ان شاء الله بسيطة .. فداك كل شيء .. قدر الله وماشاء فعل
عرض للطباعة
ان شاء الله بسيطة .. فداك كل شيء .. قدر الله وماشاء فعل
لو بتتكلم عن الكارتيرة اللي تحت الاكصدام اللي بتطربت في الصدر من تحت ب 4 مسامير و بتعشق في الاكصدام بكلبسات دي اساسة هدفها حماية الريدياتير و السربنتينات من حصاوي الطريق.....
اسمها كارتيرة ... و ممكن الاستغناء عنها او تفصيلها فيبر .... متشغلش بالك
اما لو قصدك الخط الاسود اللي بيركب تحت الاكصدام ولازق فيه و باين كأنه حتة من الاكصدام فده كان ب 115...ده كاسح اكصدام
متشكر جدا استاذ ابراهيم يعنى المفروض اجيب الكاسح دا وبعدين الكارتير دا بيركب فية من تحت كمان صح كدا ولا انا فاهم غلط انا قصدى البتاع الاسود دا اللى بيركب تحت الاكصدام بنفس الشكل بتاع الاكصدام
الف سلا مة عليييك واللى ييجى فى الريش بقشيش صحتك بالدنيا
دى كساحة اكصدام دى بتركب فى الاكصدام ملهاش دعوة بالكارتيره كبر دماغك منها دلوقت موجوده فى الحرافين 85 جنيه وكنت هجبها بس قولت بلاش لانها معرضه للتكسير على طول عشان المطبات انا كنت عامل كساحات عتب مفيش يومين وشكرا طمنى الماتور اخباره ايه يارب يكون خير
متشكر جدا ع سؤالك عليا وانك حابب تطمن انا كنت داخل اطمنكم الحمد لله لسه جاى من عند السمكرى وودتها الصبح فكينا كل حاجة واكتشفت اللى حصل بالظبط ف الحادثة
الخبطة جات ف صدر العربية من تحت والصدر اتعوج ودخل لجوة فخبط ف فلتر الزيت لقيت الفلتر مشروخ كدا ومتنى والحمد لله من النظر باين ان مفيش حاجة جات ناحية الموتور خالص وزيت البور وقع عشان قاعدة ماسورة اتعوجت فوقعت الزيت وعملتها الحمد لله وفكيت السربنيتة والردياتير وهعملهم باذن الله واقف ع المواسير بس وهجيب فلتر زيت واحط الزيت واجرب ان شاء الله لو لحقت اعمل الحاجات دى النهاردة وجربت هدخل اطمنكم دارت ولا لا
بس ف كلمة حق لازم تتقال انا بشكر ا شركة اسبرانزا جدا جدا جدا عشان اللى بيقول الصينى ورق
لسه شايف حادثة مشابهه ع التلفزيون امبارح لصحفى دخل ف عمود برضة والعربية اتحطمت واتعور ودخل المشتشفى لكن مع اسبرانزا الحمد لله الخبطة موصلتش حتى للموتور الحمد لله الحمد لله انى اشتريت العربية دى السمكرى وهوا بيشتغل فيها بيقولى دى عاملة زى الدبابة بجد ياجماعه هوا اللى قالى كدا قالى بتتعبى اوى ف الشغل عشان صاجها تقيل اوى وجامد
لسه جاى من عند الكهربائى وخلصنا كل حاجة التكييف والردياتير والباور وشيكنا ع كل حاجة جيت ادور سمعت تكة كدا ومدارتش للاسف جبت الغيار الرابع وزقيت العربية مطلعتش قدام معنى كدا الموتور قفش ودا حاجة كنت متوقعها لان الزيت نزل كلة مرة واحدة هو والمياة فاكيد عمود الكرنك ريح ع السبايك وهوا درجة حرارتة عالية جدا مع عدم وجود زيت كمان فساحوا فبعض اعتقد دا سبب القفش هكشف علية يوم السبت وربنا يجيبها ع قد السبايك
بس ياجماعه الحمد لله انا مش زعلان ولا هشتم العربية عشان بعد ارادة ربنا هيا عملت اللى عليها وحمتنى من شر تصادم كبير كان ممكن يحصلى حاجة فالحمد لله ع كل شىء وان شاء الله هوافيكم بالاخبار هل هتبقى سبايك ولا هيكون كل الموتور قفش ف بعضة ربنا يستر
