السلام عليكم . سؤال ل ملاك نيسان صني شكل قديم 2013

السلام عليكم ورحمة الله وبركاته

بدية ادعو يا جماعة لمصر بالخير وان ربنا ينصر الحق ويزهق الباطل وان ربنا يسترها على البلد دي

سؤال بقا ... انا سمعت ان نيسان صني الشكل القديم موديل 2013 بتنزل من غير سماعات خلفية ومن غير طاسات في العجل !!!
مع ان اخوية شاري بردو اي اكس صالون 2007 وكان فيها سماعات خلفية وطاسات

طيب السؤال انا عاوز اتأكد من المعلومة دي الاول
ولو عاوز اركب سماعات خلفية في العربية .... ده بيخرجها من الضمان ولا لا ؟؟ وهل ليها مكان اصلا ووصلات وكده ولا بتتعمل ازاي ؟؟؟


انا اسف على الاطالة بس حابب استفسر من وحوش نيسان

العربية نازلة من غير سماعات خلفية بس على حسب ما اقالولى ان مكان السماعات موجود فى الصاج والسلوك جاهزة للتركيب يعنى انت هتخرم الرف بس تقريبا وعايز اقولك انى مركبتش حاجة والصوت زى الفل موضوع الضمان بقى مش عارف يعنى الله اعلم فى قصة الضمان ..طبعا العربية فيها طاسات هو الى قالك يقصد دلايات الى هى وارى العجل عشان يحمى العربية من الطين والكلام دة يبقى الاختلاف فى صنى 2013 عن 2012 الشكل القديم فى السماعت الخلفية والدلايات ومفك فى العدة كل دول فى 2012 مش فى 2013 بس كدة

اقتباس:

---

المشاركة الأصلية كتبت بواسطة asyl84

العربية نازلة من غير سماعات خلفية بس على حسب ما اقالولى ان مكان السماعات موجود فى الصاج والسلوك جاهزة للتركيب يعنى انت هتخرم الرف بس تقريبا وعايز اقولك انى مركبتش حاجة والصوت زى الفل موضوع الضمان بقى مش عارف يعنى الله اعلم فى قصة الضمان ..طبعا العربية فيها طاسات هو الى قالك يقصد دلايات الى هى وارى العجل عشان يحمى العربية من الطين والكلام دة يبقى الاختلاف فى صنى 2013 عن 2012 الشكل القديم فى السماعت الخلفية والدلايات ومفك فى العدة كل دول فى 2012 مش فى 2013 بس كدة

---

الله يبارك فيك يا كبير ... طمنتني
ومتشكر جدا

سوال هيا النيسان الشكل القديم 2013 بينزل معاها باركينج سنسر ولفرش جلد؟


شكرا

اقتباس:

---

المشاركة الأصلية كتبت بواسطة mohamedabo

سوال هيا النيسان الشكل القديم 2013 بينزل معاها باركينج سنسر ولفرش جلد؟


شكرا

---

بص يا باشا
انا لسه ما اشترتهاش بس اللي اعرقه ان ما فيهاش لا باركنج سنسور ولا فرش جلد

شكرا يا كبير


ممكن تقلي إياه أفضل مكان أحجذها فيه؟
أصلي مش عايز ادفع أوفربرايس ..


من فضلك لو تعرف قولي... زي مانت شايف الحياة صعبة اليومين دول ومش طالبة أفورة

اقتباس:

