-
اول كيك دون
بصراحه عشان اول مره اسوق اتوماتيك ..كنت بسمع عن اسطوره الكيك داون وكنت مستني اول 1000 كيلو يخلصوا عشان اجرب
المهم وانا راجع من اكتوبر علي طريق الواحات بعد اليوترن بتاع الدائري ...لقيت الطريق لحد طريق الفيوم المتقاطع معاه مفيش فيه ولا عربيه ....قمت دايس لاخر الدواسه ............وخرج الوحش من القمقم ..لقيت نفسي بتهبد لورا في الكرسي و لقيت صوت الموتور علي و الار بي ام اتجنن و مؤشر السرعه طالع السما .....و جابت في الحته الصغيره دي 140 ....شي خيال يا ناس
-
بسم الله ماشاء الله لا مكنة عفيه بس ده بالتكيف ولا من غير ؟؟
-
من غير تكييف ...كتت عايز اشوف اخرها ايه
-
ما شاء الله تبارك الله
اتوقع بالتكيف مش هتفرق اوى لان الكباس بيفصل مع الكيك داون على ما اعتقد
-
أنا مبعرفش أجرى ولا أطلع من عربية إلا لما أعمل كيك داون ... الفتيس الأوتو يغوووووووووووووووووووووور
-
-
ماشاء الله. مع اعتذاري و تقديري لحضرتك انا خايف على عربيتك و خصوصا الفتيس من كتر تجاربك فيه. حافظ على العربية و ماتتغرش فيها هي بس عشان جديدة بتديك الأداء ده إنما هي في الآخر كوري مش بتستحمل. ربنا يحفظهالك و يباركلك فيها. انا مش بقول لحضرتك كدة عشان اقلل من قيمة العربية انا برضوا معايا أوبترا أوتو بس انا اتعلمت كتير و كله بفلوس من الكوري ده. أرجو انك تتقبل نصيحتي كأخ ليك.
-
اعتقد ان الكيك دون مابيعملش مشاكل للعربيه هو بيضغط علي الموتور و لكن الفتيس بيغير بس معاد النقله فبينقل علي ار بي ام عالي
اللي انا فاهمه ...وعلي فكره كتير الواحد وهو ماشي يضطر يشد عشان يطلع من عربيه او عشان يلحق يفادي حاجه
فلا اعتقد ان الكيك دون ييعمل مشكله ...ولا ايه ياخبراء المنتدي ..افيدونا جزاكم الله خيرا
-
هو الاوتوماتيك اصلا بينقل بدرى عشان يريح الموتور ويقلل استهلاك البنزين فانت لما بتدوس لاخر الدواسة الفتيس بيفهم انك عايز عزم وتجميع سرعة عالى فبيسقط نقلة عشان يجمع سرعة ف وقت قليل ده فكره الكيك داون بس كتره بغشومية هو اللى بيجيب اخر الفتيس انما لو استخدام معقول عادى بس بيزود استهلاك البنزين لكن مش بيبهدل العربية بس لو اتعمل صح يعنى ماجيبش ابقى بطئ او واقف واقوم رازع رجلى مرة واحدة على اخر الدواسة لا لازم ع الاقل اكون ماشى بسرعة معقولة واوقم دايس لنص الدواسة الاول وبعدين النص التانى هى مسألة تعود لما رجلك تاخد على الكيك داون هتعرف ان المسافة كذا من مشوار الدواسة هى اللى بتبتدى العربية تسقط فيها نقلة
بس هى دى النظرية
-
Content Relevant URLs by
vBSEO 3.6.0 PL2