السلام عليكم... بكره هنزل اجيب كاوتش و كنت عايز اعرف تاريخ انتاج الكاوتش اعرف ازاي ده كويس ولا قديم؟
عرض للطباعة
السلام عليكم... بكره هنزل اجيب كاوتش و كنت عايز اعرف تاريخ انتاج الكاوتش اعرف ازاي ده كويس ولا قديم؟
انا بعرف اقرا ازاي الرموز و تاريخ انتاج الكاوتش بس عايز اعرف يعني يكون مثلا تاريخ انتاجة عدي عليه اد ايه شهر و 6 شهور ولا ايه؟
اقصى حاجة 6 شهور وتكون الفرده واقفة فى المخزن مش نايمه على جنبها ومتكومين فوق بعض ده بيتنى السلك ويقصر عمرها وعموما العمر الأفتراضى للكاوتش 4 سنوات !!
بالتوفيق وابقي قولنا جبت ايه وايه اخبار الاسعار ,,,
جبت كوموهو سولس 175 70 14 Traction A و Temp. A تاريخ الأنتاج الأسبوع الرابع من 2013 و السعر 425 شامل التركيب و الترصيص و النيتروجين
الكاوتش لية عمر افتراضى للتخزين حوالى 4 سنوات بعديهم الكاوتش بيتحلل ويشقق وينشف ويبقى خطر جدا انك تركبه لية؟
علشان بينفجر دون مقدمات فى عربيتى لما اشترتها كان فية استبن قديم بيرللى وركبته لغاية ماودى الفرده اللى راكبه تتصلح وربنا ستر وانفجر عند بتاع الكاوتش وبقى 60 حتة وقلبى وجعنى قوى كان صوت قنبلة وطبعا عمر الفردة بيقل لما بتركب فى العربية علشان كده مابانصحش حد يركب كاوتش استعمال ممكن تكون شكل الفردة سليم بس جايبة اخرها وربك الستار !!!
مبروك على الكاوتش الجديد وربنا يكفيك شر المسامير وخوازيق الحديد اللى فى كل حته فى مصر المحروسة وبعد 1000ك ابقى قولنا عامل اية معاك تحياتى !!
مع الشكر للرد .
الف مبروك يا باشا ,, ويارريت تقولنا ايه احساسك بالعربيه فالكاوتش الجديد ,, يا تري درجة النعومه والثبات والفرامل عاملين ايه ,,,