في عضو تاني قال برضه ان حد كلمه و قال له عايزين نسلمك الكارت .
يا جماعه مش لازم تبقي قواعد البيانات بتاعه الشركه اللي ماسكه المشروع تكون اخترقت و لا حاجه و الموضوع ابسط من كده بكتير لان ارقام موبايلاتنا متسجله في مليون حته زي محلات الدليفري و الصيدليات علشان الدليفري و في اي تعامل مع البنوك ده غير الناس اللي بتتعامل معاهم و كمان برامج علي الموبايلات زي true caller اللي بتجيب أسماء الناس عن طريق رقم الموبايل .
طيب ببساطه نعمل ايه ؟ لو حضرتك مش مسجل بيانات عربيتك علي الموقع و حد كلمك يقولك هاسلمك الكارت يبقي اكيد نصاب أما لو كنت مشترك بالفعل في الموقع فهتلاقي ببساطه في آخر صفحه في التسجيل في الموقع كان في صفحه بيقولك تطبعها و دي فيها اسم المكان اللي هتستلم منه الكارت فحضرتك تجيب رقم التلفون بتاعهم من الدليل و تكلمهم تعرف منهم هل أفي حد فعلا اتصل من طرفهم و لا لأ و ما تتفقش علي اي ميعاد قبل التأكد لان دول وارد جدا تكون وسيله للنصب اوالسرقه و ربنا يسترها علينا جميعا
المفضلات