بصراحة
الله ينور
شرح وافى علمى و متبحر
يارب نقرا و نفهم و نستوعب
تحياتى ليك....
رقم العضوية : 83205
تاريخ التسجيل : 10Dec2010
المشاركات : 1,366
النوع : ذكر
الاقامة : cairo
السيارة: Honda CBR400 R
السيارة[2]: Lancer GLX 2008
دراجة بخارية: Suzuki GSX-R 600 k5
الحالة :
السلام عليكم يا شباب
اكتب لكم بعد غيبة طويلة نظرا لظروف لطيفة
اعذروني لاني هبقي هجومي شوية في الموضوع دا
__________________________________________________ _____
انا : ازيك يا ............
الكائن اللزج : الحمدلله عامل اية يا عم بيدو
انا : تمام والله والدنيا زي الفل
انا : بقول اية يا عم الحج - اية رائيك في البيكس المتعمرة
الكائن اللزج : قصدك المكن الحالل يعني
انا : هتفرق يعني ؟
الكائن اللزج : اوعييييييي هتلبس يا معلم
انا : طيب اقنعني لية المكن الحالل وحش
الطائر المجنح : يابا مفيش صنيعي بيرجع الحاجة زي الاول
انا : يعني المشكلة مشكلة صنايعية بس؟
التنين الارجواني : ايوة يعم والخامات يسطي كمان بص هاتلك مكنة افراج وريح دماغك
انا : يعني انت بردة عاوز تقنعني ان الافراج احلي وانضف ومش حالل؟
برنس الليل : ايوة يا عم الحج - دول ناس برة ناس نضاف كدة وانفين يركب المكنة شهر ويقوم رافعها
انا : طيب نفترض انو جابها سنة 1988 وركبها شهرين ورفعها اكيد المدة دي الموتور بيبوظ من جوة
اينشتين زمانة : يعم انت شكلك ملكش في الميكانيكا وهتغلبنا معاك دول بيملو الموتور علي اخرة من جوة زيت حوالي 26 لتر وبيكون زيت خروع كمان
انا : يااه معلومة جديدة دي .... يابن ال الاية يا لعيب .. سيبك بس وقولي المكن الحالل هنا وحش لية ولا انت سمعت حاجة وعمال تردد فيها علي اساس انك بتفهم في الموتوسيكلات
البتنجانة : يعم انت هتوجع دماغي لية .. المصري فلحوس مبيعرفش يعمل الحاجة مفيش خراط ايدة تتلف في حرير وبيصب سبايك كويس
انا : امم حسبي الله ونعم الكويل
انا : +18 .................................................. .................................................. ..............
هتقولي مكن حالل
هتقولي المكن الحالل لية صوت معين غير التاني
هتقولي السيليكون بتاع الفابريكة
هتقولي جوانات
هتقولي هتقولي
هقولك ارجوك مترددش
انت انسان ربنا ميزك بالعقل
__________________________________________________ _
موضوعي مثير للجدل
so what
لو المكن الحالل كان معيوب كانت شركات الموتوسيكلات نزلت المواتير مصبوب حتة واحد مش اجزاء عشان يتفكك
هتقولي يا عم الفلحوس طيب لية المكن الحالل واخد سمعة كدة
هقولك عشان احنا كمصريين مش بنصرف علي الحاجة
عاوز تعرف المكن الحالل وحش لية هنا وحلو في بلاد برة
__________________________________________________ _______
اولا ناخد الموتور واحدة واحدة من فوق
1
الشنبر والشمايز و جوانات وش السليندر
برة لو الشميز وسع ( المكان اللي البستم بيطلع وينزل فية ) بيترمي ويتجاب غيرة
