وضع مؤلم و محزن ربنا يستر
رقم العضوية : 30583
تاريخ التسجيل : 20Jan2009
المشاركات : 2,294
النوع : ذكر
الاقامة : Egypt - Cairo , Canada - Alberta
السيارة: Toyota Corolla 1978 ,Peugeot504 1983, Peugeot 406 2006,kia pride 2000,chevrolet traverse 2009,Mazda3
السيارة[2]: BMW 320i 2002,BMW X5 2007,BMW X5 F15 2014
دراجة بخارية: نفسى اتعلم سواقتها
الحالة :
السلام عليكم و رحمة الله
الموضوع ده ترددت كثرا فى كتابته - و ترددت اكتر فى اختيار القسم المناسب ليه
اسمحولى احكي ليكم حكايه صغيره
الناهرده الصبح روحت رابعه العدويه اشوف بقايا معركة فض الاعتصام
مش حتكلم عن تفاصيل اللى شوفته من اثار للطلقات و لا الحرائق
لكن هالنى منظرين - هو العدد الكبير من عربيات الربع نقل اللى راحت تلم "فى العلن" بقايا المعركه الى درجة انهم كانو بيشيلو السور الحديدي الخاص بالحديقه اللى فاصله فى نص الشارع اللى كانت سليمه و لكن مخلوعه من مكانها امام اعين الشرطه و الجيش و بدون ادنى اعتراض منهم !!!
الحاجه الثانيه اللى خلتنى فعلا اتألم نفسيا : منظر مسجد رابعه العدويه و هو محترق تماما
و جدت تجمع عن السور المحترق للمسجد كان مركز التجمع ده واحد راجل بيهلل و بيتكلم بعصبيه و حمقه (على غرار الشيخ محمود شعبان) و بيقول "كتاب الله و يخرج بقايا مصحف محروق و ما احترموش حرمة المساجد (يقصد على الداخليه ) ... الخ
فى المقابل الست كانت بترد عليه و تقوله : ده (و تشاور على مسجد رابعه العدويه) عندهم اشد حرمه من الكعبه و هما بيحجو حوليه و شويه كانو حيعملو تمثال عجوهه لمرسى و يعبدوهه زى ماكان اجدادهم بيعبدو هبل ... الخ
رغم انى عارف ان الاوقات بتاعت دلوقتى ماحدش فيها يتناقش مع اى حد مختلف معاهه فى التفكير - الا انى اتغظت اوى من كلام الست و اسلوب الدفاع الساذج من الراجل
وكمان اطمنت لما لاقيت الراجل بيقول وجهة النظر المختلفه و ماحصلوش حاجه
فقررت اتكلم : فقولتلها هو اللى بتقوليه ده مبرر لحرق الجامع ؟؟ - اول لما قولت كده لاقيت كل المجموعه بصتلى
قولتلها مين اللى حرق الجامع : قالتلى الاخوان - قولتلها ماشى بس فيه فيديو متصور باليل و باين الجامع فيه والع و الدنيا مضلمه ليه ما اتطفاش
انا ماخلصتش كلامى و الاقى كل اللى حوليا هاجمونى فى نفس واحد !!!!!
