Abro - مزيل الصدا - هشام H فين :) .
عم هشاام . اولا سامحنى لانى روحت النهاردة الحرفيين بس معرفتش اسأل عن طقم الفتيس , لان شارع المرسيدس كان مقفول من الزحمة و كمان الشارع بتاع دبوس .. فيادوب اشتريت ابرو بتاع الصدا و عرفت اهرب .. :oh:
اوعدك اول منزل تانى هسال ..
دلوقتى الراجل اللى اشتريت منو ابرو .. قالى نقطه كدة حاسسها صح - هو الطيار على فكرة .
شوف الاول اللى فهمتو من الارشادات اللى مكتوبة علية :
1- ابرو يتحط 10 - 20 دقايق بس فى دورة المية و بعدين يتشال مش اكتر من كدة ..
2- غير كدة بيقولك متسوقش بية خالص و هو محطوط ,, يعنى يتحط و العربية باردة لحد متوصل درجة السخونه فى خلال 10 - 20 دقيقة ..
3- بعد كدة توقف الماتور و تسيبو لحد ميبرد خالص .. و بعدين تحط مصدر مية يفضل يكون دائم - يعنى خرطوم زى ما انت قولت - و تشغل الماتور - الى ان تلاقى المية نزلت صافية .. ( ممنوع نتحط مصدر مية ساقع لو كان الماتور سخن او المية اللى موجودة سخنة او مفيش مية اصلا )
4- نقفل و نحط المية المبردة
http://img689.imageshack.us/img689/5825/krjs.jpg
الطيار بقى قالى اية :: سيبو 10 دقايق بس و دة مكتوب علية ..
و عشان اطردو افك ال OUT اللى طالع من الرادياتير .. اللى انا مشاور علية دة بس ..مش الخراطيم الراجعة من طلمبة المية كلها ..
http://img821.imageshack.us/img821/4592/b26j.jpg
الكلام دة صح ؟؟ طيب و بعد مقفل و احط المية الخضرا اتاكد منين ان العربية مخادتش هوا ؟؟