عرض للطباعة
العربيه اخرها 140 كيلو وبالعافيه وبحس ان النقله الخامسه دى ملهاش لازمه لما بجيبها ولا كان حاجه حصلت :(
العربيه لانوس 2007
مغير بوجيهات وكابلات قريب والرداخ مغيرو من فتره استييراد والمشكله كانت من قبل ما اغيره بردو
بحط بنزين 92 والبطاريه لسه زيرو بقالها اسبوع بس وحطيط منظف رشاشات قبل كده كذا مره علبه سوده كده امريكي ب 20 جنيه وبردو مفيش فايده
ملحوظه: انا عندى جوان التاكيهات بيرشح زيت ف هغيره بالغطا لان في مسامير بتسرب بردو مع الجوان وفى مسمار من بتوع وش السلندر بيرشح زيت خفيف بس..
انت عربيتك عاملة كام كيلو
350 الف تقريبا
العيب دة ياكاتينة مش مظبوطة
يااما طرومبة بنزين ضعيفة
طب ظبطه الكاتينه بتبقى ازاى انا بسمع ان ليها زي مؤشر كده بيتظبط علشان متبقاش مأخره يعني.
وممكن فعلا تكون طلمبه البنزين لانها صوتها خشن سنه بس لما بدور العربيه الصبح بتبقى تمام والله اعلم
بس عايز اعرف ظبطه الكاتينه ازاى وانا هفهم منك بسرعه :)
بتنقل علي ار بي ام كام
ولو معندكش ار بي ام بتنقل علي سرعات ايه
ده كده نعمة و رضا انها بتجيب 140
عربية موديل 2007 و ماشية 350 الف كيلو دى كده بتتعذب
هى ماشية كتير فعلا
بس انا اقولك على حاجة العربية زى مامتعودة برده
انت اقرص على الرابع لحد 100 مثلا وادى الخامس وشوف النتيجة
عندى نفس المشكلة وبقرص على الرابع لحد 110 والخامس برضه ملهوش اى لزمه تحس انه هواء
ظبطة الكاتينة محتاجة مكانيكى شاطراقتباس:
المشاركة الأصلية كتبت بواسطة tiger_mrmr2000
الكرنك بيظبط على زنبة والكامة بتظبط على زنبة
انما طرومبة البنزين كدة كفاية عليها اوى لو هية بتاع الفبريكة
لان دة انجاز انها تمشيك 350.000
احتمال مشكلة بالشكمان او سدد فى علبة البيئة (لو فيها).
لا انا غيرت الطلمبه كذا مره والرداخ بردو ونسيت اقول ان العربيه بتاكل بنزين بطريقه محدش شافها قبل كده :)
لو فى علبه بيئه شيك عليها
و شيك على الرشاشات ممكن تكون بتسيل
يا جماعه انا بفشخ الار بي ام انا بجيب ع الاول اكتر من 40 والثانى 70 مثلا والثالث 100 والرابع 140
والخامس ف الطراوه ولا بيعمل اي حاجه
العربيه مش كامله ف مش عارف اذا كان فيها علبه بيئه ولا لأ بس كان في عضو بيقول ان علبه البيئه لو مكتومه يبقى فى سخونيه بتطلع من عند دراع الهاند والفتيس كده وده بيحصل عندى فعلا
ولو الرشاشات بتسيل هيبان عليها من بره يعني قصدك ولو عايز انضفهم اروح لمين ف بورسعيد مثلا عنده التراسونيك لان انا من دمياط
اخبار زيت فتيسك ايه بتغيره كل اد ايه
هل في صوت نحر مع القرص
ممكن يكون ديسك واسطوانة
- مفيش اصوات بتحصل وصوت المكنه عادى.
- زيت الفتيس متغير من شهرين تقريبا موبل 90.
- وازاى اشيك على علبه البيئه هل هو موضوع خرم فيها وخلاص ولا حاجه تانيه
حبيب الشعب المشكلة دى عندى من قبل كدة من اكتر 3 سنين فاتو
بس هنجرب مع بعض الاول
1- هتفك فيشة حساس tps الموجود تحت حساس الايدل فيشتة مدورة شكلها وهتلاقى العربية هتبقى عالية معاك "جربها وشوف ادائها " لو الاداء اتحسن تجري تغير الحساس دة وحساس الكرنك راعى ان لمبة التشيك هتنور معاك
2- فك خرطوم فايظ الزيت من المانيفولد وزوت البنزين وشوفها هتبخر زيت ولا لأه لو بخرت يبقى يامعلم متورك خفيف ودي هي المشكلة فعلا
3- لو فرضا الاختبارين اللى فاتو طلعو سلبيين يعنى الدنيا حلوة و الموتور لسة كويس
هتروح لميكانيكي معروف جدا انة فاهم "لازم يبقى فاااااهم " هتقولة يقدملك كامة الهواء سنة او نص سنة من مكان الزنبة "ميزودش اكتر من كدة علشان متعوجش صبابات" "دى هتغير توقيت دخول الهواء للمكنة و بالتالى تزود نسبة الأنضغاط وترفع اداء المكنة بشكل كبير و بالتالى استهلاك البنزين هيقل نسبة بسيطة يعني لو عربيتك دى على حالها هتجيب معاك لحد 185 كيلو ولو الموتور اساسا حلو العربية هتقفل الأمبير" و البنزين لو بتعمل 180 كيلو في الصفيحة هتعمل 210
انا هشوف الاول حساس ال tps ده لان انا معرفش مكانه فين ف ياريت توضح مكانه اكتر انا عارف حساس الايدل اللى بيبقى ورا البوابه على طول
تحت الايدل علاطول مربوط بمسمارين الانكية مش مسامير صليبة زى الايدل وفيشتة لما تفكها تلاقيها فيشة مدورةاقتباس:
المشاركة الأصلية كتبت بواسطة tiger_mrmr2000
بش فك فيشتة وجرب امشي بالعربية وشوف النتيجة
الآداء وحش ركب الفيشة وشوف الأختبار التانى
بعد الاختبار التانى لقيت العربية فلا مش بتنفخ زيت من خرطوم الفايظ يبقى كدة انت اطمنت على الموتور فكرة بقى مين الميكانيكى الصح اللي يظبطلك الكاتينة
انا اسف على التعديل
1- اللانوس 1 كامة
2- الصبابات بنزين وشكمان (مش هوا)
3- الكاتينة لازم تكون مظبوطة لا مأخرة ولا مقدمة
اقتباس:
المشاركة الأصلية كتبت بواسطة moko_2004
انا فكيت الفيشه بتاعه الحساس والاداء ومفيش جديد بالعكس دي اتخنقت اكتر بعد كل نقله .