و كل اللى فى المجموعه (بدون استثناء) ابتدو يهاجمونى مع بعض الزق باليد اللى هو مقدمة الضرب
اللى فاكره واحد ان واحد ورايا لاقيته بيخبطنى و يقولى : ومين اللى حرق الكنيسه اللى فى الحته الفولانيه و ابص قدامى الاقى الست بتقولى "يا اخوانى يا كافر" وواحد تانى يقولى "اطلع بره " و التالى يقول "احنا نموته الارهابى ده"
ستر ربنا لاقيت واحد ابن حلال شدنى من وسطهم و قالهم انا حتعامل معاه و خدنى و "جرى " بيا يبعدنى عنهم و وهو بيبعدنى عنهم كان فيه واد بلطجى جرى ورايا و عاوز يضربنى لولا الشخص " اللى انقذنى" خلاه يبعد عنى - و لما بعدنا قالى بالحرف ( انا معاك بس ماينفعشى تتكلم مع حد دلوقتى)
الفيلم ده كله استغرق 7 ثوانى من اول اللحظه اللى قررت افتح فيها بقى و لغايه لما الراجل هربنى
اسألتى بقى
احنا ليه بقينا كده - كل واحد مش قادر يسمع وجهة نظر مختلفه عنه
ليه التعصب اصلا المفروض اصلا ان اختلافنا سياسى لأنى لا انا و لا انتا قتلنا حد
يبقى ليه تعدى عليا لمجرد انى بناقشك - طيب ماهو ده نظام امن الدوله و مبارك (كل واحد فينا عنده مبارك صغير جواهه)
ليه العنف هو الحل - مش بتكلم فى اخوان و لا زفت - ثقافة العنف منتشره فى اى حاجه دلوقتى
انا اتذكر ان فى 18 يوم كانت بتعرض وجهات نظر مختلفه و مناقشات حاده بين الناس ,ممكن فى المناقشات الصوت يعلى و يبقى زعيق قصاد زعيق , لكن عمرى ماشفت اتنين مسكو فى بعض فى الميدان بسبب مناقشه و الكلام ده منطبق على كل مظاهرات التحرير اللى انا حضرتها , اول مره فعلا اشوف اتفاق العدد ده على الايذاء او الخروج عن السلميه بالمنظر ده
السؤال الاخير - هما ليه كانو سايبين اللى بيزعق و بيتحمق ده يقول اللى هو عاوزه من غير ماحد يعتدى عليه بينما انا لما اتكلمت بهدوء و عقلانيه كانو حياكلونى من قبل ما اخلص اول جمله ليا - هو ده النظام يعنى , البقاء للاقوى
وملحوظه صغيره : التجمع ده معظمه شخصيات نضيفه و كان فيه للاسف شخصيات كبيره فى السن وواضح عليهم المستوى الاجتماعى الراقى
- انا اجبرت انى اذكر قناعاتى لأن ماكنشى ينفع القصه تتفهم من غيرها
ياريت نتكلم بعيد عن السياسه و نتناقش فى الموضوع ده من الناحيه الاجتماعيه الانسانيه
رقم العضوية : 13412
تاريخ التسجيل : 22Jun2008
المشاركات : 3,079
النوع : ذكر
الاقامة : cairo
السيارة: سابقا lanos 2
السيارة[2]: Optra AT
دراجة بخارية: no
الحالة :
وضع مؤلم و محزن ربنا يستر
A.Hilmy
رقم العضوية : 77459
تاريخ التسجيل : 11Aug2010
المشاركات : 316
النوع : ذكر
الاقامة : alexandria
السيارة: speranza A516
السيارة[2]: hyundai excel
دراجة بخارية: no
الحالة :
تمكن العلماني من السلطة، يعني إقصاء الإسلامي من السلطة والحجر عليه بدعوى عدم الإيمان بالديمقراطية والحرية وحقوق الإنسان !!...بالمقابل تمكن الإسلامي من السلطة يعني إقصاء العلماني ومحاولة فرض نمطه الأخلاقي على المجتمع بدعوى الحصول على أغلبية الأصوات في الانتخابات !!.
العرب يدمرون أوطانهم بأيديهم..!! كأن بعقولهم جين غباء متوارث. لا أدري لماذا العربي لا يستطيع تدبير اختلافه مع شريكه في الوطن تدبيرا سلميا يكفل حق الجميع؟ كل طرف يعتقد بأنه يملك الحقيقة المطلقة وأن الله معه ! كل طرف يدعي الوطنية ويزايد بها على الآخر..وكل مخالف هو متآمر وخائن ومدعوم من الخارج...وهلم جرا من التهم.
ألا يعرف العرب معنى الحل السياسي؟!!..إنه الحل الوسط..تنازل جميع الأطراف للوصول لحل توافقي..إنه اللون الرمادي، وليس الأبيض أو الأسود. إنه وطن..تنازل الجميع، ليس لكي يفوز طرف على طرف، إنما تنازل كي يفوز الوطن وفقط.
