السلام عليكم
كنت بعمل عمره للماتور لكن البطارية اتركنت فترة طويلة ومفهاش شحن ممكن اعرف طريقة تغيير ماء البطارية مع العلم انها جديدة
عرض للطباعة
السلام عليكم
كنت بعمل عمره للماتور لكن البطارية اتركنت فترة طويلة ومفهاش شحن ممكن اعرف طريقة تغيير ماء البطارية مع العلم انها جديدة
لازم توديها لكهربائى يغير المايه ويشحنها وربنا يستر ما تكنش جاب ربع لان ركنها بالمايه بيبوظها
فعلاً كلام الاستاذ aldesha989 صح ... البطاريات السايلة لو اتركنت من اسبوعين ل 3 اسابيع ممكن يا تنام بس ولما تزق العربية وتدور وتشحن تانى ممكن تشتغل تانى وممكن لو اتركنت ممكن تجيب ربع لانه حصل معايا نفس الموضوع ... سعادتك قدامك حل من الاتنين :
1- ياتروح لواحد بتاع بطاريات يغيرلك الميه ويشحنهالك وهتكلفك فى حدود 5 جنيه وده افضل حل
2- تشترى زجاجة ماء مقطر من بتوع الكماليات ( ماء للبطارية ) وتفك المسامير اللى موجودة على وش البطارية وتفضى المياه اللى فيها كلها بس خلى بالك متلمسش المياه دى عشان ماء نار هتحرق ايدك وبعد ما تفضيها تملاها بالمياه الجديدة اللى انت اشتريتها وتسيبها نص ساعة او ساعة تشحن وبعدين تركب البطارية فى العربية ولو مدارتش اديها زقة بس عشان الدينامو يشحنها من تانى وان شاء الله تبقى كويسة
طيب ممكن تقلي ازاي افضيها عشان عايز اشلها من غير استخدام يعني عايز اخزنها
لو انت هتتركها فتره كبيره تانى دون استخدام حاول تبيعها افضل .
وديتها للمحل وقلي هشحنهالك ولو مش هتتشحن هرجعها للضمان واشوف هتصرف ازاي لكن بامانت الله السائلة احسن ولا الجافه
بالنسبالى الجافة احسن بمراحل بالنسبة لإنى مش بمشى بالعربية كتير وحركتي بيها قليلة وممكن اركنها بالاسبوع وال 10 ايام مدورهاش ولو السايلة راكبة معايا بالمنظر ده هتكون جابت ربع وباظت على طول انما الجافة فى الحوارات دى زى الفل وده احلى حاجة فيها انما السايلة عاوزة واحد بيتحرك دايما باستمرار على طول وهتفضل تمام معاه بشرط يكون الدينامو تمام وكويس وفى نفس الوقت بتتابع على المياه بتاعتها كل فترة عشان البطارية تفضل تمام على طول معاك وعلى فكرة ارخص من الجافة .
الجافه افضل فعلا .............................
والسفضل للتاكسى والميكروباص لانها بتتحمل الشحن المتواصل