الموضوع: سؤال هام بخصوص فوكاس 2012

السلام عليكم

الصراحه انا كنت بقارن بين استرا وبين الفوكس ومش عارف انهي احسن انا الفورد عجباني جدا من حيث الشكل والامكانيات (بتكلم طبعا عن التيتايوم) والاسترا مش عجباني اوي من جوه علشان شبه الكروز اللى كانت معايا فى حاجات كتير بس الحاجه الوحيده اللى خايف عليها من الفوكس هو الفتيس البارو شيفت بالرغم من ان كذا واحد شكرلى فى العربيه وفى الفتيس مع العلم انه مضايق من النتشه بتاعته واستاذ محمد فوزي ربنا يكرمه صدعته ساعه بسؤالى عنها والراجل متأخرش وقارنلى كمان بينها وبين الاسترا بس هو عامل بالعربيه كيلوات مش كتير بردو فعايز اسأل:
1- هل فعلا فى مشاكل فنيه فى فتيس العربيه دي حد واجهته هنا فى مصر او حد بره اتكلم عنها لاني مش متابع الفورم بتاعه بره.
2- سعر الفتيس ده فى التوكيل وسعره كام استيراد (ده اذا لقدر الله والفتيس طار).
3- هل فعلا اسعار التوكيل بقت خرافيه زي مثلا تيل الفرامل ابو 1200 جنيه ده ؟ (اخر علم عندي اسعار التوكيل بتاعه استاذ محمد فوزي بس فى واحد لقيته عامل موضوع بيقول ان التيل بقي ب 1200 جنيه)
4- اخيرا بقي حد عنده اي عربيه كسر زيرو عايز يبيعها او يعرف اي حد عايز يبيع العربيه دي وحالتها كويسه؟

معلش انا اسف طولت عليكو بس كنت عايز اعرف كل حاجه لاني يوم مشتري باذن الله هتقعد معايا ده اذا لو محصلش حوادث لقدر الله على الاقل 5 سنين علشان طبعا ال resale بتاعها وحش اوي فمينفعش اشتري النهارده بالشئ الفلاني وابيعها كمان سنه واخسر فيها 20 الف جنيه على الاقل :( :( :(

السلام عليكم السياره الفورد فوكاس ممتازه وانا عندى سياره ببعه ود الاعلان بتعها
http://www.bezaat.com/egypt/dumyat/c...ÕäÚ/7109687

http://egypt.dubizzle.com/ar/cars/fo...WxzZSZwYWdlPTE=

http://www.contacars.com/usedcars_pr...?CarID=1332008

ولو عاوز كلامنى وانا تحت امرك فى اى استفسار عن السياره