ف حاجة كمان انا بفكر معاكوا انا بعد الحادثة مباشرة جيت ادور مادرتش نفس الموضوع بالظبط وفعلا انا كدا معملتش حاجة انا غيرت الحاجات اللى اتكسرت بس لكن ايه السبب ف عدم دورانها بعد الحادث مباشرة لو كان الموتور قافش مكنش لحق يقفش بعد الخبطة مباشرة لان كان لسه فية شويه زيت ف المكنة ومياة وبعد الخبطة مدرش فانا بفكر ان ممكن يكون الموتور مقفش اصلا زى ما الفنى بيقول لانها بالظبط وكانى بطلت العربية فالزيت نزل ف الكرتيرة ما دا اصلا الوضع الطبيعى والعربية ممشتش عليها وهيا مفيهاش زيت فممكن يكون من الخبطة الموتور اتهزر من مكانة لامتصاص الصدمة وف اى عمود اتعوج مع نقل الحركة او حاجة دأرت ف حاجة فالمارش مش قادر يلف الحدافة ربنا يسهل بكرة هيبان كل حاجة بس قولت افكر معاكوا لانها بعد الخبطة مدرتش برضة واستحالة يكون الموتور قفش لحظة الخبطة لان الزيت كان فية هوا والمياة
الف حمد الله علي سلامتك
ياريت لو حد يقدر يفيدى يكون عندة 516 او ام 11 يجيب العربية ع الرابع ويحاول يزقها ويشوف هتتحرك معاة ولا لا بس يجربها عملى ويقولى اتحركت ولا لا عشان اشوف دا وضع غريب عندى ولا طبيعى ومنها اقدر احدد المشكلة ان شاء الله
ربنا معاك .. ويعينك .
وصلت وفين طمنى عليك عملت ايه ان شاء الله خير
اية الاخبار يا باشا وصلت لاية
أ. أشرف
اسبوع فات وماقولتلناش عملت ايه ولا طمنتنا عليك؟
متشكر جدا ياجماعه ع سؤالكم عليا واهتمامكم ودا العشم برضة من الناس المحترمين امثالكم
معلش مقدرتش اتواصل معاكم اليومين اللى فاتوا لانى اتبهدلت جامد بعد ما جربت كل المحاولات الموتور مش بيتحرك برضة اضطريت اروح لميكانيكى عشان يشوف قالى سير الكاتينة احتمال خلف من الخبطة فقالى افتح الغطاء البلاستك دا وابص علية بس الحمد لله لقاه تمام مش خالف ولا حاجة ساعتها اتاكدت ان الموتور قافش وبالفعل فتحت الكرتيرة بتاعت الزيت لقى السبايك بتاعت البيل سايحة خالص فشالهم ولف العمود بايدة لف والحمد لله رحت جبت السبايك لقيت كل اللى ف السوق شمال المفروض بيبقى يمين وشمال عشان الزنبة اتبهدلت وف الاخر ملقتش برضة فقالى هاتهم وانا هعمل الزنبة دى بايدى وجبتهم وعملهم فعلا وركب السبايك والحمد لله دورت الموتور دار الحمد لله كان العربية زيرو بفضل الله وسحبها تمام بس طبعا كان فية رايش ف الزيت كتير فصفيتة وحطيتة وهغيرة النهاردة تانى وكمان اسبوع هغيرة كمان مرة عشان اغسل الموتور
انا اسف انى اتاخرت عليكوا بس انا بخرج من شغلى ع 5 وبروح الف مع الميكانيكى والطلبات وبرجع بليل تعبان فمقدرتش ادخل الايام اللى فاتت وان شاء الله كل جديد سنوافيكم بية باذن الله
طمنتنا ياباشا والحمدلله انها جت على قد كدة ربنا يسترها معاك ومع الجميع
ان شاء الله ترجع احسن من الاول
اليكم اخر الاخبار رجت النهاردة للسمكرى تانى عشان يظبطلى الاكصدام والكبوت والقفل بتاع الكبوت بس للاسف اكتشفت انة ملوش لازمة عشان رحت بعدها مباشرة للفرن عشان ابدا برش العربية فك كلة تانى وقالى العربية هتاخد يومين شغل وهستلمها السبت ان شاء الله و دى كان اخر حاجة وصلتلها ربنا يسهل
اخبار الموتور عملت فيه ايه