في مصر بنجيب حاجة اقل قطر شوية وبتتحط جوة الشميز عشان اسمنا ضيقناه
طيب بتبقي مصنوعة من اية ؟ من حديد زهر - الشميز نفسة معمول من اية ؟ من الومنيوم حضرتك
طيب اية الفرق
خاصية التمدد والانكماش لكل مادة يا فندم
ميجيش الشميز يقفش علي البستم وتقولي اصل الخراط وحش
طيب لية بنلجاء لكدة محنا نغير علي طول
تكلفة الشميز = 100 جنية مصري لكل بستم = 400 جنية مصري اجمالي القيمة
تكلفة بلوك بساتم ستاندرد = 1500 جنية مصري فقط لا غير
البستم
لنفس الشي المذكور للشميز البستم بيتخرط
يعني حسب الخراط يا يجيب بستم في نفس الحجة ويبتدي ياكل فيه عشان يخلية نفس حجم وشك البستم المطلوب ( ودا المتداول )
او يجيب مادة مسمطة ويبتدي يشكلها ( نادرة لو لقيتها في مصر )
نفس حكاية خواص كل معدن
طيب لية بنعمل كدة ؟
تكلفة خراطة البستم = 70 جنية مصري * 4 = 280 جنية مصري للاربع بساتم
تكلفة بستم استاندرد = 180 جنية لكل بستم *4 = 720 جنية مصري للاربع بساتم
ومش هتكلم عن الجوانت
_______________________________________________
نتكلم عن السبايك والكرنك شوية ؟
السبايك للمواتير ذات الاداء العالي ( نقصد بيها ذات الاجزاء الصغيرة و عدد اللفات العالي ) بيبقي اسمها سبيكة رباعية
يعني اية ؟ يعني بتتصنع من اربع مواد فوق بعض
اول طبقي اللي هي اسفل السبيكة صلب كربوني ( عشان تفاعلة مع الحرارة ضئيل ولا يتمدد بسهولة )
طبقة من النحاس
طبقة من مادة عازلة
طبقة من الاومنيوم ( ودي الطبقة اللي بتتلامس مع الكرنك
سواء كانت بقي سبيكة صيني سبيكة يباني مدام مصنعة من المواد دي يبقي من السبايك الموصي بها
طيب السبايك المصري ؟
السبيكة المصري عارف بتتعمل ازاي؟
الخراط بيروح يجيب طقم سبايك بتاع عربية وبالذات بتاعت ........* (عربية معينة مش هقول عليها ) ويفضل يشكل فيها لحد متبقي نفس شكل السبيكة المطلوبة
انت عارف خواص السبيكة دي اية ؟
اول طبقة حديد
تاني طبقة المونيوم
طيب لو اعتبرنا الخواص كانها لم تكن
هل هتحط سبيكة مصممة تستحمل 7 تلاف ار بي ام (بالريد زون ) في موتور الار بي ام بتاعة 14 الف ار بي ام وفي مواتير 16 الف ومواتير 22 الف
طيب لو سبنا حكاية الاستحمال دي ؟ هي الشركات غاوية تكلف نفسها متعمل كل حاجة نوع واخد من المعدن وخلاص
تخيل بقي يجتمع المصيبتان تصميم السبيكة لاستحمال قدر معين من الحركة وكمان عدم مطابقتها لمواصافات التصنيع
سبب تاني من اسباب خراطة السبايك رداءة السبيكة مما ادي الي تاكل اجزاء الكرنك الملامسة للسبيكة
طيب والحل ؟ كرنك جديد
تكلفة السبايك المصري (المخروطة ) = 620 جنية مصري
تكلفة السبايك الاستنادرد = 2400 جنية مصري فقط لا غير
تكلفة كرنك جديد= 1700 جنية مصري فقط لا غير
-------------------------------------------------------------------------------
خلصنا من الكلام اللي ولا بيودي ولا بيجيب دا
طيب وحكاية الصوت بتاع نغمة الموتور الحالل غير نغمة الموتور التانية !!
