وهل سعره ب 8500 كويس ولا مبالغ فيه ؟[sor1]http://i.dbzstatic.com/images/user_images/2012/06/03/9423445_CP_photo.jpeg[/sor1]
عرض للطباعة
وهل سعره ب 8500 كويس ولا مبالغ فيه ؟[sor1]http://i.dbzstatic.com/images/user_images/2012/06/03/9423445_CP_photo.jpeg[/sor1]
ايه ؟ ما حدش عارف معلومات خالص عن الموتوسيكل ليفان ده
معلش يا جدعان انا لسه جديد فى الموتوسيكلات واول مره عايز اشترى بيك ؟؟؟؟؟؟http://87421a79fde09fda7e57-79445249...09c2/main.jpeg
بص أنا هقولك الخلاصة ..
أي موتوسيكل ريس صيني ما هو إلا عبارة عن موتوسيكل صيني عادي بس متركب عليه الفيبر عشان ياخد شكل الريس ..
الموتور اللى فيه هو نفس الموتور بتاع اي موتوسيكل صيني .. وإمكانياته ع الطريق هي نفس امكانيات اى موتوسيكل صيني ..
المشكلة بقى إن الفيبر معرض للكسر أو مكان المسامير بيفوّت من الفك والتركيب لما تيجي تنضفه أو تغير زيت او صيانة والخ الخ الخ .. تاني مشكلة إن الله أعلم هل الوكيل بتاعه ف مصر هيفضل مستمر ف السوق ولا ممكن يصفى اعماله وتحتاس بعد كده فى قطع الغيار .. وتالت مشكلة إن سعره بينزل جامد اوووي لما تعرضه للبيع كمستعمل ومش اي حد يشتريه منك زي الانواع الصيني العادية ... رابع مشكلة ان دي اول تجربة ليك ف عالم الموتوسيكلات ومنصحكش تجيب موتوسيكل غالي ف البداية .. انا ليا تجربة مع الموتوسيكل الصيني والحمدلله فشلت بأقل الخساير لإني جبت واحد بـ 4500 وبعته بـ 4000 بعد ما وقعت من فوقيه وأتعقدت منه وحسيت انه خطر ... فأنصحك تجيب موتوسيكل مستعمل فى حدود 2000 جنيه ومش مهم الشكل ولا المنظر .. ولما التجربة تنجح وتلاقي نفسك بالفعل محتاج موتوسيكل نضيف معاك طول الوقت تروح بايع الرخيص ده وتجيب الغالي وانتا واثق من نفسك وانتا بتاخد الخطوة دي ...
أنا بقولك الكلام ده من واقع تجربتي مع الموتوسيكلات وكمان من واقع اني بالفعل كنت عاوز اشتري الموديل ده اللى هو اساسا اسمه Jieda 24 وموتوره ليفان وبيتباع فى مدينة نصر .. بالتوفيق
mido .. أنا وقعت وقعة مهببة ومش عاوز أخوفك .. أنا أشتريت الموتوسيكل من واحد ف المقطم وانا اساسا من الهرم .. وكان معايا واحد صاحبي بيسوق موتوسيكلات خفيف يعني .. المهم وأنا بخلص العقد مع الراجل وبحاسبه ع الفلوس كان صاحبي ده راكب الموتوسيكل وبياخد عليه عشان نعرف نرجع بيه الهرم ..
المهم ركبت وراه وأتكلنا ع الله ومشينا .. للأسف الشديد وإحنا نازلين من المقطم وبالتحديد عند الهضبة الوسطى كان فى أدامنا منحنى حااااد جداااا ولازم ندخل يمين إجباااااري .. صاحبي أتلخم ومعرفش يلم الموتوسيكل ع الضيق وفقد السيطرة عليه ودخلنا ف الرصيف اللى ف وشنا وأتزحلق الموتوسيكل ع الرمل .. أنا طرت من فوق الموتوسيكل وأتدحرجت فوق الرصيف أما صاحبي وقع والموتوسيكل نام عليه ..
الإصابات كانت سحجات وكدمات فى دراعي اليمين .. كدمة فى كتفي الشمال عند الترقوة ولسه بتوجعني بقالها اكتر من أسبوعين .. وأتعورت ف صوابع رجلي الشمال ...