الموضوع دا حصل تدريجي ولا مرة واحدة لقتها بقت كده ؟؟؟ يعنى الاول كانت بتوصل ل 190 مثلا وبعدين بقت 180 وبعدين 160 وهكذا ... ولا هى كانت كويسة وبعدين الاداء حصل فيه Drop مرة واحدة ؟؟؟؟
بصراحه مش عارف بس هي كده من زمااااان والمكنه عندى مش خفيفه لان انا لما باجى اطلع بالعربيه مش لازم ادوس بنزين بسيب الدبرياج بس والله اعلم .
دا مش دليل ان المكنة مش خفيفة .... ممكن تقيس كبس المكنة فاى بنزينة بتقيس كبس ... وحط العربية على سكانر ... يمكن توصل لحاجة بدل التجارب ... لو موصلتش يبقي خلى ميكانيكي يحطلك طلمبة بنزين بتاعت عربية تانية وجرب ... بعد كده ابتدى فكر في الدسك والاسطوانة ... والله اعلماقتباس:
المشاركة الأصلية كتبت بواسطة tiger_mrmr2000
هى اللانوس عندكوا بتجيب كام يا اخواننا؟
انا عربيتى عامله 130 الف كيلو مو 99
واخرها 140 برضه او لو الطريق والهوا مساعدين 150 بالعافيه!
طبيعى ماكنه عامله 300 الف تكون شحرت
يا جماعة طريقة السواقة والنقل من غيار لغيار على عدد لفات موتور معينة ليهم عامل كبير فى الوصول الى سرعات عالية ... يعنى لو بتنقل على أر بي أم 2.5 أو 3 .... هتوصل لل140 بعد ما تكون اتعذبت ... لو عاوز توصل ل 180 أو تقفل عدداك ... لازم تنقل على أر بي ام عالي ... مش أقل من 5.5 أو 6 :) يعني مثلا تجيب 50 على الأول و 90 على التاني و 120 على التالت و 160 على الرابع والباقي على الخامس ... ويمكن أكتر كمان ... بالنسبة لصحاب الموضوع ابقى طمنا عملت ايه
عقبال ما يجيب الخامس تكون المكنه اتفرتكيت .. مش للدرجه دي كده بياكل في المكنه والتروس .. طبعا حرام 160 علي الرابع ليه؟اقتباس:
المشاركة الأصلية كتبت بواسطة mahmoud_eng85
كدة عندك حساسين لازم تشيك عليهم
1- حساس الكرنك "لو ترس الكرنك فية رفة يعمل كدة" او لو الحساس سيءو علشان تعرفها لازم كشف كومبيوتر + ترفع العربية و حد فوق يدوس بنزين و تشوف الترس دة من تحت لو عاوز يتغير تغيرة
2- حساس الماب الموجود في صدر العربية على الشاسية برضة بيخنق العربية على السرعات او "ومهمة او دى" يخلي العربية تبطل على المطبات
تروح لميكانيكي ثقة وتغير الحساسات وتطلع تجرب و ترجع تانى وهكذا لحد ماتعرف مين الحساس اللي مبهدل العربية تغيرة
معذرة كلامى على موتور النوبيرا ال 2 كامةاقتباس:
المشاركة الأصلية كتبت بواسطة misho2008
يا جماعه انا وصلت للعيب خلاص بس هرد ع الاسئله والاستفسارات للإفادة
mahmoud_eng85
انا اتكلمت ف الاول وقلت ان انا بقرس على كل نقله زى ما انت بتقول والرابع بيجيب 140 بالعافيه ولما بجيب الخامس بخخخخخخخ السرعه تقل .
luckyman
ولا حرام ولا حاجه دا العادى بتاعى لما بجري :) وبعدين السرعات دى مناسبه لل ار بي ام مش ف الرد زون تقريبا ملحوظه : انا معنديش ار بي ام
moko_2004
شكرا على ردك وبردو هشيك عليهم وانا بصلح العربيه بكره
انا امبارح لقيت العربيه عزمها راح خالص على كل النقلات بقى ولما باجى ادوس بنزين صوت العربيه بيعلى
ف عرفت انها اسطوانه روحت للميكانيكي قالى هيغير اسطوانه وبليه و ماشه مع انى مش عارف ايه الماشه دى بالظبط وشكرا لكل اللى تابع
نصيحة لو هتفك فتيس يبقى تغير طقم دبرياج كامل
وفى انتظار لمفهوم كلمة ( ماشة )
الماشة مقصود بيها الفرش
شكرا للتوضيح ياستاذ طارق