخ الGT والRalliArt (اللي هم تقريبا نفس العفشة) بمقاس 18 بوصة بأبعاد 225/45....
في النهاية انا شايف الكروز عربية ممتازة بس الشارك افضل منها اداء واعتمادية وقلة اعطال وتقفيل وجودة تصنيع وشكل وكماليات...