أنا فعلاً أتصلت بالخط الساخن لــ e-finance وطبعاً ماعندهمش فكرة أصلاً عن اللى بيحصل ده وطلبت الموظفة وقت تستفسر فيه من مديرها ، وكلمتها تانى وقالت أيوه دى شركة توزيع ممكن تستلم منهم عادى من مكان بيتك أو شغلك أو تستلم أنت من أقرب فرع ليك وطبعاً هما هيوصلولك نظير 20 ج ، ولو أنت اللى هتروحلهم هيكون مجانى ، بس طبعاً بعد ماكلمونى النهاردة الأربعاء كنت خرجت من الشركة وقولتلهم أقرب فرع ليكم وأنا هجيلكم قعدوا يزوغوا وقالوا مش حضرتك قلت ماشى وهاتوه على مكان شغلى وبعدها الخط أتقطع !! بس برضه مش مطمن !! ممكن يكون الكارت سليم وكل حاجة بس الموضوع من أساسه يكون أتلغى ومش هيمشى وتكون الشركة لمت فلوس ومالهاش دعوة !! وبعدين هما مش مسجلين وقايلين على الموقع الرسمى التسليم هيكون من أقرب مكتب بريد ؟ ولا دى سبوبة ولعبة بيعملها ناس من وزارة المالية أو البترول للتربح منها ؟ أنا مازلت مصمم أن الناس لابد أنا تستلم من مكاتب البريد ، ولازم نسأل أكتر ونثير الموضوع أكتر فى وزارة المالية والبترول أو حتى الرقابة الإدارية لأن تقريباً الفساد والدولة العميقة مازالت معششة فى كل مفاصل الدولة ، لاحول ولاقوة إلا بالله
المفضلات