-
صور الكورولا الجديدة في مصر
-
-
-
اللى في الصورة دى الفئة التانية اوتوماتيك وسعرها 185 الف
-
شكلها تحفة جداً, بقت شبه العربية الهاتش باك الجديدة والكامري من قدام
بس كام بقي الأسعار :wound13::wound13:
-
اول فئة مانيوال (1600سى سى - 122 حصان - ناقل حركة يدوى - نظام ثبات الكترونى (VSC) نظام فرامل ABS+BA+ EBD - 4زجاج كهرباء - سنتر لوك – تكييف يدوى باورستيرينج كهرباء - تحكم بالنظام الصوتي من عجلة القيادة- راديو CD 4 سماعات + مدخل USB+AUX - نظام مانع السرقة – نظام تصفيح ضد الصدأ ضبط مستوى الاضاءة الامامية يدوى –- أمكانية طى الكنبة الخلية - نظام أضاءة نهارى (LED) – 2 ايرباج - مرايا كهرباء بلون السيارة - مفتاح بالريموت فوانيس شبورة خلفية السعة اللترية 55 لتر - كاوتش مقاس /55 R 16205.والسعر (162.900)
اوتوماتك متوفر بثلاث فئات اولا(1600سى سى - 122 حصان - ناقل حركة أوتوماتيك CVT- نظام ثبات الكترونى (VSC) - نظام فرامل ABS+BA+ EBD - 4زجاج كهرباء - سنتر لوك – تكييف يدوى - باورستيرينج كهرباء - تحكم بالنظام الصوتي من عجلة القيادة- - راديو CD 4 سماعات + مدخل USB+AUX - نظام مانع السرقة – نظام تصفيح ضد الصدأ - ضبط مستوى الاضاءة الامامية يدوى - أمكانية طى الكنبة الخلفية - نظام أضاءة نهارى (LED) – 2 ايرباج –- مرايا كهرباء بلون السيارة مفتاح بالريموت -السعة اللترية 55 لتر- كاوتش مقاس /55 R 16205. والسعر (174.900)
ثانى فئة اوتوماتك(1600سى سى - 122 حصان - ناقل حركة أوتوماتيك CVT- نظام ثبات الكترونى (VSC) - نظام فرامل ABS+BA+ EBD – 4زجاج كهرباء - سنتر لوك مثبت سرعة - تكييف أوتوماتيكي Dual Zone - باورستيرينج كهرباء - تحكم بالنظام الصوتي والتليفون من عجلة القيادة- Bluetooth - راديو CD 6 سماعات + مدخل USB+AUX - نظام مانع السرقة – نظام تصفيح ضد الصدأ - ضبط مستوى الاضاءة الامامية أوتوماتيك - أمكانية طى الكنبة الخلفية - نظام أضاءة نهارى (LED) – 2 ايرباج - مفتاح بالريموت -السعة اللترية 55 لتر كاوتش مقاس /55 R 16205(جنوط سبور ) - حساسات ركن امامية وخلفية خاصية الركن التلقائى Park Assist – فوانيس شبورة أمامية وخلفية - مرايا كهرباء قابله للطى بلون السيارة - والسعر (184.900)
خيرا هاى لاين(1600سى سى - 122 حصان - ناقل حركة أوتوماتيك CVT- نظام ثبات الكترونى (VSC) - نظام فرامل ABS+BA+ EBD – 4 زجاج كهرباء - سنتر لوك - مثبت سرعة - تكييف أوتوماتيكي Dual Zone – مفتاح ذكى
مراه خافتة للاضاءه أوتوماتيك - باورستيرينج كهرباء - تحكم بالنظام الصوتي والتليفون من عجلة القيادة- Bluetooth - راديو CD 6 سماعات +
مدخل USB+AUX - نظام مانع السرقة – نظام تصفيح ضد الصدأ - ضبط مستوى الاضاءة الامامية أوتوماتيك - أمكانية طى الكنبة الخلفية - نظام أضاءة نهارى (LED) – ( 9 ايرباج)....- مرايا كهرباء بلون السيارة - مفتاح بالريموت -السعة اللترية 55 لتر- كاوتش مقاس /55 R 16205(جنوط سبور ) - حساسات ركن امامية وخلفية – كاميرا خلفية - خاصية الركن التلقائى Park Assist – فوانيس شبورة أمامية و خلفية - مرايا كهرباء قابله للطى بلون السيارة .