الغرب مر بما يمر به العرب اليوم منذ زمن بعيد، واستطاعوا أن يتوصلوا إلى طريقة جعلتهم يتعايشون مع بعضهم البعض رغم اختلافاتهم متجاوزين منطق الأغلبية والأقلية ومكرسين منطق الإحترام المتبادل..لأنهم وعوا جيدا بأن لا مصلحة تعلو فوق مصلحة الوطن. وعرفوا أن التعصب الأعمى للطائفة أو الفصيل أو الحزب أو الجماعة...هو الذي يدمر الأوطان. بينما العرب لم يتعلموا من التاريخ، سواء كان تاريخهم أو تاريخ غيرهم..رغم كونه زاخر بالحروب بين قبائل الدولة الواحدة، وفصائل وطوائف الدولة الواحدة...
بدون ذكر الحروب الأهلية التي خاضها العرب على مر تاريخهم..لنعرج فقط على بعض حروب وفتن الأمس القريب بين أبناء الوطن الواحد.
حرب لبنان الأهلية سنة 1975 التي دامت أكثر من 16 سنة وأتت على الأخضر واليابس.
العشرية السوداء في الجزائر تسعينيات القرن الماضي التي راح ضحيتها مئات الآلاف من الضحايا.
الحرب الأهلية بين حماس وفتح.
الحرب الأهلية في ليبيا.
الحرب الأهلية في سوريا بين السنة والشيعة.
مصر وما يقع فيها الآن.
الأوضاع المتوترة في تونس.
البحرين والتعتيم الإعلامي على ما يحدث هناك...
(أعرف أن الكثيرين سيختلفون معي في توصيف بعض هذه الأحداث بالحرب الأهلية..لكن اعذروني، قتل وسحل وتعذيب أبناء الوطن الواحد لبعضهم البعض مهما كانت الظروف هي حرب أهلية رغم حيازتها على مباركة بعض الكهان وبائعي صكوك الغفران الجدد).
كل الدول العربية مرشحة ولديها البيئة المناسبة لقيام الحروب الأهلية..لأن التركيبة الذهنية والبسيكولوجية والبيولوجية هي نفسها في جميع الدول!!..جهل مستشري و حقد غير طبيعي على الطرف الآخر مضاف إلى هذا بعض من جينات الغباء..والنيجة دائما دمار الأوطان.
المحير في الأمر، أنه رغم أنهار الدماء، والمآسي والدمار..لا يتعلم العرب! ولا يخطر على بالهم أنه ربما هناك خطب ما، أو أمر خاطىء في كل ما جرى ولا زال يجري!!.
لكن.. أين هم مثقفي العرب من كل هذا ؟!!..يجب عليهم أن يتحملوا مسؤوليتهم التاريخية في توعية الشعوب وإنارة درب (الحاكم والمحكوم) لمنع إنجراف الأمور أكثر من هذا.
ماذا عن دور الأحزاب والجمعيات في التوعية والتأطير؟ أم أن دورها فقط هو خدمة المصالح والأجندات الخاصة.
وسائل الإعلام، ألا تتحمل هي كذلك مسؤولية هذه الأحداث؟..بلى، هي أول المتخندقين والناصرين لهذا الطرف على ذلك. بل هي التي تغذي النيران الملتهبة وتزيدها إشتعالا !.
أين موقع الحكام من هذا ؟ إنهم أولياء أمور الشعوب والماسكين بزمام أموره..هذا يعني أنهم مسؤولون ويتحملون الجانب الأكبر من المسؤولية.
انتظروا لحظة..من أين أتى كل هؤلاء القوم الذين يعبثون بمصائر الشعوب ؟!..مثقفين، أحزاب، مجتمع مدني، وسائل الإعلام، حكام...؟؟ ألا ينتمي هؤلاء إلى هذه الشعوب ؟ بل إنهم نخبة هذه الشعوب وزبدتها، ومرآة ترى فيها الشعوب وجهها البشع !
حان الوقت ليتحمل الكل مسؤولية ما يحدث..يجب نقد الذات ومعرفة مكمن الخلل ومحاولة إصلاحه، أما أن يحمل كل طرف المسؤولية للطرف الآخر وينآى بنفسه عنها..فلا يزيد الأمر إلا سوءا.
منقول.............
