-
سيارة مسروقة
السلام عليكم جميعا و كل سنة و انتم طيبين
انا بقالي ييجي اسبوع شايف عربية راكنة تحت البيت عندي نوعها تويوتا كريسيدا موديل تقريبا 86 او 87
ببص عليها دلوقتي لقيتها متنفضة من جوا و الكاسيت و تقريبا مكسور الحتة اللي تحت الدركسيون و مفيهاش نمر انا شاكك انها مسروقة بفكر اكلم البوليس دلوقتي و ابلغ لاني سالت تقريبا معظم الناس اللي ساكنين حوالية محدش عارف دي بتاعت مين بس الدنيا اتاخرت و انا عايز انام لان عندي شغل الصبح بدري فبفكر اكلم البوليس اول ما ارجع انشاء الله بكرة عشان لو عملوا محضر او اي حاجة معايا لو حد يعرف ايه التصرف غير كده ياريت يقولي و جزاكم و جزانا الله كل خير و ربنا يستها معانا جميعا
______________________________
تم نسخ المشاركات للموضوع المخصص
مثبت: ¤-¤-¤ ســيــارات مــشـكــوك فــي امــرهـا (عمرو راشد) ¤-¤-¤ (http://www.nilemotors.net/Nile/image.../multipage.gif 1 2 3 ... الصفحة الأخيرة)
الإدارة
و سيتم غلق الموضوع هنا
برجاء المتابعة في الموضوع المثبت
وشكرا
مشرف القســــــــم العـــــــــــــــــام
-
-
استاذ هاني ..
صديق ليا قبل كدة إتسرقت سيارته من أمام النادي الأهلي و بعد أسبوع لقوها مع الحرامي في ميدان الرماية !
القصة كانت إن الحرامي بعد ما سرق عربية صاحبي لقي قدامه عربية تانية أحسن فا زبطها .. و ساب عربية صاحبي مرمية ناحية الرماية أسبوع .. بعد كدة راح ياخدها عشان تتفك و تتباع قطع زي أختها .. البطارية كانت نامت لأنها قديمة .. واحد يعرف صاحبي و كان عارف إن العربية إتسرقت لقي الراجل ده فاتح الكبوت وواقف جنبها .. عرف العربية من النمر .. قام ماسك في الراجل و الحمد لله كان معاه قرايبه مسكوا الحرامي كتفوه لحد ما صاحبي و البوليس جم و العربية رجعت .
لذلك لا تتردد إنك تبلغ حتي لو طلعت بتاعة حد حواليك في الأخر بس تبقي خلصت ضميرك ممكن تكون بتاعة حد و دايخ عليها دلوقت .. ما أصل إحنا في مجتمع ما يعلم بيه الا ربنا
و أحييك علي شهامتك .
-
ياريت تبلغ زمان صاحبها بيلف ويدور حوالين نفسه
-
انا لسه مكلم النجدة دلوقتي خدوا بياناتي و بيقولوا حييجوا
-
Content Relevant URLs by
vBSEO 3.6.0 PL2