مفيش حاجة اسمها كدة
في حاجة اسمها ان كل مسمار لية عزم ميعن يتربط بية جوة الموتور بل ان كل مسمار في البيك لازم يتربط بعزم معين (لية ؟ عشان ميفكش من جراء الشغل والحركة المتكررة )
الموتور عامل زي اوتار الجيتار كل وتر بيبقي مشدود شدة معينة وبيدي نغمة معينة
لما المتور يتربط بالعزم المطلوب لكل مسمار هيديك نغمة معينة (عشان كدة المكن المسمي بافراج بيبقي لية نغمة لطيفة لانه البروجيكت عندهم بيتعمل صح وبادوات صح علي عكس هنا اربط لحد متسمع طقة اصل دي طقة الفبريكة يا بورنس )
تكلفة مفتاح سيستيم عزم 1\2 + 1\4 + 1\8 = 480 لكل مفتاح دا غير طبعا اللقم يبقي تكلفة اجمالي حوالي 2000 جنية للطقم كامل طيب لية لية المفاتيح دي كلها ببساطة لان المفاتح النص ميقدرش يربط مثلا المسمار ال 8 وهكذا
-------------------------------------------------------------------------------
خلصنا من النغمة نخش علي السيليكون والجوانات ؟
طقم الجوانات النضيف بحوالي 300 جنية طقم الجوان المصري ب 35 جنية
طيب السيليكون ببساطة لان السيليكون انواع والوان واشكال وخواص وتحمل درجات حرارة والخ الخ
طيب لية البيكس الافراج مش باين علية كل دا
عاوز تعرف لية ؟
لان في الدول المتقدمة في اداة اسمها gasket scraper
نعم عزيزي المصري انها كالسحر
انها خيالية
انها اداة تزيل اثار السيليكون والجوانات
نعم عزيزي المصري انها سحر
---------------------------------------------------------------------------
يعم انت داخل فينا شمال لية
هات ما يثبت كلامك
من عيني يعم الحج
عرفت لية المصري فاشل في عمراتة ؟ مش عشان قلة خبرة
عشان قله علم
عشان الاسترخاص
فبعد اذنكم بدل ما نقعد نتجادل علي شي والعالم يتفرج ويضحك علينا ( ودي حقيقة زي محنا بنخش علي منتديات اجنبية عشان العلم بالشي مش من المستحيل انك تلاقي اجانب بتتفرج علي منتدياتنا )
جملة عجبتني يعتبر في كل السيرفس اللي قريبتة من اول هوندا لسوزي للكواساكي
هتلاقوها في سيكشن الموتور والترانسميشن
بما يفيد
انك لما تيجي تعمل صيانة داخلية للموتور يستحسن انك تعمل صيانة كاملة للموتور من الداخل لانك بكدة بترجع الموتور للمواصفات اللي الموتور الجديد بيبقي بيها فبالتالي بيبقي خالي من المشاكل قدر لا باس به من الوقت
[mtohg=undefined]http://www.nileup.com//uploads/images/s6906c8f95f.jpg[/mtohg]إِنَّا لِلّهِ وَإِنَّا إِلَيْهِ رَاجِعونَ
رقم العضوية : 41971
تاريخ التسجيل : 06Jun2009
المشاركات : 3,465
النوع : ذكر
الاقامة : heliopolis
السيارة: ......
السيارة[2]: sieena
دراجة بخارية: no
الحالة :
بصراحة
الله ينور
شرح وافى علمى و متبحر
يارب نقرا و نفهم و نستوعب
تحياتى ليك....
