موتور بورش مستعمل

**Ramy_Ali** · 04-09-2008 01:55 PM

كنت عاوز اشترى سيارة مستعملة بها موتور قوى (بورش او فيرارى) مثلا
مش فيه بردة كدا؟
انا كنت سمعت ان موتور بورش موجود فى بعض السيارات القديمة
يارايت حد يدلنى على الموضوع دا

**dr_abooody** · 04-09-2008 06:14 PM

يبني اي حاجة من دة بتيجي البلد قليلة اوي
احنا متلاقيش عندنا غير الصيني و المضروب و المستعمل اللي خلاص اتهرى من كتر الاستعمال
اتفرج العربيات المستعملة موديل 90 اللي جاية في بورسعيد هتحس انها زيرو من كتر النضافة هناك اللي عندهم

**Adham** · 04-09-2008 06:46 PM

وتجيبلة قطع غيار منين

لا لة توكيل ولا تقدر على مصاريفة

هات عربية و سقط فيها موتور قوي

مثلا موتور بي ام ام ثري في بي ام 318 او موتور ريتمر ابرث 2000 سي سي في ريتمو او 128
او موتور اونو تربو في 128 او اونو

او موتور ايفو استيراد في لانسر

او موتور فوليومكس في 131 او 132

او موتور في تك في سيفيك عادية

او اشتري لانشيا دلتا انتجراللي لو تقدر على مصاريفها

**fahd_628** · 04-09-2008 06:47 PM

مينفعش يا باشا او بمعنى اصح ينفع بس صعب جدا جدا جدا انك تلاقى كدة

انت احسن حاجة تشترى بى ام قديمة و تسقتلها موتور 6 سلندر

**dr_abooody** · 04-09-2008 08:08 PM

يبني اي حاجة من دة بتيجي البلد قليلة اوي
احنا متلاقيش عندنا غير الصيني و المضروب و المستعمل اللي خلاص اتهرى من كتر الاستعمال
اتفرج العربيات المستعملة موديل 90 اللي جاية في بورسعيد هتحس انها زيرو من كتر النضافة هناك اللي عندهم

**mohamed ibiza** · 04-09-2008 09:24 PM

المشاركة الأصلية كتبت بواسطة Ramy_Ali

كنت عاوز اشترى سيارة مستعملة بها موتور قوى (بورش او فيرارى) مثلا
مش فيه بردة كدا؟
انا كنت سمعت ان موتور بورش موجود فى بعض السيارات القديمة
يارايت حد يدلنى على الموضوع دا

عايز تشتري موتور بورش او فيراري اساسا منزلتش هنا في عربيات قديمة ولا جديدة مفيش غير موتور واحد نزل في الابيزا 92 كان اسمه سيستم بورش و كان 1200 سي سي نظام الموتور فقط بورش لو عايز موتور قوي اديم هات موتور بي ام 335 3500 سي سي و عيش حياتك

**badblood** · 05-09-2008 03:26 AM

في طبعا انا كان معايا واحد في الجامعة كان مسقط موتور بورش على بيتلز (والله ما بهرج)
بس الكلام ده من 5 سنين وكانت طياره
طبها كان لاغي الكنبة وجزء من الموتور كان طالع برة اي نعم كان شكلها غبي بس كل واحد ودماغه

**Adham** · 06-09-2008 04:18 PM

المشاركة الأصلية كتبت بواسطة badblood

في طبعا انا كان معايا واحد في الجامعة كان مسقط موتور بورش على بيتلز (والله ما بهرج)
بس الكلام ده من 5 سنين وكانت طياره
طبها كان لاغي الكنبة وجزء من الموتور كان طالع برة اي نعم كان شكلها غبي بس كل واحد ودماغه

انا شفت العربية دي من اكتر من 10 سنين

كان لونها اسود و الموتور طالع برة العربية و مركب ماسورتين نيكل حماية للموتور من ورا

و حاطط هواية عالسقف شبة هواية الخندق كدة علشان تسحب هواء للتيربو

وكانت العريبة دي بتقف في روكسي في شارع الميرغني قدام نادي هليوبوليس على ما اذكر

**Ramy_Ali** · 07-09-2008 03:53 PM

طب موتور البورش دا اختراع يعنى
يعنى موديلاتة الاولى ممكن تكون مثل مواتير ال 128 مثلا مثلا من حيث الشكل والحجم
انا عاوز اركب حاجة تطير من على الارض طير وتكون حنينة شوية
فقلت اشوف المواتيير دى ليها سكة فى مصر ولا لا

**Adham** · 08-09-2008 02:03 PM

المشاركة الأصلية كتبت بواسطة Ramy_Ali

طب موتور البورش دا اختراع يعنى

آة اختراع

وانت عنوان موضوعك اصلا انك عاوز موتور بورش يعني انت معترف ضمنيا انة اختراع ههههههههه

المشاركة الأصلية كتبت بواسطة Ramy_Ali

يعنى موديلاتة الاولى ممكن تكون مثل مواتير ال 128 مثلا مثلا من حيث الشكل والحجم

ياراجل انت بتقارن موتور بورش بموتور فيات؟؟؟ ازاي يعني, لا من حيث الشكل و لا الحجم

احنا بنتكلم عن موتور 6 سلندر 3000 سي سي تربو مش عربية 1100

المشاركة الأصلية كتبت بواسطة Ramy_Ali

انا عاوز اركب حاجة تطير من على الارض طير

مش عافية يا باشمهندس, لازم عربية تستحمل الموتور دة, مش 128 و لا مازدا 323, مثلا, و لازم يتعدل في العربية فرامل و جنوط و عفشة علشان الثبات, علشان ماتطيرش بيك فعلا و تعرف توقفها مش تنط منها و تنفد بعمرك

المشاركة الأصلية كتبت بواسطة Ramy_Ali

وتكون حنينة شوية

ماينفعش, يا تجري يا تبقى حنينة الاتنين ماينفعش

انت كدة يبقى تجيب 128 و تسقط فيها موتور ريجاتا و شكرا

المشاركة الأصلية كتبت بواسطة Ramy_Ali

فقلت اشوف المواتيير دى ليها سكة فى مصر ولا لا

من الأخر انت تحضر 60 الف و تضبط بي امM40 تمانينات بموتور M3 تسقطة من بورسعيد بعفشتة
انما تقوللي موتور فيراري و بورش زي ال128 دة كلام ماياكلش

يا اما تجيب او جولف و تسقط موتور VR6 G60 او تجيب فيات 131 و تسقط موتور فوليومكس او عربية ياباني قديم موتور بالطول كريسيدا او جالنت القديم مثلا و تسقط فيها موتور امريكاني 6 او 8 سلندر بفتيسة و تلعب بقى في آلة الجر والعفشة وربنا معاك

الموضوع: موتور بورش مستعمل

LinkBack

أدوات الموضوع

عرض

-

-

-

-

المواضيع المتشابهه

مطلوب موتور 400 فاير افراج او مستعمل او استيراد

النترا مستعمل ولا اوبترا مستعمل ولا نيو اكسنت جديد

عايز موتور بيتلز مستعمل بسعر متهاود

يا جماعة انا عايز اجيب ريس مستعمل حد يعرف مكان معارض بتبيع مستعمل

عايز اركب موتور بورش فى البيتلز 63

الكلمات الدلالية لهذا الموضوع

المفضلات

المفضلات

ضوابط المشاركة