السلام عليكم
رمضان كريم
أنا يا جماعة رايح الصين كمان كام شهر كده أنا و واحد صاحبي
و هنقعد هناك لمدة شهر سياحة
فعايز أي معلومات لو أي حد راح قبل كده ؟ الحياة هناك ؟
و طبعا هعملكم بث حي من هناك لكل العربيات الصيني و غيرها :) :)
و كل سنة و انتم طيبين
عرض للطباعة
السلام عليكم
رمضان كريم
أنا يا جماعة رايح الصين كمان كام شهر كده أنا و واحد صاحبي
و هنقعد هناك لمدة شهر سياحة
فعايز أي معلومات لو أي حد راح قبل كده ؟ الحياة هناك ؟
و طبعا هعملكم بث حي من هناك لكل العربيات الصيني و غيرها :) :)
و كل سنة و انتم طيبين
هههههههههههه
الصين يا باشمهندس !!! :laugh6:
طب هتتسيحو فين هناك ؟ ... مفيش غير السور الطويل ده و كام معبد كده بيلعبوا فيه يوجا ... :sifone:
عموماً نتمنى لكم زيارة موفقة ... و متشتريش حاجة من هناك ... هنا هتلاقى كل حاجة و أرخص كمان من هناك :biggrin24:
لو بتسال عن حاجة معينة بالتحديد قوللي لأني ليا زمايل كتير سافروا
بس الشكوى المشتركة هناك منهم كلهم على اختلاف أذواقهم وصفاتهم هي الأكل
حتى مطاعم الأكل السريعة الامريكية هناك بيقولوا أكلها أسوأ ما يمكن
وكلهم ماشاء الله رجعوا من هناك خسرانين كتير من وزنهم :)
في موقع رائع إسمه virtual tourist كل مبسافر حته بدخل على البلد اللي عايزها هتلاقي كل حاجة ممكن تحتاج تعرفها.
بص يا باشا
انا روحت مدينة هناك اسمها shenzhen بينها و بين هونج كونج حوالي ساعة
ماعتقدش ان دي اللي هتروحها لانها بلد صناعية بحتة بس ده مايمنعش ان ارخص electronics عندهم و هدوم في البلد دي
عملة الصين اسمها يوان والجنيه تقريبا ب يوان و ربع
ماتخدش فلوس غير من بنك لان الفلوس المزورة هناك كتيييييير جدا
مش هتعرف تاكل الا سمك او في مطعم اسلامي
باختصار في الشهر ده هتخس من 10 ل 15 ك انت و شطارتك :)
لو في حاجة معينة عايز تسأل عليها , تحت امرك يا مان
ياراجل .ههههههههههههه واحشني و الله يا ميزااقتباس:
عموماً نتمنى لكم زيارة موفقة ... و متشتريش حاجة من هناك ... هنا هتلاقى كل حاجة و أرخص كمان من هناك
ألف شكر ياباشا علي المعلوماتاقتباس:
بص يا باشا
انا روحت مدينة هناك اسمها shenzhen بينها و بين هونج كونج حوالي ساعة
ماعتقدش ان دي اللي هتروحها لانها بلد صناعية بحتة بس ده مايمنعش ان ارخص electronics عندهم و هدوم في البلد دي
عملة الصين اسمها يوان والجنيه تقريبا ب يوان و ربع
ماتخدش فلوس غير من بنك لان الفلوس المزورة هناك كتيييييير جدا
مش هتعرف تاكل الا سمك او في مطعم اسلامي
باختصار في الشهر ده هتخس من 10 ل 15 ك انت و شطارتك :)
لو في حاجة معينة عايز تسأل عليها , تحت امرك يا مان
بس كان ليا شوية أسئلة
هل أجيب مترجم معايا ولا مش مهم (أصله مكلف أوي)ولا هعرف أسد بالانجليزي
و هناك المفروض يكون معايا كام يوان يعني :) يعني الاسعار هناك زي الجنيه عندنا
اخدلي 100 يوان كده و انزل هناك :)
و أفضل شركة طيران فيها ذهاب و عودة عشان مصر للطيران طلع عندها ذهاب بس للصين
شوف يا مان مبدئيا تروح و ترجع بالسلامة
لي أصدقاء كتير راحوا الصين بس كانوا رايحين لغرض تجاري
كلهم كانوا بيستأجروا مترجمين طبعا لأن الصينيين لا يتكلمون الانجليزية
بس لو بتسألني عن رأيي في السياحة يبقى تايلاند يا مان
حاجة كده و لا في الخيال
عموما ربنا يوفقك و ترجع بالسلامة
لا انا رحت شرم الشيخ جنبها علي طول :d:d:d اروح الصين مين لا يمكن يحصل ابدا :d:d:d
فى موقع اسمه www.travel.maktoob.com
ده منتدى المسافرون العرب للرحلات هتلاقى عليه كل ما يتعلق بالسياحه اقامه مواصلات فسح اكل زيارات كلحاجه ولكل انحاء العالم حتى لموزمبيق هيفيدك كتير ومتبقاش تنسانا بتقاريرك عن العربيات الصينى وتوكتوك صينى بس اقل من 1600 عشان الجمارك
..mokhtar..
عايز تروح سياحه بغرض ايه...يعني سياحه تجاريه
ولا سياحه صناعيه
ولا سياحه ترفيهيه
ولا سياحه استرخاء
حدد
عندك شنغهاي تجاري
وشنجن صناعي
وجوانجو برضه تجاري
استرخاء عندك داليان او ماكاو
المطاعم السريعه منتشرة جدا واكلها طازة اكتر من اللي هنا ميت مره بس في حاله ماكدونالدز عندهم سندوتشات لحم خنزير وعندهم بقري فانت اللي تحدد
والمطاعم الاسلاميه متنطورة هنا وهناك اللي تلاقى مكتوب عليها باللغه الارديه الشبيهه للعربيه واسعارها كويسه
الفنادق خش في ابو نجمه لابو تلات نجوم لان مستواهم عالي جدا وحاول تزنق في فندق قريب من سنتر البلد عشان التاكسيات غاليه والباصات مش حتعرف تلم الدور فيها خالص
بس اولا واخيرا عند نزولك لازم تغير دولار بيوان في المطار وتشتري خريطه بالانجليزي والصيني
حدد عايز تسأل في ايه تاني وانا اقولك اللي اعرفه