50000 كم فى سنة ونص طبيعى ؟؟؟

السلام عليكم
انا معايا لانسر بومة 2012 هاف سبورت مصرى دى اول عربية ليا والحمدلله مبسوط بيها جدا
انا بس عندى مشكلة صغيرة ويارب متكونش مشكلة
طبيعة شغلى وكمان انى ساكن فى الشروق بتخلينى امشى بالعربية كتير اوى انا فى سنة ونص عامل 50000 كم
دة يأثر على سعر العربية اد ايه لو حبيت ابيعها مع العلم
ان العربية الحمدلله ماخرجتش برة التوكيل حتى خليتهم يركبولى الكاسيت الكينوود بدل التكنفير الصينى الى بينزل معاها ومظبطها من جوة جلد كراسى و ارضية
وطبعا كسنة اولى سواقة الرفارف مرشوشة وغيرت الاكصدامات فى التوكيل

ارجو الافادة
شكرا

طبعا الكيلومتر العالي بياثر في تمن العببيه و بيخوف الناس من شراؤها

كتير جدا جدا
بس عموما لو الطريق مفتوح مش اشارات العربيه بتستريح

اللى بيشترى مش حتفرق معاه ولا حيصدق موضوع طريق مفتوح ولا مقفول طالما العداد عامل كيلوات عالية بتقلل من سعر العربية طبعاً

الطبيعى رينج الـ 20 الف في السنة

وفي عربيات بتمشى 5000 و 10000 كيلو بس في السنة

*
1
2
3

عادى دا طالما انتا طبيعة شغلك كدة
وبعدين دلوقتى الناس مابتبصش للكلم العالى طالما العربية فعلا حالتها نضيفة
انا ليا واحد صاحبى كان معاه نيسان صنى وتقريبا بيعمل اكتر من 40000 فى السنة
وباعها بسعرها الطييعى لاى عربية نضيفة
فاطالما عربيتك نضيفه خلاص مفيش مشكلة

لو بتبيع لتاجر هينزل السعر علشان كده
انما لو شخص عادي بيدور علي عربية نظيفة هيكون التاثير قليل

طالما قدرك انك تسكن في مكان بعيد
يبقي ما باليد حيله
عموما اللي بيشتري مستعمل
خصوصا لو عربيه مطلوبه زي لانسر
بيهمه نضافه العربيه وانها سليمه
اكتر من حاله الموتور

حضرتك جايب عربية عشان تسوقها وتستمتع بيها ولا عشان تبيعها !!

يافندم اكيد بركب عربيتى عشان تخدمنى واستمتع بيها
ولكن الفلوس عامل كبير بيحكم لما تشترى عربية
اكيد عربيتى مش هتفضل معايا طول العمر وبطمح للاحسن
انا شايف ان قلقى على سعر اعادة البيع قلق طبيعى
بس لو قلقى مرضى اكيد كنت هركن عربيتى فى فاترينة

اقتباس:

---

المشاركة الأصلية كتبت بواسطة mohamed yousse

يافندم اكيد بركب عربيتى عشان تخدمنى واستمتع بيها
ولكن الفلوس عامل كبير بيحكم لما تشترى عربية
اكيد عربيتى مش هتفضل معايا طول العمر وبطمح للاحسن
انا شايف ان قلقى على سعر اعادة البيع قلق طبيعى
بس لو قلقى مرضى اكيد كنت هركن عربيتى فى فاترينة

---

عفوا يا باشا مش مرضي ولا حاجة
احنا كلنا كدة بنخاف عالعربية عشان ده فلوس ونحب لما نبيع نجيب فيها سعر كويس
بس قصدي أستمتع بعربيتك ومتشغلش دماغك بحاجة
وعلي فكرة الكيلو مش بيفرق جامد قد ما حالة العربية تفرق ... يعني لو كبس الموتور تمام والعربية دواخل سليمة وخوارج رشة نضافة يبقي ماجيبهاش ليه ؟
عربية عاملة جوة البلد في السنة 10,000 كم في السنة وكلها في زحمة وكل شوية فرامل وبنزين
ولا عربية ماشية عالسريع وعاملة في السنة 30,000 بس فرامل قليلة ! ... وعلي فكرة السرعة الثابتة للموتور أفضل
أهم حاجة صيانات في معادها ... بس
ممكن أوري لحضرتك لانوس عاملة 927,000 كم وكل اللي بتعمله هي الصيانة بس ! زيوت وفلاتر وسيور وتنضيف حساسات !

شكر جدا على الافادة
على فكرة هو دة الى كنت عايز افهمة ان الكيلومتر العالى مايفرقش لما تكون العربية نضيفة