---

المشاركة الأصلية كتبت بواسطة MohamedAbo

سوال هيا النيسان الشكل القديم 2013 بينزل معاها باركينج سنسر ولفرش جلد؟


شكرا

---

وبعدين معاكم اسئلتكوا كترت :C_laugh[1]: بص ياسيدى انا هقولك وقت ما روحت اشتريها فى شهر يناير 2013 العربية كانت موجودة بافور برايس باسعار متفاوتة وكان السبع اعلاهم وكان بيركب سينسور وفرش جلد قال يعنى هو دة السبب فى الاوفر برايس عندة وكان بيوزع لسمير ريان وبالتالى كان بيبقى نفس السعر ونفس النمواصفات يعنى بسينسور وفرش ..انا معجبنيش الكلام وروحت معرض ناشيونال موتورز فى ميدان فينى بالدقى خدتها باقل اوفر برايس فى السوق انا اصلى لفيت كتير كان اوفر برايس حوالى 4000 او 5000 مش فاكر والاستلام بعد يومين او تلاتة وحمدت ربنا انى محجزتهاش واستنيت 3 شهور لانها بعد 3 شهور زادت وبقت بنفس سعر الاوفر برايس لكن انا على ما بسمع ان دلوقتى الحجز شهر واحد بس واعتقد شهر مش كتير واعتقد افضل حد اوتو ايجيبت روح الى فى شارع سوريا وياسلام لو روحت الى فى ابو رواش عشان الضغط هناك على خفيف لكن لو اكتر من شهر يبقى اسئل على سعرها فى ناشيونال موتورز ولو لسة هما اقل ناس بالاوفر برايس واتفقت معاهم خلاص .اسئل على مدير الفرع محمد او اشرف وقولهم فاكرين لؤى الى اشترى منكم الشكل القديم الفيرانى فرش بيج والتانية السودا ...متقلقش هيفتكرونى... قولهم هو الى هيجى يستلمها لانى زميلة فى الشغل ...بس كدة قول كدة واطلع اجرى متقلقش ههههههههه....هما عارفين انى رخم وبقلب فى العربية اكنها مستعملة ومابصدقش حد وعندى استعداد مستلمش العربية .... فهيخلوا بالهم اوى منك ..ولو احتجتنى فى اى حاجة قولى وعنيا ليك

اقتباس:

---

المشاركة الأصلية كتبت بواسطة asyl84

وبعدين معاكم اسئلتكوا كترت :c_laugh[1]: بص ياسيدى انا هقولك وقت ما روحت اشتريها فى شهر يناير 2013 العربية كانت موجودة بافور برايس باسعار متفاوتة وكان السبع اعلاهم وكان بيركب سينسور وفرش جلد قال يعنى هو دة السبب فى الاوفر برايس عندة وكان بيوزع لسمير ريان وبالتالى كان بيبقى نفس السعر ونفس النمواصفات يعنى بسينسور وفرش ..انا معجبنيش الكلام وروحت معرض ناشيونال موتورز فى ميدان فينى بالدقى خدتها باقل اوفر برايس فى السوق انا اصلى لفيت كتير كان اوفر برايس حوالى 4000 او 5000 مش فاكر والاستلام بعد يومين او تلاتة وحمدت ربنا انى محجزتهاش واستنيت 3 شهور لانها بعد 3 شهور زادت وبقت بنفس سعر الاوفر برايس لكن انا على ما بسمع ان دلوقتى الحجز شهر واحد بس واعتقد شهر مش كتير واعتقد افضل حد اوتو ايجيبت روح الى فى شارع سوريا وياسلام لو روحت الى فى ابو رواش عشان الضغط هناك على خفيف لكن لو اكتر من شهر يبقى اسئل على سعرها فى ناشيونال موتورز ولو لسة هما اقل ناس بالاوفر برايس واتفقت معاهم خلاص .اسئل على مدير الفرع محمد او اشرف وقولهم فاكرين لؤى الى اشترى منكم الشكل القديم الفيرانى فرش بيج والتانية السودا ...متقلقش هيفتكرونى... قولهم هو الى هيجى يستلمها لانى زميلة فى الشغل ...بس كدة قول كدة واطلع اجرى متقلقش ههههههههه....هما عارفين انى رخم وبقلب فى العربية اكنها مستعملة ومابصدقش حد وعندى استعداد مستلمش العربية .... فهيخلوا بالهم اوى منك ..ولو احتجتنى فى اى حاجة قولى وعنيا ليك

---

الله يكرمك يا رب ويبارك فيك
ممكن حضرتك تبعتلي تلفونك على الخاص
انا لسه هاحجزها واتمنى ساعت الاستلام تكون معايا ان شاء الله

شكرا يا باشا

اقتباس:

---

المشاركة الأصلية كتبت بواسطة dr.galileo

الله يكرمك يا رب ويبارك فيك
ممكن حضرتك تبعتلي تلفونك على الخاص
انا لسه هاحجزها واتمنى ساعت الاستلام تكون معايا ان شاء الله

شكرا يا باشا

---

حاضر هبعتلك رقمى على الخاص

انا سان صنى الشكل القديم ومن غير سماعات خلفيه ولكن محفور لها بالتابلوه ومجهزه بالسلك وبه صوت بس عاوز اجيب الغطاء الاصلى بتاع السماعات اللى بيبقى نازل فيها ده اجيبه منين؟؟؟؟؟؟؟؟؟؟؟؟؟؟