والسعر (209.900)
-
شوفتها إمبارح من غير نمر بتمون فى امارات مصر على الصحراوى بس مالحقتش اشوف غير ضهرها
تقريبا كانوا بيحطوا فيها لتر ونص على اد ما يسلموها للزبون , الراجل ماكملش دقيقه ومشى :)
بس بصراحه موضوع ان إرتفاعها 12.5 سم دا مش داخل دماغى , قليل اوى
-
الف شكر ع المجهود وهل فعلا واطية اوى ولا ايه ...
-
والله ما خدت بالي من موضوع الارتفاع ده بس العربية مش واطية اوي كده ! هي عادية لا عالية ولا في الارض
-
ف المعارض سعر الكام والاستلام خلال أد ايه
-
اقتباس:
المشاركة الأصلية كتبت بواسطة mohamed hamed
ف المعارض سعر الكام والاستلام خلال أد ايه
مش عارف والله .. ممكن حضرتك تسألهم في صفحة تويوتا ايجيبت على الفيس
-
تمام سعتك هى الصفحة بتقول الاستلام خلال من 4 الى 6 اشهر انا بتكلم ع المعارض ذاتها الاستلام خلال أد ايه
-
اقتباس:
المشاركة الأصلية كتبت بواسطة Hosam_Optrawy
شوفتها إمبارح من غير نمر بتمون فى امارات مصر على الصحراوى بس مالحقتش اشوف غير ضهرها
تقريبا كانوا بيحطوا فيها لتر ونص على اد ما يسلموها للزبون , الراجل ماكملش دقيقه ومشى :)
بس بصراحه موضوع ان إرتفاعها 12.5 سم دا مش داخل دماغى , قليل اوى
هوا اللي باين من أول صورة أنها عالية,,
وعلي حسب ما قريت في ال ground clearance بتاع عربيات كتير, وكل عربية كنت أعمل عليها سيرش الأقي إن العربية بتنزل بأرتفاع عن الأرض مختلف في أوروبا غير ماليزيا غير أفريقيا,,
كل عربية بيكون ليها أرتفاع مختلف عن بلد تانية,
أعتقد في مصر العربية بتنزل لنا أعلي شوية من دول تانية عن طلب من الوطيل عشان العربية تعرف تمشي في مصر عشان طبيعة الطرق عندنا,
وأول صورة الجزء اللي باين منه الكاوتش من الأكصدام ناحية السواق صعب أنها تكون 12 خالص
-
كاتبين على صفحتهم على الفيس ان الاستلام خلال شهر من تاريخ الحجز
-
شفتها النهاردة على الصحراوي......فى معرض بعد البوابات و أنت جاى من أسكندرية على يمينك.
و كانت سوداء برضه :)
بس محستش أنها واطية.
-
الشكل جميل بالنسبة لتويوتا فالفترة الاخيرة فرأي
تحياتي علي مجهودك ..
-
اخيرا تيوتا ابتدت تحسن فى الشكل
-
الف شكر ع الصور .. هو الفرش لونه بيج ولا رمادي عشان مش واضح اوي
و شكرا
-
هو العيب فيها انا
و لا في حد شايف تصميمها سيئ زي حالاتي
-
اقتباس:
المشاركة الأصلية كتبت بواسطة horas3000
هو العيب فيها انا
و لا في حد شايف تصميمها سيئ زي حالاتي
التصميم مش اللى جامد من الاخر بس اسم تويوتا+اوبشن جامد الفئه التانيه+كل ده بسعر الكورى اعتقد كل ده يخليها من اشد المنافسين
-
اقتباس:
المشاركة الأصلية كتبت بواسطة amgomaa
التصميم مش اللى جامد من الاخر بس اسم تويوتا+اوبشن جامد الفئه التانيه+كل ده بسعر الكورى اعتقد كل ده يخليها من اشد المنافسين
متفق معاك
-
للاسف عند رؤية السيارة في الطبيعة فتجد أن تصميمها أكثر من سيئ
-
فقيره جدا من جوه ومافيهاش لمسه الفخامه
وزرار المرايات اللى مش عايزين يغيروه
-
أنا شايفها من بره عاديه مش وحشه ومش حلوه بس من جوه شيك جدا بالنسبه لفئتها وسعرها اللي متوقع انه يرفع عن كده لأن حاليا السعر مقابل الكماليات (الفئه التانيه) ممتاز جدا وفي صالح المشتري.
-
اقتباس:
المشاركة الأصلية كتبت بواسطة eleanor
فقيره جدا من جوه ومافيهاش لمسه الفخامه
وزرار المرايات اللى مش عايزين يغيروه
ده هي مش حلوة الا من جوه :d مقارنة بالموديل اللى قبلها فرق كبير