الموضوع: رحلتي من رفح الى القاهره بالسياره 17/8/2013

حمد لله على السلامة ..

المشاركة الأصلية كتبت بواسطة fourseasons

يا عم حمد الله على السلامة.للعلم كل الطرق ديه كده تقلق .

انا كنت روحت شرم الشيخ بعد الثورة بالضبط وكان الطريق يقلق ومنحنيات وساعات كتير تلاقى نفسك ماشى لوحدك فى الصحراء ولا حد قدامك ولا وراك وربنا سترها برضوا و كان فى كمائن جيش كتير و تفتيش

الله يسلمك . هو فعلا الطرق دي تقلق خصوصا لو لا قدر الله حصلك عطل .

المشاركة الأصلية كتبت بواسطة hugan

مشيت عليه مره واحده ايام مبارك 2004
كان رائع بس فين كانت الدنيا رايقه
وكوبري السلام شغال
روحت رفح خلصت مشواري ورجعت اتغديت سمك في ا لعريش
والرجوع كا ن سهل
انما الان الواحد يخاف يمشي عليه مفيش امان

القلق مش في الامان بالعكس المنطقه والحمدلله ماتسمعش عنها اي حوادث تثبيت بغرض السرقه .

المشاركة الأصلية كتبت بواسطة janagabr

حمدا لله علي سلامتكبصراحة انت قلبك جامد قوي في الرحلة ده
ده وانا بقرا الموضوع من اوله كنت قلقان عليك وبقول يارب يرجع سليم بعربيته

الله يسلمك . الحكايه مش قلب جامد لكن المضطر يركب الصعب

المشاركة الأصلية كتبت بواسطة mohammed dodda

طبعا حمدا لله على سلامتك وانا من عشاق استكشاف الطرق اللى من النوع ده :) لكن بصراحة انا لا افقه شئ فى استخدام البرامج اللى حضرتك ذكرتها ومكنتش متخيل انها بتشتغل فى مصر وفى سيناء كمان بدون تشويش عليها لدواعى امنية مثلا...وهل البرامج دى على الموبايلات فقط ولا فيه اجهزة خاصة للخرائط والتتبع فقط؟....حضرتك مقولتش بالمناسبة الرحلة دى بالفلوانس ولا اللانسر ؟

الله يسلمك
البرامج دي ماليه الدنيا بس مشكلتها ان فيه منها انواع الخرايط في اماكن زي دي مش بتكون مفصله . وبرنامج MAP اللي بينزل في السامسونج رائع جدا برضوا .
الرحله كانت بالفلوانس

المشاركة الأصلية كتبت بواسطة ahmed_adham

المفروض تبعت جواب شكر لشركه sygic بس المهم تكون نسخه البرنامج أصليه :d

والله ياباشا الشكر موصول بس ماليش عين ابعته لان النسخه مش اصليه

المشاركة الأصلية كتبت بواسطة S O P H O S

الحمد الله انك وصلت ّ

الله يسلمك ياغالي

المشاركة الأصلية كتبت بواسطة yousefsemsem

مشيت عليه قبل 30/6 بس طريق جامد ورجعت يوم 26 لان وانا بعدي الكوبري قالولي في الكمين انه هيتقفل يوم 26 بس وانا راجع رجعت علي معديه سربيوم علي طول ماطلعتش الكوبري بس طرق مالهاش حل الخوف بس انها مش امان لكن اللي طمني ان اروح العريش اني مش لوحدي في عربيات معايا

فعلا بتلاقي في كل وقت عربيات كتير معاك على الطريق