عرض للطباعة
:help:كل سنة وانتم طيبين يا شباب
وكل رمضان وانتم بخير
انا بس كان عندي سؤال انا لو جبيت ابيع عربيتي في رمضان كويس ولا لاء
وايه نظام الاسعار بتزيد في رمضان ولا بتقل
علشان انا سمعت ان رمضان بيبقي نهاية موسم
فانهاية الموسم بقي الاسعار فيه عالية ولا واطية
يا يا رجاله يا فاهمين في العربيات ويا شباب المنتدي السؤال صعب اوي كده
عادي جدا اظن مفيش فرق في السعر
ولو جايبالك سعر كويس اتكل على الله وبيع
بالتوفيق وكل سنه وانت طيب
مواسم بيع السيارات بقت عشوائية زيها زي أي حاجة تانية في مصر
يعني مفترض ان طول الفترة اللي فاتت موسم رواج ومع ذلك كان فيه كساد ما بعده كساد
فأنا رأيي انك تبتدي تسعى من دلوقتي مادام قررت تبيعها
ومادام انت حاطط لنفسك حد معين في السعر مش ناوي تنزل عنه، مفيش حد هايجبرك تبيع بأقل منه
وإن شاء الله يحسن لك بيعها
الموضوع عشوائي سوق البيع و الشرا هنا ملوش مواسم كله ماشي ! لو جايبالك سعر بيع
انا معاكم ان الموضوع عشوائي..
بس رمضان حالة خاصة..
ييفضل تستني خالص لبعد رمضان..
السوق بيبقي نايم جدا.. تقريبا محدش بيبيع ولا يشتري..
و محدش كتير بينزل بعربيات يبيعها ولا يشتري ف الفترة دي..
استني لبعد العيد باسبوع كده و بعدين ابدأ تنزل بيها بقي..
و ربنا يوفقك ف البيع ان شاء الله..