هوهدا سيفيك طبعا ملهاش حل موتور وجيربوكس روعه ده غير شكلها الفضائى وثباتها
..mokhtar..
عرض للطباعة
هوهدا سيفيك طبعا ملهاش حل موتور وجيربوكس روعه ده غير شكلها الفضائى وثباتها
..mokhtar..
هوندا سيفك طبعا طبعا يا باشا
السيفك الجديدة دي فئة تانية لواحدها خالص
دي تتقارن بعربية ألماني
ما ينفعش تتقارن بموديل ياباني تاني
معرفش والله انا شايف ان الكورولا من الامام و الجانب مش وحشه
هي اه وحشه من ورا و لازم يتصرفوا في اي حاجه من ورا بس بردك ورا بيقى مقبول مع الالوان الغامقه
و من الداخل تقليديه بس اكثرهم تكنولوجيا
لو لازم واحده فى دول يبقى
Lancer Ex
التويوتا اصل اليابانى
أي حد يقلك غير الهوند سيفيك يبقي مشفهاااااااااااش ولا ركبهااااش
السلام عليكم
انا جديد في المنتدي لكن معجب به جدا و بالناس الحلوة اللي فيه
انا عملت المقارنة دي من شهرين مع صاحبي و النتيجة انه جاب فولكس جيتا 2009 خليجي من ناشيونال موتورز :driving:
بس رأيي بالنسبة للتلاتة موضوع المقارنة ( بالتفكير مش بالمشاعر ) الأتي:
اللانسر ( مش بحب شكلها ) علي الرغم من الموتور 1500 لكن الفرق من الـ 1600 مش كتير أفضل عشان :
- بتبيع و مطلوبة في السوق
- صالونها واسع ( مش الأوسع )
- عالية عن الأرض
- كماليتها أكتر ( زي الزميل ما قال من زينون و سبويلر و كاسيت و خلافه )
- قطع غيارها أرخص و لسة حترخص أكتر عشان العربية بتنتشر جامد
- محدش اشتكي قبل كدة من لانسر ( علي قدر علمي والله أعلم )
- الميزة الغريبة اللي في اللانسر أن كل التجار بيستوردوها عشان مطلوبة ده = قطع غيار اسهل و صيانة أسهل و كمان كماليات متباينة من مستورد للتاني يعني خيارات أوسع في الشراء
الكورولا تصنيع جنوب افريقيا زي ما احنا عارفين اكيد هي كويسة بس بدايتها عيب الفتيس المشهور و متعرفش فيه ايه بعد كدة
الهوندا ( بحب شكلها جدا ) جودة عالية جدا بس واطية جددددددددا علي الأرض ( عن تجربة ) و شنطتها مش الأوسع و كمان كماليتها أقل ( حتي الكاسيت سماعات أدام بس ) و سعر اعادة البيع ؟
في النهاية أحب أضيف خيار رابع ( عن تجربة )
( مازدا 3 ايرو أو سبورت ) عربية تحفة و جودة عالية جدا جدا بمستوي الهوندا و مميزة عشان مش أي حد بيشتريها بس ابتدت الناس تعرفها و تطلبها و برة في أوروبا بتتقارن ب الجيتا و كماليتها كتير و أهم حاجة سونستا متبنيها و عاوز يعمل لنفسه كيان كبير بها يعني حيعتني بها
عيبها أن الصالون أضيق من اللانسر شوية و شنطتها كبيرة بس فتحتها ضيقة و هي مش بعلو اللانسر بس مش واطية زي الهوندا لو النقاط دي متفرقش معك حتكون اختيار كويس
أسف علي الأطالة بس اتمني أكون أفدت أي حد
Honda and nothing but Honda