الحمد لله العربية عملت حادثة m11

**AMRSPEED** · 16-08-2013 10:35 PM

بص ياباشا مترحش لعيسى ولا تعمل مقايسه ولا حاجه ومتقلقش لو عملتها بره مش هتطلع من الضمان لأن هما مش هيعرفو لكن لو عملتها عندكو وحصل حاجه بعد كده فى الماتور هيقولك كنت عامل حادثه ويطلعه من الضمان
انا من المنصوره
اولا هتروح لميكانيكى اسمه ابراهيم عند مساكن المينا بعد قهوه الأنس على طول ده كويس جدا خليه يبص على الماتور وهو هيقولك فيه حاجه ولا لا بعد كده تطلع على العفشجى تشوف حصل ايه وتعمله
وقطع الغيار هتشتريها من الحسنيه
ولو فى اى حاجه كلمنى واقولك تعمل ايه بالظبط

**M I D O** · 16-08-2013 10:48 PM

حمدالله علي سلامتك انت اهم و ازاي العربية عامت امال ال abs بيعمل اية ولا انت كنت قريب من المطب قبل الفرامل واخدتة وانت مفرمل ولا حصل اية بالظبط وكنت ماشي علي سرعة كام تقريبا وقتها

**ashrafmahmoud93** · 16-08-2013 10:57 PM

استاذ عمرو الميكانيكى دا متخصص ف اسبرانزا لان دايرة زيت الباور الزيت وقع كلة يعنى فيها مشكلة فلازم يكون حافظ اسبرانزا عشان دى حاجات حساسة

**monamize4** · 16-08-2013 11:43 PM

الحمد لله ع سلامة حضرتك و فداك اى حاجة طالما انت سليم
و ان شاء الله الموتور يكون سليم ,, اعتقد ان الزيت دا بسبب كسر كارتيرة الزيت

بس غريب ان العربية زحفت رغم وجود ال abs و عومت رغم وجود ال ebd ,, حتى لو كان فى رمل
حمد لله ع سلامة حضرتك مرة تانية

**M I D O** · 16-08-2013 11:49 PM

المشاركة الأصلية كتبت بواسطة ashrafmahmoud93

استاذ عمرو شكرا جدا لاهتمامك وان شاء الله هتصل بيك واعرف منك كل حاجة وان شاء الله نكون اصدقاء
الاخ ميدو انا كنت ماشى تقريبا فوق ال 80 ومكنتش واخد بالى من المطب فاخدتة العجل اتزحلق عشان كان فية حصو زى البلى كدا ع الطريق العجل تقربا اتزحلق فحود الدركسيون ومعتش اقدرت اسيطر ع العربية

امال ال abs و ebd بيعملو اية ولما ضغط فرامل جامد سمعت صوت عالي في العربية ودواسة الفرامل كانت بتتهز ولا لا لان لو ال abs عطلان وانت في الضمان يبقي عيب صناعة وهما يلبسوها

**M I D O** · 16-08-2013 11:50 PM

المشاركة الأصلية كتبت بواسطة monamize4

الحمد لله ع سلامة حضرتك و فداك اى حاجة طالما انت سليم
و ان شاء الله الموتور يكون سليم ,, اعتقد ان الزيت دا بسبب كسر كارتيرة الزيت

بس غريب ان العربية زحفت رغم وجود ال abs و عومت رغم وجود ال ebd ,, حتى لو كان فى رمل
حمد لله ع سلامة حضرتك مرة تانية

انا برضو مستغرب جدا ازاي مشتغلوش

**Elawany13** · 17-08-2013 12:36 AM

حمد اللع على سلامتك
قدر الله وماشاء فعل
ابقى خد بالك من سرعتك الزائده
وربنا ينتقم من اللى بيعملوا مطبات فى كل حته

**monamize4** · 17-08-2013 02:15 AM

المشاركة الأصلية كتبت بواسطة m i d o

لو ال abs عطلان وانت في الضمان يبقي عيب صناعة وهما يلبسوها

عارف يا باشا ,,
انت كنت عايز اقول كدة برضه بش مرضتش لسببين
الاول ,,
ان انا مشوفتش الحادثة بعينى و معرفش ظروفها بالظبط
التانى ,,
عشان صاحب الموضوع ما يتعلقش بأمل و يتعب نفسه و ممكن ف الاخر مياخدش حاجة

**M I D O** · 17-08-2013 04:48 AM

المشاركة الأصلية كتبت بواسطة monamize4

عارف يا باشا ,,
انت كنت عايز اقول كدة برضه بش مرضتش لسببين
الاول ,,
ان انا مشوفتش الحادثة بعينى و معرفش ظروفها بالظبط
التانى ,,
عشان صاحب الموضوع ما يتعلقش بأمل و يتعب نفسه و ممكن ف الاخر مياخدش حاجة

اتفق معاك في نقطة التعلق بالامل دي وانا مش قصدي اعلقة بامل ولا حاجة بس لو فعلا دة الي حصل يبقي حقة وهوة كدة كدة مش خسران حاجة لو جرب ممكن تتصلح علي حساب التوكيل ببلاش ولو مرضيوش هوة كدة كدة كان هيشيلها لوحدة مش هيخسر حاجة

الموضوع: الحمد لله العربية عملت حادثة m11

LinkBack

أدوات الموضوع

عرض

-

-

-

-

-

-

-

المواضيع المتشابهه

بعد اقل من شهر الحمد لله عملت حادثة !!

الحمد لله عملت حادثة

الحمد لله على كل حال . عملت حادثة

الحمد لله - عملت حادثة

عملت حادثة الحمد لله

الكلمات الدلالية لهذا الموضوع

المفضلات

المفضلات

ضوابط المشاركة