مشكلة فرامل يد باسات 2007 fsi

السلام عليكم ورحمة الله ..

من إسبوعين بحمد وفضل الله إشتريت عربيه تانيه جمب الاوبل .. باسات FSI 2007 ماشيه 82 الف كيلو الحمدلله مفيهاش حاجه وعربيه جميله جدا وحكايه على الطريق ..

اخدتها وسافرت بيها مطروح .. وانا داخل القريه لقيت صفاره ومكتوب PARKING BRAKE FAULT وعلامة فى التابلوه (P) وعليها علامة cross .. ولمبة الهاند بريك (!) بتنور تطفي وصفاره طول مانتا ماشي ..

وقفتها اشوف فيه ايه لقيت زرار الهاند بريك بدوس عليه مش شغال .. والصفاره برضه شغاله مش بتطفي طول مانتا ماشي بالعربيه

حد عنده فكره عن المشكله دي وايه حلها .. لأني كنت مستلم العربيه زرار الهاند بريك بتاعها شغال زي الفل ... ولما تدوس عليه تسمع صوت المكن وهو بيمسك فرامل من ورا وكل حاجه تمام ..!!

وكمان فيه ملحوظه تانيه ... العربيه بتسقف تسقيفه بسيطه اوى لما اقرص عليها .. ده ممكن يكون ايه ؟؟

بص ياباشا انا ماعرفش موضوع الفرامل دى مشكلتها ايه او علاجها ايه

انما التسقيفه البسيطه دى بسبب البنزين
انت بتحطلها 92
مافييش اى تاثير بسبب بنزين 92 الا لما بتقرص عيها كده بس انما لو مشيت بيها عادى مش هاتسمع التسقيفه دى
على العموم ماتقلقش مايأثرش على العربيه عادى
شويه و هاتتعود

قفشتك يابن عمي :) :p

الهاند مقدرش أفيدك والتسقيفة طبيعي بسبب البنزين أوكتين قليل

هو مافيش حاجه بتستخبي ولا مواخذه اليومين دول ليه كده :d

عموما انا هجرب احط octane booster مع التفويله ,,, او احط 95 و امري لله :'(

خلينا نشوف بس موضوع الهاند بريك ده عشان حارقلي اعصابي .... وكمان صفارته مزعجه جدا فوق ما تتخيل

كان عندي نفس المشكله وطلع فيشه مش ركبه كويس في الفرامل ال ورا وممكن يكون عيب في زرار الفرامل

شوف مستوي زيت الفرامل في الحوض اخبارة ابه وممكن يكون التيل خلاص خلص الأثنين بيدوا نفس التحذير

اقتباس:

---

المشاركة الأصلية كتبت بواسطة creative_art

هو مافيش حاجه بتستخبي ولا مواخذه اليومين دول ليه كده :d

عموما انا هجرب احط octane booster مع التفويله ,,, او احط 95 و امري لله :'(

خلينا نشوف بس موضوع الهاند بريك ده عشان حارقلي اعصابي .... وكمان صفارته مزعجه جدا فوق ما تتخيل

---

اوعى اوعى اوعى و اياك تحط البوستر بتاع الاوكتان مع الوقت بسبب تاكل مواسير البنزين و بيبهدل الرشاشات بتاع العربيه

معلش بعد إذنك لو ينفع تقولي جبتها بكام وكشفت عليها فين

لأني محتاج أجيب واحده ان شاء الله ومش عايز يتضحك عليا

بص يا باشا - الخلاصه فى موضوع الفرامل و دا موقف حصل معايا فعربيتى :) و طلع عينى - المشكله فى الزرار بتاع الفرامل اللى جنب مفتاح النور - دا عيب صناعه فيه و هات واحد جديد و المشكله هتنتهى ان شاء الله :) و بلاش لعب فى العربيه لأن نظام الفرامل الخلفى حساس و اللعب فيه بفلوس كتير حلوه :)

العيب ده على حد تقرير هو ان واير الفرامل معلق خفيف جدا مع تعليقة الزر الخاص بفك تعشيقة في الدراع .. التعليقة الخفيفة دي مخلية لكمبيوتر حاسس ان الواير مشدود .. مع العلم انه مش مشدود اوي
محتاج ترفع العربية علشن تتاكد من الكلام ده كويس .. ياريت تتأكد من الكلام ده في البداية قبل ما يبتدي اي حد يشتغل فيها
ان شاء الله بسيطه

بص علي زيت الفرامل اخبارة ايه