العبرة من الحادث .. لازم تكون بتسوق كويس اوووي أو تاخد معاك حد محترف سواقة .. ولو مفيش الأتنين يبقى ملعون أبوهم 100 ولا 200 جنيه وتاخد الموتوسيكل على عربية ربع نقل لحد البيت .. لإني دفعت حوالي 100 جنيه قطع غيار عشان اتكسر رفرف أمامي وجنبين وكمان مراية ده غير خبطة ف التانك ... أما بالنسبة للأفانجر فهو ممتاز لا جدال فيه .. بس أرجوك وديه البيت على عربية نقل أو تخلي واحد صاحبك محترف سواقة يوديه البيت .. وبلااااااااااااااااااااش تركب وراه أرجوك عشان الموضوع فعلا مش سهل لو دي أول مرة هتركب ورا واحد سايق موتوسيكل ...
احمد 14 ... أنا نفس حالك بالظبط لإني بعت عربيتي وقولت أجيب موتوسيكل أروح بيه الشغل بدل البهدلة فى الزحام بالعربية وكمان توفير للوقت والبنزين والبحث عن مكان أركن فيه عند الشغل ...
زي ما قولتلك قبل كده بلاش تبدأ بحاجة غالية لو دي أول مرة هتركب موتوسيكلات فيها لإن ممكن تجربتك معاها متكونش ناجحة وتتخنق من حجم المبلغ اللى دفعته .. أنا أتخنقت من تجربتي الشخصية وقررت لو هركب تاني يبقى أجيب موتوسيكل متواضع جدااا ومستعمل فى حدود 2000 جنيه لزوم اي مشوار ف منطقتي .. أو أجيب فيسبا مستعملة او سكوتر وهتبقى أفضل وأكتر امانا بكتيررررررر ...
نصيحة أخوية هات موتوسيكل مستعمل فى حدود 2000 جنيه وأركبه وأتمرن عليه وشوف الدنيا شكلها ايه .. لو عجبك الموضوع هتروح بايع الموتوسيكل ده ومش هتخسر فيه حاجة لإنه اساسا مش بفلوس مجرد فكة ... وتجيب بقى الموتوسيكل الجامد اللى نفسك فيه ... بلاش تبدأ بموتوسيكل غالي وكمان الهيكل بتاعه فيبر لو ده أول موتوسيكل وأول تجربة ليك .. صدقني هتتخنق اوووي لو وقعت بيه لا قدر الله والفيبر اتكسر أو اتشرخ وهو لسه ع الزيرو .. اللهم إني بلغت
ده اصلا المقطم صعب بالعربية ما بالك الموتسيكل الحمد الله على سلامتك والله انا هعيد النظر في الموضوع كله انا روحت اتفرجت عليه النهاردة علي الطبيعة و لقيت تقفيل غبور الصراحة مش كويس بس يعني ممكن تتغاضى عنه بس الموتسيكل اد الداهية و معرفش هعرف اتعلم عليه ولا لأ و معنديش حد يعلمني و غبور قالي معندوش نقل
الموتوسيكل اللى كان معايا هوجن 3 .. حجمه يعتبر متوسط .. وبالرغم من كده كنت بخاف منه وبعته عشان فقدت الأمل اني أجيب الشجاعة وأتعلم عليه .. مع العلم إن طولي 175 و وزني 90 بس فوق الموتوسيكل كنت بحس انى عامل زي الورقة اللى هتطير من قوة الموتوسيكل ...
أنصحك تجيب موتوسيكل حجمه صغير اللى هو "النحلة" وبيعمل مستعمل بين 1500 جنيه لـ 2500 جنيه .. حجمه ممتاز وصغير وسهل تتعلم عليه وكمان نفس قوة اي موتوسيكل تاني لإنه برضو 150 سي سي ومطلوب ف السوق لو فكرت تبيعه تاني ... ده مش هتحس بالقلق معاه وهتتعلم عليه كويس وهتاخد ثقة انك تجيب اى موديل اكبر بعد كده ..
الصراحة معنديش مجهود الف و ادور و اتعامل مع نوعية من البشر مختلفة و اصلا الله اعلم المكنة ممكن يكون معمول بيها اى مصيبة
انا هشوف طريقة اتعلم بيها الاول او اجيب الموتوسيكل على عربية نقل او اصرف نظر عن الموضوع
Start with Dayun 40
http://www.gzdayang.com/en/show_cms....lid=8&id=47734
OR
Bajaj Boxer
Ghabbour Auto