رقم العضوية : 94339
تاريخ التسجيل : 12Apr2011
المشاركات : 1,125
النوع : ذكر
الاقامة : Cairo
السيارة: Lanos
السيارة[2]: Nissan Sunny
دراجة بخارية: لا
الحالة :
سياسة التعصب الى الكل كان بيذكى ليها ومحدش منعها ولا حاول يسيطر عليها
[marq="3;right;2;alternate"]
انظر موضوع "خـــريطـة قــسـم نيـــسان .. طريـقنا نحـــو الافـضل"
[/marq]
رقم العضوية : 89201
تاريخ التسجيل : 22Feb2011
المشاركات : 1,850
النوع : ذكر
الاقامة : القاهره
السيارة: لما اجيب الاولانيه
السيارة[2]: معنديش
دراجة بخارية: مفيش
الحالة :
كلام سليم جدااااااااا
للاسف احنا عمرنا ما هانتعلم وده الفرق بينا وبين الغرب هما ادركوا المشكله وحلوها لكن احنا بعدنا عن دينا واخلاقنا وتقاليدنا والنتيجه ايه صفر فى الاخر
زى ما يكون عندنا استعداد لتدمير نفسنا بادينا اكتر من بناء نفسنا.............. حقيقى ده عصر الفتن
ربنا ينجينا من اللى احنا فيه
انا مصمم علي بلوغ الهدف ...اما ان انجح واما ان انجح
رقم العضوية : 30172
تاريخ التسجيل : 16Jan2009
المشاركات : 24
النوع : انثى
الاقامة : cairo
السيارة: هيونداي
السيارة[2]: ibiza
الحالة :
دلوقتي احنا بنتكلم في السياسة ليه في حد فينا بيعرف سياسة واللي هسقولي مصر كلها بتتكلم سياسة هرد عليه وهقوله بلاش تبقى بغبغان وبص في شهادتك انت متخرك منين وخلي السياسة للي دارس سياسة لان ده علم مش كلام وخلاص وخد بالك كمان فيه قسم اسمه سياسة واقتصاد ....هل من الممكن واحد مهندس يتكلم في اختصاص واحد دكتور والعكس ينفع سباك يتكلم في تخصص ميكانيكي .... حد يرد عليا ربنا خلق كل شخص ليه علمه و تخصصه ..... الشعب المصري كله اتقلب مرة واحدة وبأه متعلم لدرجة خلاص خلص كل العلوم الموجودة ومش فاضل غير السياسة .... كفاية نحشر آنفنا في كل حاجة ونشتغل ونبني أفكار جديدة بدل ما احنا عمالين نقطع في بعض و كل واحد يقولك البلد بايظة ...اقوله لانك مش عايز تشتغل و الكلام موجه ل 90000000 شخص وانا اولكم كنت مقصر ولكن انا اعتزلت الحديث في السياسة نهائيا ..... واكتشفت ان في مجالات انفع من السياسة اقدر استثمر فيها وقتي .....كفاية تضييع وقت ....(الوقت كالسيف ان لم تقطعه قطعك ) و طبعا احنا دخل علينا مش سيف واحد احنا كل واحد في بيته سيف تم تدمير حاجة اسمها وقت ..... مصر مش مستحملة كلمة كمان ياريت تشوفوا شغلكم احسن
رقم العضوية : 128821
تاريخ التسجيل : 20Aug2012
المشاركات : 1,035
النوع : ذكر
الاقامة : القاهرة
السيارة: أكسنت م 2005 - 1300
السيارة[2]: إكسيل م 95 - 1500
دراجة بخارية: بسكلتة 6 سرعات
الحالة :
بص يابوب من الاخر كدته كل واحد باصم بالعشرة على فكره ومبدئه ولو اعدت تجادل مليون سنة ماهتوصل لحل معاه فانت كبر دماغك وخليك على مبدأك
الوضع الحالى بقى قسمين اخوانى وفلول ملهمش تالت
تعاطفت + دافعت + تكلمت فى صف الاخوان بقيت اخوانى والعكس صحيح
نهايه الحوار مات الكلام ولا تجادل حد تانى لراحة بالك
تحياتى
المفضلات