عجبتنى الريو جدا عن السيراتو ونازل اشترى بكرا يا ريت الافادة

**carfreak92** · 19-08-2013 01:01 AM

انا متشكر جدا لتفاعلك معايا يا mossbos وانا هدخل على كونتاكت دلوقتى اتفرج بردوا بس يا ريت حضرتك تقولى السعر كدا كتير ولا دا رينج طبيعى والفئة دى زيرو فعلا ب 148 الف ؟ مستنى رد حضرتك ومعلش تاعبك معايا

**mosboss** · 19-08-2013 01:12 AM

سعرها 146 الف توكيل للسيدان و 148 الف للتوكيل هاتش باك و بنسبة لمتوسط سعر كونتكت كارز فهي سعرها كويس لكن في احسن منها في السعر في ب120 الف زي الحالة الانت كاتبها بس عمله 20 الف كليو وكان في واحده نفس الحالة الانت كاتبها عمله 15 الف و 120 الف ففي احيانا حاجات سعرها ممتاز زي دي و في متوسط زي الانت كنت كاتبها وربنا يوفقك في اللي فيه الخير ونسيت حاجة الانت شوفته ده خليجي فلو عايز خليجي في واحده زي الانت كاتبها وعامله 13 الف برضو ب 125 الف وسعر الخليجي زيرو اقل من التوكيل حاجة بسيطة

**2CODE** · 19-08-2013 02:07 AM

متاخدش اي حاجة من كونتاكت كارز معظم اللي بيبقى مكتوب كدب

كان لي تجربة في 3 عربيات معروضة الناس تقول لك فبريكة برا وجوه وتروح تلاقي الكبوت واسع من مكانه كأن العربية عاملة حادثة !!!!!!!!!!!!!

وغيرها كتير يعني بتلاقي صاحب العربية هناك بيشعر لك في العربية وتروح تشوفها تلاقيها خربانه وغير اللي هو كاتب عليه خالص

ده طبيعي طبعاً كل واحد عايز يخفي عيوب عربيته اللي باعها علشانها فلو لقيت واحده ضامنها توكل على الله وسعرها حلو كده لان زي ما قلت لك العربية دي جديدة 148 الف جنية

**ah-elgendy** · 19-08-2013 02:21 AM

بعد اذنكم هو لما الواحد يشترى عربيه كسر زيرو و بتكون لسه فى الضمان بعد كده بيمكل هو الصيانات فى الضمان صح ؟ و لو صح بيروح فى التوكيل يعمل حاجه ولا مفيش اجراءات بتتعمل

**prooo** · 19-08-2013 06:27 AM

المشاركة الأصلية كتبت بواسطة carfreak92

مساء الخير عليكم جميعا

انا والله كنت رافع موضوع تسعير كيا سيراتو وانا اريح اشتريها صاحبها عمل حادثة بيها الجنب الشمال اطبق كله فمكنش ليا فيها نصيب

فلقيت كلام كتير عن الريو وانها عربية حلوة شكلا وموضوعا وانتشرت فى السوق ونجحت والاعلانات على النت كتير فحبيت اتفرج عليها

وفعلا نزلت شفت واحدة لونها اسود فرش كونياك هاتش باك هاى لاين 2013ماشية 13000 كيلو

جنط 17 شكله تحفة عليها كاملة كل حاجه عدا البصمة

وسعرها كان 129000 ومش راضى ينزل عن كدا

فيا ريت التسعير وهل السعر دا كويس ولا لا بس يا ريت الافادة فى اقرب وقت لانى هشتريها بكرا ان شاء الله ومتشكرين جدا

اولا ربنا يوفقك في اختيارك ...... ثانيا انا هنقبك تجربتي عشان معظم اللي رد على حضرتك مع احترامي ليهم كلهم مش عارفين اسعار السوق ..... ثالثا نخش في الموضوع
العربية كده غالية اوي على سعرها ده ... حضرتك العربية خليجي والزيرو منها دلوقتي ب 142 الف جنيه وممكن تجيبها ب 140 الف كمان اللي ب 148 الف دي الهاي لاين وكيل او التوب لاين خليجي والتوب لاين بتفرق عن الهاي لاين التكييف التاتش والفرش الجلد والبصمة ........
حضرتك انا لسه شاري في شهر مايو اللي فات كيا ريو سيدان هاي لاين خليجي عاملة 3 الاف كيلو ب 128 الف جنيه ومن معرض يعني السعر اللي حضرتك هتشتري بيه من وجهة نظري كتيير على الكيلو متر اللي هيا عاملاه من وجهة نظري العربية لو فابريكة بالكامل بره وجوه من غير اي خرابيش اخرها 122 الف جنيه ده لو حالتها نضيفة اما ال 129 حضرتك تجيب بيهم عربية ريو عدادها ميزيدش عن 5 الاف كيلو
ونصيحة منني متشتريهاش بالسعر ده وهوه كمان مش هيعرف يبعها عشان كده السعر عالي ... انت عارف لو العربية وكيل هقللك خدها لكن دي خليجي و كمان العربية هو اشترالها ضمان ولا لا
اصبر متشتريش والريو انتشرت جامد دلوقتي وهتلاقي عربيات كتيره حالتها احسن و سعرها اقل وماشية كيلوهات اقل ...
ونصيحة مني دور في الوسيط بس
وشكرا