الى عندة حل للخاربيش علشان انا هفرقع

**shshtawy** · 18-08-2013 11:06 AM

النهاردة الصبح قمت اشيل غطاء العربية واريح على الشغل لقيت طفل سبقنى وبسم الله مشاء الله موهوب بالرسم بغطا الحاجة الساقعة مسك ( الكازوزة ) وهاتك يارسم على كبوت العربية بس موهوب بسم الله مشاء الله عمل لوحة حرب اكتوبر على الكبوت
لوسمحتم ياجماعة لو فى حل للخربشة الى عمالها ابن الرفدى دا علشان العربية لسة زيرو وقلبى حاسس انة هينفجر من الغيظ

**hugan** · 18-08-2013 11:28 AM

لو الخرابيش ما وصلتش للبطانه بتاعت الدهان في حل انا عملته
عارف قلم الكريكتور
هاتشتري واحد
وتغسله كويس من الدوكو الابيض
وعند اي حد بتاع بويات دوكو
هاتشتر ي1/8 بويه فرن بلو ن العربيه
المهم الراجل بتاع الدوكو يكون عنده كمبيوتر متسجل عليه كود اللون بتاع العربيه
الكود بيكون موجود في الحوض مع رقم الشاسيه
الاسبرانزا فيها الكلام ده
وتملئي قلم الكريكتور باللون بتاعك
وتمشي علي الخرابيش
ان شاء الله تختفي ومش ها تشوفها الا لو دققت النظر فيها

**alsayedsabry** · 18-08-2013 01:16 PM

المشاركة الأصلية كتبت بواسطة shshtawy

مش عارف بس دا مش هيسيب اثر على هيئة الخرابيش ياعنى الى هيبس على العربية هيلاقى اللوحة مرسومة بس بلاسود
والله العظيم انا نفسى ابيع العربية واجيب اى عربية حقيرة امشى بيها فى البلد دى علشان الناس تستريح

قدر الله وما شاء فعل .... الحمد لله جرب اللى قالك عليه فى خربوش واحد وشوف النتيجة لو عجبتك كمل

**hugan** · 18-08-2013 01:27 PM

المشاركة الأصلية كتبت بواسطة shshtawy

مش عارف بس دا مش هيسيب اثر على هيئة الخرابيش ياعنى الى هيبس على العربية هيلاقى اللوحة مرسومة بس بلاسود
والله العظيم انا نفسى ابيع العربية واجيب اى عربية حقيرة امشى بيها فى البلد دى علشان الناس تستريح

يعني ده اقرب حل
بدل ما ترش كبوت في عربيه جديده وفابريكه بالكامل
وبعدين اللون هايكون نفس لون العربيه
ومع الشمس والغسيل مش ها تحس بفرق بين اللون الاصلي
والمناطق اللي فيها الخرابيش

**bondok20002002** · 18-08-2013 10:11 PM

ههههههه يا عيني والله نفس الي عندي لدرجة اني خلاااااااص مش طايق العربية من كده شوف كده لو نفع قولي واعملها معلش

**eng.m7md.ali** · 19-08-2013 03:28 AM

بسم الله ماشاء الله عليه باين عليه موهبة فزة

اهم حاجة الولد اتبسط

**D . a .\ AYMAN** · 25-08-2013 04:59 PM

المشاركة الأصلية كتبت بواسطة shshtawy

اجرب واحسبى الله ونعم الوكيل

ممكن كمان بعد ما تعمل كدة تقوم عامل الكبوت بكومبوند ... ووش بوليش للعربية عند أي حد بتاع دوكوا .. أو حتى إعملها بنفسك

كيس قطن وعلبة كومبوند وعلبة بولش

الكومبوند إستغلى وهات نوع نضيف وغالي من كارفور ولا حاجة يكون أمريكي أو ألماني .. وفايدته إنه بيسيل البوية على بعضها وبيخفي الفروق اللى بينها شوية

البوليش العلبة من أي بتاع بويات بخمسة جنيه عشان يدي لمعة للبوية اللى انت حطتها لأنها هاتكون مط مش بتلمع

وبإذن الله مش هاتلاقي أي فروق

وربنا يخلف عليك ويعوضك خيرا

**shshtawy** · 03-09-2013 12:19 PM

عملت كدا والله يادكتور والخدوش اختفت تماما
ولكن بعد مشورين فى الشمس والثالث لقيت الخدوش رجعت زى ماهى لدرجة انى افتكرت ان الواد الفنان رجع تانى
ممكن اجيب كاموبند من كافروفر زى ماحضرتك بتقول واجرب

-

-

الموضوع: الى عندة حل للخاربيش علشان انا هفرقع

LinkBack

أدوات الموضوع

عرض

الى عندة حل للخاربيش علشان انا هفرقع - انشر الموضوع فى :

-

-

-

-

-

-

المواضيع المتشابهه

حد عندة حل

يا ترى فى حد فى مصر عندة الشغل دة

ماحدش عندة شغل

حد عندة حل....((:

هفرقع من الغيظ من بطاريات ac delco

الكلمات الدلالية لهذا الموضوع

المفضلات

المفضلات

ضوابط المشاركة