الحمد لله الموتور تمام طلعت السبايك واخدة خبطة من عمود الكرنك نتيجة التوقف المفاجى مع سرعه العربية فغيرت السبايك والحمد لله الموتور اشتغل تمام بس ف حاجة صغيرة فية نقطة زيت بلقيها كل يومين كدا ع الفلتر وغيرتة ونفس المشكلة اعتقد دى من الكولر بتاع الزيت اللى فوق الفلتر لان اكيد اما الفلتر اتخبطت هوا اتهز مهاة فممكن الجوان اللى فوق حصل فرق بسيط فبيهرب لكن شىء لايذكر نقطة كدا كل يوم بس ان شاء الله اما اخلص الرش وكل العربية الحاجات البسيطة دى بعد كدا ان شاء الله
السبايك طقم كامل مع طقم الكرنك الاتنين بيتباعوا سوا حتى لو مش عاوز بتوع الكرنك انا طبعا مكنتش عايزهم بس هما طقم سوا كان ب 175 اصلى اخو اللى كان راكب والميكانيكى عشان كان شغال ف العربية فكينا كذا حاجة اخد مصنعية 250 جنية و25 سيلكون
تم بفضل الله رش الكبوت والاكصدام والسدر الامامى والحمد لله اللون طلع مظبوط لانة صعب رمادى غامق فكنت خايف انة ميطلعش زى الفبريكة ويبان بس الحمد لله طلع تمام والموضوع اتكلف 450 جنية بالبوية
الحمد لله تم بفضل الله الانتهاء من السيارة اليوم ركبت الفبرة بتاعه الاكصدام وفوانبس الشبورة بالشبك بتاعها وكاسح الاكصدام باقى علامة اسبرانزا هركبها بعد المغرب ان شاء الله
الله يبارك فيك هوجن باشا
الميكانيكى اللى اشتغل فيها اما كنت موديهالة لقيتة شغال ف اوبترا يعنى شغال ف كلة وهوا ماشاء الله علية فنان وطبعا السبايك مش بتحتاج تغير الجوان الجوان فوق عند البساتم من فوق لكن السبايك اللى باظت بتاعت الكونكتج رود connecting rod او البيلى الاسم العامى اللى هوا الدراع اللى ماسك البساتم وماسك ف الكرنك فهوا بيفك الكرتيرة بتاعت الزيت من تحت ويفك السبايك من تحت ويغيرها بدون فتح الموتور لكن لو كان احتاج يغير بتوع الكرنك كمان كان فك الموتور كلة لانة لازم يشيل العمود لكن بتاعت البيل سهلة مساكير وتتفك وتتغير بس غيرهم وبعدين حط سيلكون ع الكرتيرة وربطها تانى بسيطة جدا بس عاوزة فنان عشان موضوع الخلوص
انا عاوز احط زيت شيل لان سمعت هنا انك جربتة وطلع افضل من موبل فعاوز اعرف اسمة بالظبط ورقمة اللى حضرتك جبتة وكان كام الف عشان انا عاوز 3 الاف بس
يعنى فية زيت شل 3000 ولا كلة 10000 وياريت الاسم والنوع بالظبط لو فية ل 3000 عشان عاوز اجرب شل
اللي اعرفه
ايوه في شل 3000 وتقريبا لونه اصفر
ومناسب للمحر كات ذات العمر القديم
الخفيفه يعني
سعره تقريبا في حدود 70 او 80
حمد الله علي السلامه
اولا ...من عنوان الموضوع و الذي بدأ بحمد الله و من تصفحي للموضوع و ملاحظتي لصبرك و سعه صدرك وتقبلك لقضاء الله ...احب اهنيك و اقولك انك وصلت لاهم حقيقه كونيه ..انةقضاء الله نافذ وان عطاياه قابله للرد فاذا قدر ان ياخذ احد عطاياه فقليل لو كانت تلك العطيه اموالا او سياره
ثانيا ...خروجك بخير هو اهم شئ ..ومن عملي كطبيب احب اقولك ان طول ما البني ادم بخير ..فمش مهم اي شئ
ثالثا ...انا متأكد ان ربنا هيعوضك خيرا ان شاء الله
الف مبروك ياباشا على رجوع السيارة بالسلامة وربنا يجعلها اخر الاحزان
طيب مفيش شل 3000 مناسب للمحركات الجديدة زى ام 11 الموتور لسه يادوب 11 الف ينفع احط فية الزيت دا ولا مينفعش