صوت تزييق في المساعدين !!

**shark3040** · 18-08-2013 11:20 PM

السلام عليكم

أنا عندي مشكلة قارفاني من فترة في نيسان صني ومش عارف أخلص منها ألا وهي إن في صوت طقطقة من أدام عند المساعدين وأنا ماشي سلانسيه علي الأول ده وهي باردة أول ما أطلع بالعربيه الصبح وبعد ما اروح بيها مشوار كبير ٢٠ كيلو مثلا وامشي سلانسيه صوت الطقطقه يتقلب لتزييق وخصوصا في المطبات بتزيد جدا ومع لف الدريكسيون جربت أنزل و أضغط علي العربيه من أدام يمين وشمال والعربيه واقفه اسمع نفس صوت التزييق .

المهم روحت لعفشجي قالي المساعدين عاوزين يتغيرو فغيرت الاربعه ادام وورا وجيبت نوع كويس kyb ياباني المهم الصوت بردو ماراحش روحت لعفشجي تاني قالي بطاحات المساعدين غيرتهم ولكن الصوت لازال موجود وعديت عليه وخدتو يسمع الصوت وقعد بردو يضغط علي العدبية وحط ايده علي المساعدين وقالي الصوت منها بس انا بصراحه مش مصدقه المساعدين مبقالهومش اسبوعين راكبين.

ياريت لو حد حصلت معاه المشكله دي يفيدني أو يقولي ممكن أروح لمين عفشجي كويس مع العلم إني من بنها وشغلي في المعادي.

وشكرا لكم.

**Ahmed Amin** · 19-08-2013 12:18 AM

هوا حضرتك جبت المساعدين جديد ولا أستعمال ؟
لأن لو جديد يبيقي أكيد العيب والصوت مش منهم,, دي حاجة.
والحاجة التانية الصوت في الأساس اللي بتحكي عنه مش بيكون من المساعدين عشان تروح وتغيرهم..

الصوت اللي بتحكي عليه بيكون في الغالب من البيض اللي في المقصات وبعد كدا الجلب لما بتتاكل بعد كدا البطاحات, وممكن تبدأ بتربيط عفشة, بعد كدا تغير البيض وبعده الجلب أو معاه وبعده البطاحات بالترتيب كدا,,
بعد كدا تبدأ تفكر في تغير مساعدين,,

العفشجي البشمهندس الدكتور اللي أنت روحت له بدأت معاك العلاج من ورا لقدام.!!

**shark3040** · 19-08-2013 01:03 PM

المشاركة الأصلية كتبت بواسطة LeitoSR

هوا حضرتك جبت المساعدين جديد ولا أستعمال ؟
لأن لو جديد يبيقي أكيد العيب والصوت مش منهم,, دي حاجة.
والحاجة التانية الصوت في الأساس اللي بتحكي عنه مش بيكون من المساعدين عشان تروح وتغيرهم..

الصوت اللي بتحكي عليه بيكون في الغالب من البيض اللي في المقصات وبعد كدا الجلب لما بتتاكل بعد كدا البطاحات, وممكن تبدأ بتربيط عفشة, بعد كدا تغير البيض وبعده الجلب أو معاه وبعده البطاحات بالترتيب كدا,,
بعد كدا تبدأ تفكر في تغير مساعدين,,

العفشجي البشمهندس الدكتور اللي أنت روحت له بدأت معاك العلاج من ورا لقدام.!!

المساعدين جديد أدام وورا KYB وللأسف أنا روحت لاتنين عفشجيه مش واحد وماحدش منهم حل المشكله او حتي حدد ممكن تكون من ايه الاول قالي مساعدين وبطاحات غيرتهم والتاني قالي المساعدين الجداد فيهم مشكله

مش عارف بجد أعمل ايه انا محتار وجدا وللاسف ماعرفش عفشجي كويس ياريت لو تعرف حد تقولي أنا جربت النهارده اغسل العفشه والراجل اللي في المغسله قالي جلب المقصات مصدية اشحمهالك قولتله شحم يمكن تعمل حاجه وهجرب بالليل ان شاء الله وأنا مروح من الشغل المشكله اتحلت ولا لا وادعي معايا تكون اتحلت عشان انا خلاص هتجنن

**shark3040** · 19-08-2013 01:05 PM

المشاركة الأصلية كتبت بواسطة aldesha989

كان عندى نفس الاعراض دى بس كانت تربيط وتزيت العفشه وخصوصآ المقصات مش من المساعدين

والمساعدين اصلآ مش بتزيد المساعدين بتضرب بتهيئلى ومش بتزيق لان حتى لو كانت بتزيق فعلاجها التزيت

أنا اخدت بنصيحتك ورحت غسلت وزيت العشفة وهجربها بالليل ان شاء الله واقولوكو حصل ايه

**shark3040** · 19-08-2013 10:30 PM

للاسف المشكله لا تزال موجودة ياريت تدلوني علي عفشجي كويس يقدر يحدد المشكلة

**Ahmed Amin** · 20-08-2013 12:09 AM

المشاركة الأصلية كتبت بواسطة shark3040

المساعدين جديد أدام وورا kyb وللأسف أنا روحت لاتنين عفشجيه مش واحد وماحدش منهم حل المشكله او حتي حدد ممكن تكون من ايه الاول قالي مساعدين وبطاحات غيرتهم والتاني قالي المساعدين الجداد فيهم مشكله :copy of majd(4):

مش عارف بجد أعمل ايه انا محتار وجدا وللاسف ماعرفش عفشجي كويس ياريت لو تعرف حد تقولي أنا جربت النهارده اغسل العفشه والراجل اللي في المغسله قالي جلب المقصات مصدية اشحمهالك قولتله شحم يمكن تعمل حاجه وهجرب بالليل ان شاء الله وأنا مروح من الشغل المشكله اتحلت ولا لا وادعي معايا تكون اتحلت عشان انا خلاص هتجنن

هيا عربيتك موديل كام عشان تشحمها ؟ العربيات الجديدة مش بتتشحم, !!
دا عنوان ورشة كويسة في القاهرة عشان أنا مش منها كنت واخد رقهم من عضو محترم هنا أستاذ محمد جلجل عشان عجبني شغلها وأمانة الناس فيها
أسمها كول أير الرقم 0226202455
ممكن تبقي تكلمهم وتشوف أمتي ممكن تروح لهم يبصو لك علي العربية قبل ما يشتغلو فيها.

**shark3040** · 29-08-2013 07:15 PM

للإفادة المشكلة كانت في بيض الدريكسيون واتغيرت الصوت قل بس كان لسه موجود بعد كده اتزيتو ما بقاش في صوت خالص

**Ahmed Amin** · 29-08-2013 08:04 PM

المشاركة الأصلية كتبت بواسطة shark3040

للإفادة المشكلة كانت في بيض الدريكسيون واتغيرت الصوت قل بس كان لسه موجود بعد كده اتزيتو ما بقاش في صوت خالص

ألف مبروك علي حل المشكلة, وشكراً علي الأفادة.

والصوت طلع من البيض أهو زي ما قلت لك في أول مشاركة مش من المساعدين,

المهم أنت عملته عند الورشة اللي قلت لك عليها ولا عند مين,؟
ولو هما أيه رأيك في معاملتهم وكان الفني اللي هناك هوا الراجل السوري ولا واحد تاني؟
وجبت البيض بكام ولا هما اللي جابوة, وأخد مصنعية ووقت قد أيه,؟