انهي احسن وليه

**m_newyork** · 19-08-2013 04:20 PM

[justify]

السلام عليكم ورحمة الله وبركاته اما بعد اخواني في ظل الظروف التي تمر بها البلاد ونتمني ان يصلح الله من شأن مصر بأذن الله اود اخواني اعرف ما هيا الفروق وانا اعلم ان كل سيارة ليس لها علاقه بالاخره اولا :رينو لوجان اتوماتيك ثانيا : فيات جراند بنتوا اول فئه مانيوال ثالثا : اسبرانزا انفي مانيوال فول ابشن رابعا: اسبرانزا تيجو وجميع السيارت زيرو موديل السنه اود معرفه المواصفات الفنيه لكل سيارة والسعر وكما اود ان عرف انهي احسن من حيث توافر قطع الغيار و التوكيل والمعامله معه ولا يهمني غلوا قطع الغيار او سعر اعاده البيع كل ما يهمني هو سيارة يعتمد عليه وياربت يكون فيه تركيز ف المواصفات وانا اسف وطلب اخير ياربت كل من يدخل الي هذا الموضع يكتب رد ممكن الرد دا يفدني لاني كتير كتبت مواضيغ ومش بلاقي رد ومش بستفاد وعلي فكره انا هنا لما بدخل بعمل موضع مش بيكون ليا انا بس لا في ناس اعرفها بتيجي تسالني وللاسف في ناس كتير اوي لحد الان مش بتعرف تدخل علي الكمبيوتر وانا بكون سبب ف انهم يشترو سيارة كويسه واسف للا طاله

[/justify]

**m_newyork** · 19-08-2013 05:12 PM

يعني 5 مشاهدات ومفيش اي تعليق اشكرم بجد ولو انتوا حبين اني الغي عضويتي من هنا اوكي بس انا حابب اننا كلنا نستفيد

**aliabdo** · 19-08-2013 05:24 PM

بص يا ريس انا و صحبى اشترينا مع بعض فى نفس الوقت هو اشترى لوجان اوتو ان اكنت حاجز ستيب واى بس غيرت و اشتريت جراند بونتو منيول
الجراند بامانه احسن بكتر تقفيل انضف كتيرررر عوامل امان 2 ايرباج و اى بى اس و اي بى دي
استهلام الجراند احسن بكتير من اللوجان الشكل الداخلى و الخارج احسن
صيانه الجراند كل 10 الف الصيانه اسعارها معقولها بس التوكيل مش قوى عموما التوكيل رايح للفطيم خلاص
فكك من الصيني طالما تقدر تشترى حاجه تانيه كويسه

و ربنا يوفقك للى فيه الخير

**aboamina** · 19-08-2013 05:44 PM

المشاركة الأصلية كتبت بواسطة m_newyork

يعني 5 مشاهدات ومفيش اي تعليق اشكرم بجد ولو انتوا حبين اني الغي عضويتي من هنا اوكي بس انا حابب اننا كلنا نستفيد

أولا انا واحد من الاعضاء اللي دخلت وشوفت الموضوع وفعلا معنديش رد لأسالتك لأني ماركبتش ولا عربية من العربيات المراد المقارنة بينها وأكيد زيي زي أعضاء كتير ما بحبش افتي في اللي ما اعرفوش عشان مااضللكش ولا أضلل اي حد يقرأ مشاركتي مع العلم انا حاسس بيك وبحيرتك لاني مجربها قبل ما اشتري اي عربية من ال3عربيات اللي غيرتهم قبلكده...ولو عايز نصيحتي ابعد عن الصيني علشان مشاكله كتير وسوقه سيء عند اعادة البيع .
ثانيا اعمل زي مانا عملت قبل ما اشتري عربيتي الاخيرة وادخل على كل المواضيع الخاصة بالعربيات اللي انت محتار بينها واوعدك انك هتستفاد منها قوي.
ثالثا وده الاهم مش معنى انك عملت موضوع او اتنين ومحدش رد يبقى انك عضو غير مرغوب فيه لاسمح الله بالعكس استمرارك يشرفني كعضو واكيد يشرف باقي اعضاء المنتدى...يعني سيبك من موضوع الغاء عضويتك ده علشان مانعملهاش معاك

**m_newyork** · 20-08-2013 04:33 AM

شكرا جدا لحضرتك وبجد انا بس بكون حابب اني استفيد لاني بفيد ناس تانيه مثلا من اصحابي جيراني في العائله لان حضرتك عارف ان الناس الكبيره وبعض منهم ليس اي اهتمام بالكمبيوتر والانترنت وانا بصراحه مقدرش اصلا استغني عن المنتدي وعلي اقدر اسيب ناس محترمه زيكم