الدينامو عندى فى العربية مرسيدس 200 المعدلة ( w123 ) باظ و معدش ينفع فيه تصليح

ولذلك قررت اشترى دينامو جديد ( مش استيراد الخارج و مش مستعمل )

ولذلك اتصلت بتوكيل شركة بوش Bosch فى مصر واللى ماسك التوكيل هو شركة A-part

وكلمت شخصين مختلفين لان انا اتصلت مرتين

الاولانى قاللى ان مفيش دينامو دلوقتى وان فيه شحنة جاية بعد حوالى اسبوعين وشكله مش متاكد اوى
يعنى ممكن تمتد الفترة لاكتر من اسبوعين

الثانى لما كلمته قولتله زميلك قاللى ان مفيش دينامو موجود فقاللى ان انا لو عاوزه ممكن فى خلال خمسة ايام او اسبوع بالكتير اوى يجيبهولى قولتله جديد واللا مستعمل قاللى جديد

دلوقتى ايه رايكم فى الموضوع ده عشان انا خايف من الشخص التانى ليكون زى اوماترا توكيل الفيات ويجيبلى حاجة مش تمام وازاى يبقى مش موجود ويقوللى ان هو يقدر يجيبه ؟!

وهل يا ترى الدينامو بيجى فى علبه متبرشمة برشام معين لو اتفتح اقدر اعرف ان العلبة اللى جاى فيها الدينامو اتفتحت قبل كدا ؟!

وهل فيه شركات تانية كويسة زى بوش Bosch بتصنع دينامو لها توكيل هنا فى مصر اقدر اجيب منها ؟!