الموضوع: ايه اخبار حظر التجول فى القاهرة؟

المشاركة الأصلية كتبت بواسطة rapid

ان شاء الله نازل القاهرة وكنت عايز اعرف حظر التجول بيكون فى الميادين والشوارع الهامة والرئيسية فقط ولا بيشمل كل الشوارع والمناطق والازقة والمقاهى فى الشوارع الفرعية؟

وهل فعلا فى قوات جيش اوشرطة بتراقب وتحاسب اللى بيكسر الحظر فى كل حتة ولا هما متمركزين فى اماكن محددة؟ رجاء الافادة ..

اقاربنا اللي نزلو اجازات عملو تقديم لمعاد العودة وقطعو اجازاتهم وسافرو
قاعدين في بيوتهم من الساعة 7 ومش عارفين يسافرو ولا يروحو مصيف ولا يتفسحو ولا حتي يزورو حد او حد يزورهم
نصيحة اجل الاجازة لأنها ح تبقي مش ممتعة الايام دي

المشاركة الأصلية كتبت بواسطة ahmedhilmy

الطرق الرئيسيه او القريبه او اللي عليها كتايب جيش او محطات وطنيه تعتبر مقفوله لغايه اول امبارح كان ممكن يبقي في تساهل جزئي من امبارح تشديد منقطع النظير امبارح علي التوستراد الساعه 8 و معايه زوجتي وبيني و بين بيتي نص كيلو الظابط رفض يعدينا و قللي ناموا في العربيه ل 6 الصبح
رجعت بضهري معلقش و مشيت عكس الاتجاه علي الاتوستراد و دخلت من شوارع المعادي الفرعيه مكنش في مشاكل لغايه ما روحت

المشاركة الأصلية كتبت بواسطة mamoud salah h

بص هو بالنسبة لشبرا مصر شارع شبرا ففي حوالي 3 كماين بداية من المظلات ولحد اول شبرا عند جزيرة بدران كدة وكل كمييين 4 مدرعات اتنين في كل اتجاه وتفتيش كامل للسيارة والركااب وكانوا بيععدوا بعد كدة دة بالنسبة لشارع شبرا من الخلفاوي لروض الفرج تتفتش وبعد كدة تعدي والكلام دة كان الساعة 12 بليل
انما في كماين في شارع احمد حلمي وقبل عبوود عند نادي اسكو 4 مدرعات علي حسب كلام ناس اعرفهم مفيش حد بيعدي خاالص بيرجعووك تاني

المشاركة الأصلية كتبت بواسطة benmatar

في الطراوة
وعلى حسب الاشخاص يعني منهم كمين يفوتها ومنها كمين يحسسك انك داخل تل ابيب وبرضه بتلف وتخش شارع فرعي وتعدي، العملية سايبة

المشاركة الأصلية كتبت بواسطة nona_yaris

اقاربنا اللي نزلو اجازات عملو تقديم لمعاد العودة وقطعو اجازاتهم وسافرو
قاعدين في بيوتهم من الساعة 7 ومش عارفين يسافرو ولا يروحو مصيف ولا يتفسحو ولا حتي يزورو حد او حد يزورهم
نصيحة اجل الاجازة لأنها ح تبقي مش ممتعة الايام دي

المشاركة الأصلية كتبت بواسطة horas3000

+1
اختي عملت كده للاسف
كفايه القلق اصلا
الحق اجازتك و شوف لك بلد تانيه

شكرا جزيلا ليكم يا جماعة كتر خيركم وانا فى مصر يعنى بسال على اساس انى من محافظة تانية والمصلحة قضيت والحمد لله وربنا يصلح احوالنا جميعا يا رب