يا رب لك الحمد ، يارب نسألك من فضلك ،يا واحد يا احد يا حنان يا منان
رقم العضوية : 136150
تاريخ التسجيل : 08Mar2013
المشاركات : 35
النوع : ذكر
الاقامة : cairo
السيارة: لايوجد
السيارة[2]: __
دراجة بخارية: zzr400
الحالة :
تسلم يااستاذ بيدو كلامك كله مظبوط بس علي فكرة في في مصر صنايعية مالهاش حل انا شغال في تستا وتوني وبيتعمل عندنا شغل من اعلي مستوي بالنسبة للسبايك والكرنكات بس طبعا بعد ده كله محتاج ميكانيكي يفنش صح طبعا لآن احنا عندنا مابنقفلش وبالنسبة للأسعار بيتهيألي مافيش ميكانيكي هايجي عندنا هههههههه بس اللي عايز يريح دماغه ويعمل حاجة صح اكيد هايصرف وبجد موضوع جامد تسلم ايدك
رقم العضوية : 80023
تاريخ التسجيل : 12Sep2010
المشاركات : 2,142
النوع : ذكر
الاقامة : بورسعيد
السيارة: نفسى اجيب هورنت 600
السيارة[2]: honda
دراجة بخارية: cb400
الحالة :
عبد الله
الف شكر جدا ليك كتير على الموضوع الجميل ده
وحشتنا يا عم
محمد مصطفى
رقم العضوية : 44407
تاريخ التسجيل : 03Aug2009
المشاركات : 2,440
النوع : ذكر
الاقامة : الكويت
السيارة: cbr 600 rr
السيارة[2]: cbr 250 r
دراجة بخارية: honda
الحالة :
طب المحركات لاستيراد ايه رايك فيها ولا انت وحظك
[shr71=http://im67.gulfup.com/kmfq5O.jpg]cbr 600rr 2013 this is my bick[/shr71]
لا تعتمد كثيرا على أحد فى هذه الدنيا فحتى ظلك يتخلى عنك فى الظلام
رقم العضوية : 85218
تاريخ التسجيل : 08Jan2011
المشاركات : 1,280
النوع : ذكر
الاقامة : cairo
السيارة: سيات
السيارة[2]: سيات ابيزة
دراجة بخارية: هوندا استيد٤٠٠
الحالة :
رقم العضوية : 29966
تاريخ التسجيل : 13Jan2009
المشاركات : 4,256
النوع : ذكر
الاقامة : اسكندريه
السيارة: HONDA CBR1000RR 2008
السيارة[2]: 318i BMW
دراجة بخارية: honda cbr1000rr 2008
الحالة :
تحياتى على المجهود الرائع
رقم العضوية : 111738
تاريخ التسجيل : 29Aug2011
المشاركات : 376
النوع : ذكر
الاقامة : فلسطين
السيارة: BJAJA CC200
السيارة[2]: Hyundai Verna 2004
دراجة بخارية: R6 2002 بعتها
الحالة :
موضوع رائع والمكن الحالل لا وحش ولا حاجه بالعكس لو الميكانيكي الي عمله بيفهم والخامات تمام يبقي مفيش
مشكلة واقل مثال بص علي دول برا بيعملو العمرة المكنة بترجع احسن من اول .
ومش كل افراج افراج لانه الاجانب برضو برفعو بالمكن وبطلعو عينه اكتر من عندنا وبعدها برموه واحنا بناخذه مبسوطين عليه وبنقول افراج وهو طالع عين امه
رقم العضوية : 71349
تاريخ التسجيل : 23May2010
المشاركات : 2,023
النوع : انثى
الاقامة : https://t.me/pump_upp
السيارة: 81568619391
السيارة[2]: ?? ??? ????
دراجة بخارية: Honda CB400 Super Four
الحالة :
هايل يابيدو شكلك هتجيب رجلنا تانى للمنتدى ,, بالرغم ان الواحد قرف من كل حاجة
انا رأيى ان الصنايعى هو كل حاجة .. هو اللى يعملك شغل حلو وهو اللى عارف افضل انواع الخامات
https://t.me/pump_upp
رقم العضوية : 113766
تاريخ التسجيل : 22Sep2011
المشاركات : 152
النوع : ذكر
الاقامة : mansoura
السيارة: honda
السيارة[2]: daewoo
دراجة بخارية: HONDA
الحالة :
يا باشا محدش قال خالص ان المكن الحالل وحش البيتقال انك متشتريش مكنة معمرة ليه عشان خاطر الكلام الى انت قولته ان محدش بيعمر صح فا حضرتك فى كلامك اثبتلنا اننا فعلا مينفعش نشترى مكن معمر من مصر يعنى فى الاخر رجعنا لنقطة الصفر المشكلة برضو متحلتش بس بجد شكرا على الاستفادة انا الصراحة فى حالجات كتير عن العمرة مكنتش اعرفها زى موضوع المفاتيح دى انا عارف ان المسامير ليها ربطة معينة بس معرفش البرطة دى تتعمل ازاى ياريت لو توضحلى موضوع المفاتيح دى و تيجى منين و هل تنفع لحل و تركيب كل المواتير ولا ايه بظبط اتمنى توضحلى النقطة دى اكتر
المفضلات