في حد هنا أكل من مطعم ومبي !

**Y a r i s** · 19-08-2013 01:23 PM

فى حد هنا اكل من ومبى
ومبي سلسلة مطاعم بريطانية للوجبات السريعة، تعتبر من أوائل المطاعم اللي فتحت فروع بره بلدها، بدأت في بريطانيا سنة ١٩٣١ وقعدت تنتشر فيها لغاية ١٩٥٣ وقررت إنها تطلع للعالم وتبقى مطاعم international وفتحت في اليابان وكذا بلد لغاية ما جت مصر والمغرب في نفس السنة وهي ١٩٧١م - وقفلت سنة١٩٩٨م

الذكريات اللطيفة مع ومبي إنه كان متخصص في الهامبرجر، وكان لسه شيء جديد محدش ياكله وقتها إلا الناس الهاي أوي فلما حسام حسن جاب الجون الشهير في الجزائر سنة ١٩٨٩م طلعت شائعات إنهم هايخلوه يفطر ويتغدى ويتعشى هامبرجر من ومبي
الصورة اللي انتو شافينها كانت دعاية للمطعم في الصحف سنة ١٩٨٦م

@@@@@@
وتحياتي

للامانة المهنية : الموضوع منقول من
صفحة كلاسيكيات
على الفيس بوك .

**A.Saad** · 19-08-2013 01:59 PM

ومبى ............. زمان

**Y a r i s** · 19-08-2013 02:31 PM

هههههه ... عليا النعمة كل ما اعدي في شارع جامعة الدول ناصية ومبي.... واشوف دجاج تيكا وكنتاكي وهارديز اتحسر واقول اااااايه الله يرحمك يا عم ونبي. فين ايامك وفين لياليك

لا وشوف الاسعار ربع مييييييييه وخمسسسسسسسين قرش هههههه
الله يرحمك يا ستي لمن ابويا اقلها خدت العيال وغديناهم في ونبي. قالت لو ليه يا ابني حررررام. مفيش انضف من اكل البيت حتى اللحمة. متعرفش القطط والفيران الي دبحينها ههههه. ... ولا الورقة الي كان بيحطلك فيها السندويتشات. ... حتى كوبايت البيبسي كولا بالزبط بالزبط حجمها قد حجم كوبايت المية البلاستيك بتاعت المستشفيات ... هااايه ايام

بس هو ليه اختفى ونبي من مصر .

**A.Saad** · 19-08-2013 04:01 PM

الصورة الاولى مكتوب عليها فتكات وانت للامانة كاتب انها من الفيس

**Y a r i s** · 19-08-2013 04:46 PM

المشاركة الأصلية كتبت بواسطة A.Saad

الصورة الاولى مكتوب عليها فتكات وانت للامانة كاتب انها من الفيس

هههه ماهو فتكات دي برضو كلاسيكيات

مستلف الصورة من امو عمار ههههه لا ياباشا هو فعلاً انا ناقلوا من بوست على الفيس بوك ... وتلاقي الادمنه. عضوة فتوكة نشطة او فتوكة شطورة ولا حاجة ... وهكذا تتداول المعلومات عن ومبي في فضاء الانترنيت الشاسع . ... وتحياتي

**SAMEH_FOUAD** · 19-08-2013 05:15 PM

طبعا ويمبى كان فاتح عندنا فى ميدان لاظوغلى , فرع جاااااااااامد , كنت كل اسبوع لازم اخد بابا اخلية يأكلنى هناك

كان الساندويتش ب3 جنية او ب 4 جنية حاجة زي كدة

والله كان فظيع , وطعمة جميل جدااا

**Gelgel2004** · 19-08-2013 08:51 PM

الله يرحم الايام دى
زوكريات بقى
كنت بزوغ من الكليه انا و صحلبى و نروح ناكل عندو مع الزميلات :)

للتوضيح فقط
بيف برجر لحم برجر
تشيكن برجر -= برجر فراخ.
فيش برجر = برجر سمك

همبرجر = هام برجر = برجر من لحم الخنزير

و ارجو اننا نصحح للجميع اسمها بيف برجر موش همبرجىر
الف شكر للموضوع

-

-

الموضوع: في حد هنا أكل من مطعم ومبي !

LinkBack

أدوات الموضوع

عرض

في حد هنا أكل من مطعم ومبي ! - انشر الموضوع فى :

-

-

-

-

-

المواضيع المتشابهه

محتاج مساعدتكم ونبي ياجاماعة شرخ عند المساعد الخلفي فيات 128 مرفق صورة توضيع

بخصوص شراء فيات 132 ضروري ونبي ياجماعة

ونبي حد يرد في الموضوع دا

ونبي حد يبعت الفيديو ده للمنتخب أو لجميع الأندية في مصر علشان يتعلمو يعني إيه كورة صح

سبت شغلي عشان أشارك .. ونبي ما تشردوني في الشارع

الكلمات الدلالية لهذا الموضوع

المفضلات

المفضلات

ضوابط المشاركة